Ivyili 3:6 - IBAYIBOLO 2024

⁶ Pavyosi vivyo ukubomba witikaye ukuti u Mwene aliko, sona akwiza pakuzipela izila zyako pakuba ngolosu.

Ivyili 3:6 Iomraidhean Croise

1 Imbili 28:9

“Wee mwana wane Solomoni, umwivwilaye nukumubombela u Chala uwa ghuso nu moyo wako ghosi pakuti u Mwene azimenye inyinong'ono izya muntu na kabombele kache. Nanti ukumulondelezya, ukwiza pakumwagha, loli nanti ukumusula, wepe akwiza pakukukana bwila na bwila.

Ezila 7:27

Apaliwanje u Mwene, u Chala uwa banyenya bitu, yuyo abikite inyinong'ono zinizi mumoyo uwa mwene ukuti ayichindikaye Inyumba yache mu Yelusalemu

Nehemiya 1:11

Wee Mwene ivwa ulwiputo lwane ne mubombi wako sona nulwa babombi bako, babo bakulichindika itabwa lyako. Itikizya ukuti ivintu vinyendelaye akiza ne mubombi wako pakumpelela ichisa pamaso pa mwene.” Pakabalilo kalakala nkaba ne wakumupa uvinyo u mwene.

Nehemiya 2:4

U mwene akandalusya akati, “Nkimba ukulonda pakundaba ichoni?” Nkiputa kwa Chala uwakumwanya,

Nehemiya 7:5

Po u Chala wane akampa inyinong'ono izyakuti imbabungannye poka abalongozi na makambala sona na bantu bosi ukuti imbasimbe ukuyana ni nyumba zyabo. Nkalyagha ibuku ilya mbili lilyo mukasimbiwamo amatabwa agha bantu babo bakaba bakwanda pakunyokako kubukayidi. Ivi vyo vivyo vikasimbiwa mwibuku lilalila:

Masalimo 32:8

Nkwiza pakukulanjizya nukukumanyisya izila izyakuti wendayemo, sona nkwiza pakukulongozya nukukwenelezya.

Ivyili 11:5

Ubugholosu ubwa muntu yuyo ate ni chilema bukumulongozezya kuzila ingolosu, loli ububibi bukumuwisyanga umuntu umubibi.

Ivyili 16:3

Bika imbombo zyako munyobe izya Mwene, po imbatiko zyako zikwiza pakukwanilisiwanga.

Ivyili 16:9

Umoyo uwa muntu ghukwinong'ona izyakubomba, loli u Mwene weyuyo akukalongozya akendele kache kosi.

Ivyili 23:17

Utakanyonywanje zizyo abantu ababibi bakubomba, loli akabalilo kosi ubanje we walweke pakumunyila u Mwene.

Yesaya 26:7

Izila iya muntu umugholosu yifukiliwe akiza wee Mwene umugholosu, yipelaye izila iya muntu umugholosu pakuba ntenganu.

Yesaya 30:21

Napapo mungaghalabukila kundilo pamo kumongo, amakutu ghinyu ghakwiza pakwivwa izyu ukufuma kwisinda kwinyu, likuti, “Iyi yo zila; endagha mumo.”

Yesaya 45:13

Nkwiza pakumuvundumula u Sayilasi mubugholosu bwane, Nkwiza pakuzigholosya izila zyache zyosi. Akwiza pakukazenga sona akaya kane akakulu, nukubabula abazya, loli atakwiza pakupeghiwa amalipilo, pamo umwavwalo.” Umu momumo akunenela u Mwene Uwamaka Ghosi.

Yesaya 48:17

U Mwene Umutabuli, Umuzelu uwa Izilayeli akuti, “Ane ne Mwene u Chala winyu, yuyo akubamanyisya ukuti mwennye ubwiza, sona akubalongozya izila iya kwendamo.

Yelemiya 10:23

Wee Mwene, zizyo inzimenye zyakuti, ubumi bubo umuntu ali nabo te bwache napo panandi, umuntu atakwilongozyapo mwene.

Yelemiya 42:3

Utulabileko kwa Mwene u Chala witu ukuti atubuzye kuko tubukaye sona nachicho tungabomba.”

Ukubelengiwa 9:20

Akabalilo kamo ibingu lila likaba pamwanya pa Chisakasa amasiku manandi bulo, po aba Izilayeli bakazengagha ivisakasa vyabo ukuyana nu lulaghilo ulwa Mwene, sona batakanyamukagha ubulendo bwabo.

1 Aba Kolinti 10:31

Po manyi mukulya, pamo mukung'wela, manyi mukubomba akantu kosi, mubombaye vyosi bulo ukuti mumuchindike u Chala.

2 Aba Kolinti 8:16

Nkumupalizya u Chala, yuyo akabika mwa Titi inyinong'ono izyakuyana na zizyo indi nazyo papinyu.

Aba Filipi 4:6

Mutakapasyanje nizya chintu chimo, loli munyiputo zyinyu zyosi, mumulabe u Chala ivyakusobelwa vyinyu nu moyo uwakupalizya.

Aba Kolosi 3:17

Chosi chicho mukubomba, manyi mukanenele, manyi mumbombo, mubombelaye mwitabwa ilya Mwene u Yesu, bo mukumupalizya u Chala u Tata ukwendela mumwache.

Aba Kolosi 3:23

Chosi chicho mukubomba, mubombaye nu moyo winyu ghosi, ngati po mukumubombela u Mwene, abantu awe,

Yakobo 1:5

Nanti yumo mumwinyu akusobelwa amahala aghakubombela ichintu chimo, amulabe u Chala, po akwiza pakughapokela, pakuti u Chala akumupa umuntu wesi umwakusita ukumamilizya, sona umwakusita ukwilumbusya.

1 Samuweli 30:8

U Devedi akamubuzikizya u Mwene akati, “Nkimba ningakakonka akabukatila aka mavyondongo? Nkimba nkwiza pakubagha nukubapoka abantu babo babalemite?” U Mwene akamwamula akati, “Bakonke, ukwiza pakubagha, sona ukwiza pakubapoka abantu babo babalemite.”