Luka 1:13 - IBAYIBOLO 2024

¹³ Loli uwantumi yula akamubuzya akati, “Zekaliya, utakanyilaye! U Chala ivwa ulwiputo lwako. Umuchi wako u Elizabeti akwiza pakupapa umwana umulumendo, po ukwiza pakumwita ukuti we Yohani.

Ulufingo Ulupya

¹³ Loli uwantumi yula akamubuzya akati, “Zekaliya, utakanyilaye! U Chala ivwa ulwiputo lwako. Umuchi wako u Elizabeti akwiza pakupapa umwana umulumendo, po ukwiza pakumwita ukuti we Yohani.

Luka 1:13 Iomraidhean Croise

Ubwandilo 17:10

Awe poka na baluko lwako ulusungaye ulufingo ulu ulwakuti: Umwanavuli wesi pakasi papinyu asilimuliwanje.

Ubwandilo 17:19

Loli u Chala akamwamula akati, “Awe, umuchi wako u Sala weyuyo akwiza pakukupapila umwana umulumendo, po ukwiza pakumwita ukuti we Yisaki. Nkwiza pakusunga ulufingo lwane nawe, sona na baluko lwache. Ulufingo lunulu ulwa bwila na bwila.

Ubwandilo 18:14

Nkimba chilipo chimo chicho chingamupota u Mwene? Ukuyana namumo u Mwene anenela, mumwaka uwa indabi, pakabalilo kanaka, u Sala akwiza pakuba nu mwana umulumendo.”

Ubwandilo 25:21

Pachifukwa ichakuti u Labeka umuchi uwa Yisaki akaba mughumba, u Yisaki akamwiputila kwa Mwene. U Mwene akivwa inyiputo zyache, po u Labeka akamela ulwanda.

Masalimo 113:9

Umukolo umughumba akumupa impapo, po akumupela pakuba we nyina uwakuhoboka nkani uwa bana bache. Mumupalaye u Mwene.

Masalimo 118:21

Nkukupalizya, pakuti wanyamula, awe we mupoki wane.

Yesaya 8:3

Po nkaghona numuchi wane umulaghuzi umukolo, yuyo akamela ulwanda nukupapa umwana umulumendo. U Mwene akambuzya akati, “Umwite ukuti Mahelishalali hashi bazi.

Daniyeli 10:12

Akambuzya akati, “Wee Daniyeli, utakanyilaye. Pakuti ukwanda pisiku ilyakwanda lilalila ukabikilako inyinong'ono ukuti wivwisye ivintu, sona nukuti wiyisya wemwene pamaso pa Chala wako, inyiputo zyako zikivwika, niza pachifukwa icha nyiputo zyako.

Hoseya 1:4

U Mwene akamubuzya u Hoseya akati, “Umwite ukuti we Yezileli, pakuti lunulu bulo nkwiza pakubafunda abamunyumba iya Yehu, pachifukwa icha kukupula ibanda mwikombe ilya Yezileli, sona nkwiza pakubumazya ubumwene ubwa Izilayeli.

Hoseya 1:6

U Gomeli akamela sona ulwanda, nukupapa umwana umulindu. Po u Mwene akamubuzya u Hoseya akati, “Umwite ukuti we Lo Luhama, pakuti ntakwiza pakuba nichililizi sona naba Izilayeli ukuti imbahobokele.

Matayi 1:21

Akwiza pakupapa umwana umulumendo nukumwita ukuti we Yesu, pakuti weyuyo akwiza pakupoka abantu kumbibi zyabo.”

Matayi 14:27

Panapo na panapo u Yesu akababuzya akati, “Mutakatetemaye! Nene. Mutakanyilaye.”

Matayi 28:5

Uwantumi yula akababuzya abakolo bala akati, “Mutakanyilaye. Inzimenye ukuti mukumulonda u Yesu, yuyo akakomeliwa pachipinjika.

Maliko 16:6

Umulumendo yula akababuzya akati, “Mutakachenukaye. Inzimenye ukuti mukumulonda u Yesu uwamu Nazaleti, yuyo akakomeliwa pachipinjika. Atalimo muno, azyukite! Ennya, ubuzilo bubo bakamughonekapo bo ubu.

Luka 1:14

Bo umwana uyu apapiwa, ukwiza pakusekela nukuhoboka nkani, sona bope abantu abinji bulo bakwiza pakuhoboka nkani!

Luka 1:30

Uwantumi yula akamubuzya akati, “Maliya, utakanyilaye, u Chala akulanjizya ichisa chache.

Luka 2:21

Bo pachilapo usabata weka, bo akabalilo aka kusilimulila umwana kakwana, bakamwita u Yesu itabwa, lilyo uwantumi uwakumwanya akamupa, bo nu lwanda lutamelite.

Imbombo 10:31

nukumubuzya ukuti, ‘Wee Kolineliya! U Chala ivwa inyiputo zyako, sona akumbuka imbombo zyako inyiza pakasi pabantu abapina.

Abalongi 6:23

Loli u Mwene akamubuzya akati, “Umutende ghubanje nawe! Utakanyilaye, utakwiza pakufwa.”

1 Samuweli 2:21

Po u Mwene akamusaya u Hana, umwakuti akapapa abana abanji fayivi, abalumendo batatu na balindu babili. Pakabalilo kanaka umulumendo u Samuweli akakula, bo akumubombelagha u Mwene.