Ivyili 8:1 - IBAYIBOLO 2024

¹ Teghelezya, amahala ghakwitizya, ukwivwisya ivintu kukukolomoka.

Ivyili 8:1 Iomraidhean Croise

Ivyili 2:1

Wee mwana wane, ghapokele amazyu ghane, nukughasunga amalamulo ghane.

Ivyili 3:1

Wee mwana wane, utakaluvyanje ivimanyisyo vyane, loli ughasungaye amalamulo ghane mumoyo wako.

Matayi 3:3

U Yohani akaba muntu yuyo umulaghuzi u Yesaya akamunenagha ukuti, “Izyu ilya muntu yumo likukolomoka munkolongo likuti, ‘Yannya izila iya Mwene, gholosya izila ukuti endemo!’ ”

Matayi 4:17

Ukwanda pakabalilo kalakala u Yesu akanda pakulumbilila ukuti, “Pinduka nukuzileka imbibi zyinyu, pakuti Ubumwene ubwa Kumwanya buli papipi!”

Maliko 13:10

Loli bo ubumalilo butafikite, Amazyu Amiza ghalumbililiwanje tasi pakasi pabantu aba inko zyosi.

Luka 24:47

sona nukuti mwitabwa lyache amazyu ghalumbililiwe pakasi pabantu aba inko zyosi ukwandila mu Yelusalemu ukuti abantu bapinduke nukuzileka imbibi zyabo, sona nukuti u Chala abahobokele imbibi zyabo.

Yohani 7:37

Pisiku ilyabumalilo ilya lusekelo, lilyo likaba ilya pamwanya nkani, u Yesu akimilila nukunena na mazyu agha pamwanya ukuti, “Umuntu wesi yuyo ali ni nyota ize kukwane nukung'wela.

Imbombo 1:8

Loli bo u Muzimu Umuzelu iza papinyu, mukwiza pakupokela amaka, po mukwiza pakuba mwe bakaboni bane mu Yelusalemu, na mu Yudeya mosi, sona na mu Samaliya, mupaka na kumpaka iya chisu ichapasi.”

Imbombo 22:21

Po u Mwene akati, ‘Bukagha pakuti nkwiza pakukutuma kubutali nkani na bantu babo bate ba Yuda.’ ”

1 Aba Kolinti 1:24

Loli abantu babo bitiziwe nu Chala, aba Yuda pamo abantu babo bate ba Yuda, bosi bazimenye ukuti u Kilisitu we maka agha Chala, sona we mahala agha Chala.