Ivyili 26:2 - IBAYIBOLO 2024

² Ichighune pa muntu yuyo ate ninongwa chitangamuvulazya, viyanite bulo ni viyuni vivyo vikubuluka mumwanya loli vitamenye nukuwa pasi.

Ivyili 26:2 Iomraidhean Croise

2 Samuweli 16:12

Lumo u Mwene akwiza pakwennya intamyo zyane nukunyosezya ivintu ivyiza pachifukwa icha kunguna kunuku ilelo.”

2 Samuweli 16:8

U Mwene akukutanizya pachifukwa ichakuti ukabaghogha abamunyumba iya Sabuli, nukumufyula ubumwene bwache. U Mwene abubika ubumwene munyobe izya mwana wako u Abisalomu. Bunubu bo bumalilo bwako pachifukwa ichakuti we mughoghi.”

Nehemiya 13:2

pachifukwa ichakuti batakabapa aba Izilayeli ichakulya na mizi, bo bakwepamo mu Ijiputi. Loli bakamulipila u Balamu indalama ukuti abaghune aba Izilayeli. Pope bulo u Chala witu akachandula ichighune chila pakuba lusayo.

Masalimo 109:28

Baleke baghunaye, loli awe ukwiza pakusaya. Abantu abakwiminkana nane bakoziwanje isoni, umubombi wako akwiza pakusekela

Ivyili 27:8

Umuntu yuyo akwendakwenda ukuyileka inyumba yache, ayanite bulo ni chiyuni chicho chikuchileka ichivulumbo chache.

Yesaya 16:2

Ngati mumo utuyuni tukubulukila ukwepa pachivulumbo, momumo babeleye abakolo aba mu Mowabu, piloboko ilya lusoko ulwa Alinoni.

Ukubelengiwa 23:8

Nkimba ningamughuna bulibuli umuntu yuyo u Chala atamughunite? Nkimba ningamusamula bulibuli umuntu yuyo u Mwene atamusamuye?

1 Samuweli 17:43

Akamulalusya u Devedi akati, “Fwandi ne mbwa, ukuti unyizile ni ndisa?” Po umu Filisiti yula akamughuna u Devedi pakutambula amatabwa agha bachala bache.