Ivyili 3:2 - IBAYIBOLO 2024

² Pakuti vikwiza pakukupa ubumi ubutali, sona ivintu vikwiza pakukwendelagha akiza.

Ivyili 3:2 Iomraidhean Croise

1 Abamwene 3:14

Sona nanti ukunyivwila nukukonka indaghilo na malamulo ghane, ngati mumo ughuso u Devedi akabombelagha, ukwiza pakuba nubumi ubutali.”

Yobu 5:26

Ukwiza pakwinjila mwipumpa, bo ughosipite nkani, ukuyana namumo ghakutonela amalezi pakabalilo kache.

Masalimo 119:165

Abantu babo balughanite ululaghilo lwako, bali nu mutende umukulu nkani, Po chitalipo nachimochimo ichakubapunuzya.

Masalimo 128:6

Ubanje nubumi ubutali, umwakuti ubennye abanyenya bako. Mu Izilayeli mubanje umutende.

Masalimo 21:4

Bo akukulaba ubumi, ukamupa, sona ukumupa ubumi ubutali ubwa bwila na bwila.

Masalimo 91:16

Nkwiza pakumupa ubumi ubutali nukumupoka.”

Ivyili 10:27

Ukumunyila u Mwene kukonjelezya ubumi ubutali, loli amaka agha muntu umubibi ghakuba mapimpa.

Ivyili 16:31

Ivwi yo mpumpu iya buchindamu, sona gho muvwalo uwa muntu umugholosu.

Ivyili 4:10

Wee mwana wane, pokela amazyu ghane, po ukwiza pakuba nubumi ubutali.

Ivyili 4:4

utata akamanyisya akati, “Ughakakatilaye nkani amazyu ghane mumoyo wako. Sunga amalamulo ghane po ukwiza pakuba nubumi.

Ivyili 9:11

Pakuti nanti waba nane, amasiku ghako ghakuba minji, sona amasiku agha bumi bwako ghakuba minji.

Yesaya 32:17

Ivikomwa ivya bugholosu vikwiza pakuba mutende, ivikomwa ivya bugholosu ko kwikala umwa myee nukufwasa bwila na bwila.

Aba Loma 14:17

Pakuti Ubumwene ubwa Chala bute ni mbombo ni vyakulya ni vyakung'wela, loli ubugholosu nu mutende, sona nu buhobosu, vivyo u Muzimu Umuzelu akupa.

Aba Loma 15:13

Umwenecho u Chala yuyo akutupa ulusubilo, abizuzye nu lusekelo, sona nu mutende ukwendela mukusubila kwinyu mumwache, umwakuti ulusubilo lwinyu lwendelelaye pakukula na maka agha Muzimu Umuzelu.

Aba Loma 5:1

Ilelo pakuti twaneniwa ukuti twe bantu bagholosu pamaso pa Chala ukwendela mu lwitiko, tuli nu mutende nu Chala ukwendela mwa Yesu Kilisitu u Mwene witu.

Ukukumbusya Amalamulo 11:21

umwakuti amwe poka na bana binyu mubanje nubumi ubutali muchisu chicho u Mwene u Chala winyu akalapa pakubapa abanyenya binyu. Mukwiza pakwikalagha muchisu chilachila bwila na bwila.

Ukukumbusya Amalamulo 5:32

Mwee ba Izilayeli, mwenelezye ukuti mukukonka zizyo u Mwene u Chala winyu abalamuliye. Mutakapaghukilaye kundilo pamo kumongo.

1 Timoti 4:8

Ukwizubizya umubili kukumwavwa umuntu panandi, loli pakuba nubumi ubwakumuchindika u Chala kukumwavwa nkani umuntu muvintu vyosi, pakuti bukutupa aswe ilayizyo ilya bumi ubwilelo nubwa muntazi.