Ivyili 22:4 - IBAYIBOLO 2024

⁴ Umuvwalo uwa kwiyisya nukumuchindika u Mwene bo bukabi nu muchizi, sona nubumi ubutali.

Ivyili 22:4 Iomraidhean Croise

Ivyili 19:23

Ukumunyila u Mwene kukumupanga umuntu ubumi, akufwasagha sona ichibibi chitangamupalamasyapo.

Ivyili 21:20

Munyumba iya muntu uwamahala mukubangamo ubukabi, loli umupunganu akubunangannya bulo.

Ivyili 21:21

Umuntu yuyo akubomba ingolosu nukuba wachisa, akubwagha ubumi ubwenecho nu muchizi, sona ivintu vikumwendelagha akiza.

Ivyili 22:3

Nanti umuntu uwamahala achennya ichintu ichakoghofya akuvwama, loli umupunganu akwiyendela bulo nukunanganika.

Ivyili 22:5

Muzila iya muntu umubibi muli bulo amivwa ni vipingo, loli yuyo akwisungilila akiza akuvileghuka.

Ivyili 29:23

Ukwituvya ukwa muntu kukumuwisya mwene, loli umuntu uwakwiyisya abantu bakumuchindika.

Ivyili 3:16

Ni nyobe yache indilo akupa ubumi ubutali, ni nyobe yache iyamongo akupa ubukabi nu muchizi.

Ivyili 31:30

Akabonekele akiza kangamuzimbula umuntu, loli umukolo yuyo akumuchindika u Mwene apaliwanje.

Yesaya 33:6

Akwiza pakuba lwalo ulwa naloli mutubalilo twako, akwiza pakubapoka nukubapa amahala nu bumanyi, ukumunyila u Mwene bo bukabi bwako.

Yesaya 57:15

Pakuti umu momumo akunenela uwa pamwanya, yuyo wakupaliwa yuyo akubangako bwila na bwila, itabwa lyache lizelu, “Nkwikala kumwanya nkani, sona na Mubuzilo Ubuzelu, sona nkwikala na bantu abakwiyisya mubuzimu, sona nukughunyamusya umuzimu uwa muntu uwakwiyisya, nukughunyamusya umoyo uwa muntu uwakuwa amaka.

Daniyeli 4:36

Pakabalilo kalakala bo ubuntu bwane bwanyokelamo, ghope nu muchizi nu buchindamu bwane bukanyokelamo, po nkapokela sona ubumwene bwane. Amakambala ghane na bantu abamahala bakampokela nu buhobosu. Bakanyosezya pachitengo chane icha bumwene umwakuti nkaba wamaka nkani ukuchila namumo nkabela pakwanda pala.

Matayi 6:33

Loli amwe, mulondaye tasi Ubumwene ubwa Chala nukubomba zizyo akulonda, po akwiza pakubapa ivintu vyosi vinivi.

1 Timoti 4:8

Ukwizubizya umubili kukumwavwa umuntu panandi, loli pakuba nubumi ubwakumuchindika u Chala kukumwavwa nkani umuntu muvintu vyosi, pakuti bukutupa aswe ilayizyo ilya bumi ubwilelo nubwa muntazi.

Yakobo 4:10

Mwiyisyanje mwebene pamaso pa Mwene, po akwiza pakubakwezya.

Yakobo 4:6

Loli ichisa chicho u Chala akutulanjizya chamaka nkani. Ichi cho chifukwa Amasimbo ghakuti, “U Chala akubasusya abantu abakwitutumula, loli akubapelela ichisa abantu abakwiyisya.”