Luka 1:20 - IBAYIBOLO 2024

²⁰ Loli utakusubila amazyu ghane ghagho ghakwiza pakuba ghanaloli pakabalilo akiza. Loli pachifukwa ichakuti utasubiye, ukwiza pakuba we chinunu mupaka pisiku lilyo ilayizyo lyane kukwako likwanilisiwe.”

Ulufingo Ulupya

²⁰ Loli utakusubila amazyu ghane ghagho ghakwiza pakuba ghanaloli pakabalilo akiza. Loli pachifukwa chakuti utasubiye, ukwiza pakuba we chinunu mupaka pisiku lilyo ilayizyo lyane kukwako likwanilisiwe.”

Luka 1:20 Iomraidhean Croise

2 Abamwene 7:19

Ikambala likamubuzya umuntu uwa Chala yula likati, “Napapo u Mwene angatuma ivula inyinji nkani, nkimba zinizi zingabombiwa naloli?” Po umuntu uwa Chala yula akamwamula akati, “Ukwiza pakwiyenezya wemwene na maso ghako, loli utakwiza pakulyako nakamokamo.”

2 Abamwene 7:2

Po usongo yuyo akaba mwavwilizi uwa mwene akamulalusya umuntu uwa Chala yula akati, “Napapo u Mwene angatuma ivula inyinji nkani, nkimba zinizi zingabombiwa naloli?” U Elisha akamwamula akati, “Ukwiza pakwiyenezya wemwene na maso ghako, loli utakwiza pakulyako nakamokamo.”

Ukufuma 4:11

U Mwene akamulalusya akati, “Nkimba wewenu yuyo akumupa umuntu umulomo? Nkimba wewenu yuyo akumupela umuntu pakuba wamapuli pamo we chinunu? Nkimba wewenu yuyo akumupa umuntu amaso pamo pakumupela pakuba mufwamaso? Nkimba inte ne Mwene?

Yesaya 7:9

Akaya akakulu nkani aka Samaliya we mutu uwa Efulayimu, u mwana uwa Lemaliya weyuyo akulaghila mu Samaliya. Nanti mutakwima nkani mu lwitiko lwinyu, mutakwiza pakwikalana.’ ”

Ezekiyeli 24:27

Pakabalilo kalakala umulomo wako ghukwiza pakwighuka. Ukwiza pakunena nawe sona utakwiza pakuba bulo myee. Po ukwiza pakuba chimanyilo kukwabo, sona bakwiza pakuzimanya ukuti ane ne Mwene.”

Ezekiyeli 3:26

Nkwiza pakululematizya ululimi lwako kumwanya ku mulomo, umwakuti ubanje we chinunu sona utakabachemelaye, napapo basambuke.

Daniyeli 10:15

Bo akumbuzya zinizi, nkakotamila bulo pasi icheni chane intakanenapo nachimochimo.

Ukubelengiwa 20:12

Loli u Mwene akamubuzya u Mozesi nu Aloni akati, “Pachifukwa ichakuti amwe mutakansubila, sona nukuti mutakanchindika pakuba ne muzelu pamaso paba Izilayeli, amwe mutakwiza pakubinjizya abantu banaba muchisu chicho nkubapa.”

Maliko 16:14

Pabumalilo, u Yesu akababonekela abamanyili 11 bo bali pakulya. Akabachemela pakuti batakaba nu lwitiko, sona bakaba bakafu nkani amoyo pakubasubila babo bakamwennya ukuti mumi.

Maliko 9:19

U Yesu akababuzya akati, “Mwe bantu abankulilo iyi mwe basita lwitiko! Nkimba nikale namwe mupaka liyi? Fwandi nkibe namwe mupaka liyi? Zagha nawe umulumendo kuno.”

Luka 1:19

Uwantumi yula akamula akati, “Ane ne Gabiliyeli, umubombi uwa Chala, yuyo akantuma pakunena nawe nukukubuzya Amazyu Amiza ghanagha.

Luka 1:21

Pakabalilo kako ivintu vinivi vikabombiwanga abantu babo bakamulindililagha u Zekaliya bakaswigha pakuti akakaba nkani mu Nyumba iya Chala.

Luka 1:22

Bo afuma, akapotwa pakunena nabo, po bakazyaghannya ukuti u Zekaliya akennya ichisetuka mu Nyumba iya Chala mula. Akanena nabo pakubombezya inyobe pakuti akapotwa pakufumya izyu.

Luka 1:45

Musayiwa umuntu yuyo akusubila ukuti amazyu agha Mwene ghakwiza pakukwanilisiwa!”

Luka 1:64

Umwalubilolubilo ululimi ulwa Zekaliya lukasatuka nukwanda sona pakunena, po akanda pakumupala u Chala.

Aba Loma 3:3

Nkimba buli nanti bamo batakabanga basubiliwa, nkimba ichi chikung'anamula ukuti u Chala atangaba uwa kumusubila, pachifukwa ichakusita ukuba basubiliwa?

2 Timoti 2:13

Nanti aswe tute twe basubiliwa, umwene akwendelela pakuba musubiliwa, pakuti atangikana mwene.”

Titi 1:2

lulo lwimite palusubilo ulwa bwila na bwila. U Chala, yuyo atakutamanta, akalayizya pakutupa ubumi bunubu, bo ni chisu ichapasi chitapeliwe.

Aba Hebeli 6:18

Pali ivintu vibili, vivyo vitanganduka, sona muvivyo u Chala atangatamanta. Po aswe twe twabwagha ubupoki na yuyo, twakaziwa nkani umoyo pakulemezya ulusubilo, lulo atubikiye pantazi papitu.

Ubuvumbuli 3:19

Nkumuchemela nukumufunda umuntu wesi yuyo imughanite. Polelo lamusya, upinduke nukuzileka imbibi zyako.