Ivyili 3:7 - IBAYIBOLO 2024

⁷ Utakipimaye ngati po we wamahala, umuchindikaye u Mwene, nukuvikana ivintu ivibibi.

Ivyili 3:7 Iomraidhean Croise

2 Samuweli 12:20

Po u Devedi akanyamuka pasi papo akalambalala, akogha, nukupakala amafuta, sona akavwala amenda aghanji. Akinjila mu Nyumba iya Mwene pakumwiputa. Pisinda pache akabwela kunyumba yache, abambombo bache bakamupa ichakulya, po akalya.

Nehemiya 5:15

Loli abalaghili babo nkabapyana bakabanyamulizyanga abantu ukatundu umung'wamu nkani sona bakabafyenga abantu pakubika isalabazya 40 izya siliva pamwanya pa chakulya nu vinyo. Bope abambombo babo bakabanyamulizyanga abantu ukatundu umung'wamu, loli ane intakazibombapo nalumo, pachifukwa ichakuti nkamunyilagha u Chala.

Yobu 1:1

Muchisu icha Uzi mukabamo umuntu yumo yuyo akaba we Yobu. Umuntu yunuyu atakaba nakalema nakamokamo sona akaba mugholosu, umwakuti akamwiputagha u Chala nukuzinyila imbibi.

Yobu 28:28

Po akamubuzya umuntu akati, “Ukumunyila u Mwene gho mahala sona ukuzichimbila imbibi ko kwivwisya.”

Ukufuma 20:20

U Mozesi akabamula abantu bala akati, “Mutakanyilaye, u Chala iza pakubayela bulo, umwakuti mumunyilaye, sona nukuti muleke pakunanga.”

Ivyili 14:16

Umuntu uwamahala akumuchindika u Mwene, nukubuleghuka ububibi, loli umupunganu akudebukila bulo ivintu mwalwemwalwe.

Ivyili 14:27

Ukumunyila u Mwene ko mbwibwi iya bumi kuko kukumupoka umuntu kuchipingo icha bufwe.

Ivyili 16:6

Pachifukwa icha kwiyiyipa nu busubiliwa, imbibi izya muntu zikuhobokeliwanga, sona pachifukwa ichakumuchindika u Mwene umuntu akuzileghukagha imbibi.

Ivyili 23:4

Utakitamyanje wemwene ukuti ubanje we mukabi, loli ubanje muntu uwamahala nu wakwilema.

Ivyili 26:12

Umupunganu yuyo abantu bakuti mupunganu uwakufikapo, ali nu lusubilo ukumuchila umuntu yuyo akwipima mwene pakuba wamahala bo ate na mahala.

Ivyili 26:5

Umwamulaye umupunganu ukuyana nu bupunganu bwache, lumo angipima mwene pakuba wamahala.

Ivyili 28:11

Umukabi angipima mwene pakuba wamahala, loli umupina yuyo ali na mahala akumwaghannya.

Ivyili 28:26

Umuntu yuyo akwisubila mwene we mupunganu, loli umuntu yuyo akughakonka amahala akwikala mumutende.

Ivyili 8:13

Ukumunyila u Mwene ko kuzibenga imbibi, loli ukwikwezya na mituvyo ni zila izya bubibi, sona nukunena ubumyasi ivibengite.

Umulumbilili 12:13

Losi ulu vyosi vyivwika. Po ifundo iyenecho yo iyi: Umuchindikaye u Chala nukughakonka amalamulo ghache pakuti iyi yo mbombo inkulu iya muntu.

Yesaya 5:21

Chighune kubabo bakwipima bene ukuti bamahala sona bakwinena bene ukuti bachevu.

Aba Loma 11:25

Mwee bakamu bane, pano pali ubwanaloli bubo bufisiwe, bubo nkulonda ukuti amwe mubumanye pakuti chikwiza pakubapela ukuti mutakizimbulaye ukuti mwe bamahala. Ubukafu ubwa moyo agha ba Izilayeli bute bwa bwila na bwila, loli bukwiza pakubako mupaka abantu bosi babo bate ba Yuda bize kwa Chala.

Aba Loma 12:16

Mwivwanaye akiza mwebosi. Mutakituvyanje, loli mwangalaye poka na bantu bulo. Mutakipimaye mwebene ukuti mwe bamahala nkani ukuchila bosi.