Ivyili 3:3 - IBAYIBOLO 2024

³ Ulughano nu busubiliwa vitakakuchimbilaye, uvipinyilile musingo yako, sona uvisimbaye pamabwe amapapate agha moyo wako.

Ivyili 3:3 Iomraidhean Croise

2 Samuweli 15:20

Awe wizite bulo ulutazi. Po nkimba choni chicho ukuti ilelo wembele poka nane? Nyokela poka na bantu bako. Ichisa nubusubiliwa ubwa U Mwenevibanje nawe.”

Masalimo 119:11

Nkulisunga izyu lyako mumoyo wane, umwakuti intakakubombelaye imbibi.

Masalimo 25:10

Izila zyosi izya Mwene izya lughano sona nsubiliwa, ku bantu babo bakughasunga amalamulo agha lufingo lwache.

Masalimo 85:10

Ulughano nu busubiliwa vikomanaye, ubugholosu nu mutende vilamunkanaye nu lughano ulwenecho.

Ukufuma 13:9

Ulusekelo ulu lukwiza pakuba chimanyilo ichakupinyiwa panyobe zyinyu, sona na pacheni chinyu. Chikwiza pakubakumbusya ukuti indaghilo izya Mwene zibaghiye pakuba pamilomo yinyu. Pakuti u Mwene akabefyamo muchisu icha Ijiputi na maka ghache amakulu nkani.

Ukufuma 34:6

Po u Mwene akadumusannya kuntazi kwa Mozesi nukunena nizyu ilyapamwanya ukuti, “Mwene, Mwene u Chala uwachisa nu wachililizi, yuyo atakukalala lubilolubilo, walughano lulo lutakumala nu busubiliwa bwache.

Ivyili 1:9

Pakuti yo mpumpu iya kumutu wako, na mambo agha musingo yako.

Ivyili 14:22

Umuntu yuyo akubatikagha ububibi, akunanga, loli yuyo akwinong'onagha pakubomba inyiza, abantu bakumughana nukumupelela ichisa.

Ivyili 16:6

Pachifukwa icha kwiyiyipa nu busubiliwa, imbibi izya muntu zikuhobokeliwanga, sona pachifukwa ichakumuchindika u Mwene umuntu akuzileghukagha imbibi.

Ivyili 20:28

Ulughano nu busubiliwa vikumusungilila u mwene sona ichitengo chache chikusungililiwa nu bugholosu.

Ivyili 6:21

Uvisungaye mumoyo wako bwila na bwila, uvipinyililaye musingo yako.

Ivyili 7:3

Uvivwalaye mutufingwi twako ngati zyo mpete, sona uvisimbaye mumoyo wako.

Yelemiya 17:1

U Mwene akuti, “Imbibi iya ba Yuda yisimbiwe na kasimbilo aka chela, sona yisimbiwe pamoyo ghabo nibwe ilya dayimondi, na pampembe izya vighemo vyabo.

Hoseya 4:1

Mwe ba Izilayeli, teghelezya amazyu agha Mwene, pakuti u Mwene abapiye inongwa amwe mwe mukwikala muchisu chinichi. Inongwa yache yo iyi, “Muchisu mutalimo nabumobumo ubusubiliwa pamo ulughano, sona abantu batakubikilako amahala nizya Chala.

Malaki 2:6

Ichimanyisyo ichanaloli chikaba mumulomo wache, sona mumilomo yache mutakabamo ubumyasi nabumobumo. Akendagha nane mumutende na mubugholosu, nukubavwa abantu abinji ukuti bapinduke kumbibi zyabo.

Matayi 23:23

“Chighune nkani kukwinyu, amwe mwe bamanyisi aba Ndaghilo naba Falisayi! Mwe bazimbuli mwee! Mukubika kwa Chala ichigaba choka pa vigaba 10 ivya vilungo vyinyu ngati bo busambya nu kale nu kanyezi, loli mukukana ukwivwila ichimanyisyo ichapamwanya nkani icha Ndaghilo, pakuba bwanaloli, ni chisa nu busubiliwa. Ivi vyo vintu vivyo mubombaye ukusita pakuvilekapo vimo.

2 Aba Kolinti 3:3

Amwe mukulanjizya pabuzelu ukuti mwe kalata uwakufuma kwa Kilisitu, yuyo akasimbiwa ukwendela mumwitu. Ukalata uyu atakasimbiwa ni inki, awe, loli akasimbiwa nu Muzimu uwa Chala umumi, sona atakasimbiwa pamabwe amapapate, awe, loli akasimbiwa mumoyo ghitu.

Aba Efeso 5:9

pakuti ivikomwa ivya lukozyo zyo zizyo zikwaghiwa muvintu vyosi vivyo vyiza, ni vigholosu, sona ni vyanaloli.

Ukukumbusya Amalamulo 6:8

Mughapinyililaye panyobe zyinyu, sona mughavwalaye pavyeni vyinyu pakuba chimanyilo.

Aba Hebeli 10:16

“Ulu lo lufingo lulo nkwiza pakufingana nabo mumasiku ghalaghala. Nkwiza pakubika ululaghilo lwane mukasi mumwabo nukulusimba mumoyo ghabo.” U Mwene anena.