Luka 1:49 - IBAYIBOLO 2024

⁴⁹ pachifukwa icha vintu ivikulu vivyo u Chala Uwamaka ambombela. Itabwa lyache lizelu;

Ulufingo Ulupya

⁴⁹ pachifukwa icha vintu ivikulu vivyo u Chala Uwamaka ambombela. Itabwa lyache lizelu;

Luka 1:49 Iomraidhean Croise

Ubwandilo 17:1

Bo u Abulamu ali na maka 99, u Mwene akamubonekela nukumubuzya ukuti, “Ane ne Chala Uwamaka Ghosi. Unyivwilaye, sona bombagha chicho chigholosu.

Masalimo 111:9

Akabatabula abantu bache, sona akafingana nabo ulufingo Ulwa bwila na bwila, Itabwa lyache lizelu sona lyakoghofya.

Masalimo 24:8

Nkimba u mwene uwa buchindamu wewenu? We Mwene uwamaka sona nu wamaka ghosi. We Mwene Uwamaka pakulwa ubwite.

Masalimo 99:3

Abantu balipalaye itabwa lyako ikulu ni lyakuswighisya, pakuti itabwa lyako lizelu.

Masalimo 99:9

Mumukwezyanje u Mwene u Chala witu, sona mumwiputaye pighamba lyache izelu, pakuti u Mwene u Chala witu muzelu.

Ukufuma 15:11

“Wee Mwene, nkimba alipo u chala uyunji, yuyo ayanite nawe? Nkimba wewenu ayanite nawe, we muchindikiwa sona we muzelu? Nkimba wewenu angayana nawe, pakupela ivyika ni viswigho?

Yesaya 1:24

Polelo u Mwene Uwamaka Ghosi, Uwamaka uwa ba Izilayeli akuti, “Mwee, nkwiza pakupungulila ubukali bwane pababo bakulwana nane sona nkwiza pakubatanizya abalwani bane.

Yesaya 57:15

Pakuti umu momumo akunenela uwa pamwanya, yuyo wakupaliwa yuyo akubangako bwila na bwila, itabwa lyache lizelu, “Nkwikala kumwanya nkani, sona na Mubuzilo Ubuzelu, sona nkwikala na bantu abakwiyisya mubuzimu, sona nukughunyamusya umuzimu uwa muntu uwakwiyisya, nukughunyamusya umoyo uwa muntu uwakuwa amaka.

Yesaya 6:3

Bakitizannyanga bakatinji, “Muzelu, muzelu, muzelu! U Mwene Uwamaka Ghosi muzelu! Ichisu chosi ichapasi chizuye nubuchindamu bwache.”

Yesaya 63:1

Nkimba wewenu yuyo akufumila kuchisu icha Edomu, mukaya aka Bozila, yuyo avwalite amenda amachesamu? Nkimba wewenu yuyo avwalite inkazo inyiza, sona akwenda namaka? “Nene Mwene, nkunena ubwanaloli, sona uwamaka pakupoka.”

Yelemiya 10:6

Wee Mwene, atalipo nayumoyumo uwakuyana nawe, awe we mukulu nkani, sona itabwa lyako lyamaka nkani.

Yelemiya 20:11

Loli u Mwene ali kulubazu lwane, ngati musilikali uwamaka ghosi, po babo bakunvwima bakwiza pakwipunula sona batakwiza pakumpota. Bakwiza pakukoziwa isoni akabalilo kosi, sona batakwiza pakumpota. Ukukoziwa isoni kwabo kutakwiza pakuluvyiwa.

Maliko 5:13

Akayitikizya pakubuka, imizimu imibibi yikepamo mumuntu yula nukwinjila mu ngulube. Umudimo ghosi uwa ngulube zila, zizyo zikaba papipi 2,000 zikika nukuchimbila, po zikinjila munyanja nukudwiba.

Luka 1:48

Pakuti ankumbuka, ne wambombo wache uwakwiyisya! Ukwandila pakabalilo aka, abantu abankulilo zyosi bakwiza pakunyitizya musayiwa,

Luka 1:50

ukwandila inkulilo yoka mupaka iyamwabo akubapelela ichisa abantu babo bakumuchindika.

Aba Efeso 3:20

Ubuchindamu bubanje kwa Chala, yuyo na maka ghache, ghagho ghali pambombo mumwitu angabomba ivintu ivyinji vivyo vitakubelengiwa nukuchila vivyo tungalaba pamo ukuvyinong'ona.

Ubuvumbuli 15:4

Wee Mwene, nkimba wewenu atangakunyila nukulichindika itabwa lyako? Pakuti awe wemwene we Muzelu. Abantu abaluko losi bakwiza pakukwiputa, pachifukwa ichakuti imbombo zyako ngolosu zikuboneka pabuzelu na bantu bosi.”

Ubuvumbuli 4:8

Ichipeliwa ichabumi chosi chikaba ni vipapande sikisi. Ivipapande vila vikaba na maso posi na posi, mukasi na kuzi bulo. Pamusanya na pabusiku vitakutuzyangapo pakwimba ukuti, “Muzelu, muzelu, muzelu u Mwene u Chala Uwamaka Ghosi. Wewe ukabako kale, wewe uliko ilelo, wewe ukwiza pakubangako bwila na bwila.”

1 Samuweli 2:2

“Atalipo nayumo yuyo muzelu ngati we Mwene, sona ataliko nayumoyumo yuyo ayanite nawe. Litalipo nalimolimo ilyalabwe ilinji, lilyo liyanite nu Chala witu.