Ivyili 20:3 - IBAYIBOLO 2024

³ Ukuvileghuka ivyongo gho muchizi uwa muntu, loli umupunganu aghanite nkani pakudalinkana.

Ivyili 20:3 Iomraidhean Croise

Ubwandilo 13:7

Po ivyongo vikanda pakasi pa badimi aba Abulamu na badimi aba Loti. Pakabalilo kalakala, aba Kenani naba Pelezi bakaba bachili bakwikala muchisu chilachila.

Ubwandilo 13:8

Po u Abulamu akamubuzya u Loti akati, “Awe nane twe banamuntu, polelo patakabe ivyongo pakasi papako nane, sona na pakasi pa badimi bako na badimi bane.

2 Abamwene 14:9

Loli u mwene u Yehowashi akamwamula akati, “Impanya iya mwivwa iya mu Lebanoni yikayitumila amazyu ikwi ilya mwale itali ilya mu Lebanoni ukuti, ‘Itikizya umwana wako ukuti abanje muchi uwa mwana wane.’ Po ichinyamana icha mu Lebanoni chikadumusannya palapala nukuyikanyankila bulo impanya iya mwivwa yila.

Ivyili 14:17

Umuntu yuyo akukalala mwalwemwalwe akubomba izya bupunganu, loli umuzimbuli abantu bakumubengagha.

Ivyili 14:29

Umuntu umufisalyoyo weyuyo akwivwisya ivintu, loli yuyo akukalala mwalwemwalwe akulanjizya pabuzelu ubupunganu bwache.

Ivyili 16:32

Chizapo pakuba mufisalyoyo nukuchila pakuba musilikali uwamaka, yuyo akukafyula akaya akakulu nkani nukuchila umusilikali yuyo akukafyula akaya akakulu nkani.

Ivyili 17:14

Ukunyamusya ivyongo kuli ngati ko kwighula amizi pachiziba, po chiza pakukanizya ivyongo bo vichili nukusata.

Ivyili 18:6

Imilomo iya muntu umupunganu yikwitizya ulombwa, sona umulomo wache ukumwitizizya inkomwa.

Ivyili 19:11

Amahala ghakumupela umuntu pakuba mufisalyoyo, ubuchindamu bwache bughonite pakusita kubikilapo umoyo pa zizyo umuntu amukalalizizye.

Ivyili 21:24

Umuntu uwamituvyo nu wakwitutumula itabwa lyache we “Lobezyo,” pachifukwa ichakuti akubombagha ivintu umwakwikwezya.

Ivyili 26:17

Umwendazila yuyo akwinjililapo pavya bantu abanji, ayanite bulo nu muntu yuyo akuyilema imbwa amakutu.

Aba Efeso 4:32

Loli mubanje mwe bachisa, sona na bololo na bantu abanji. Muhobokelanaye ukuyana namumo u Chala akabahobokela ukwendela mwa Kilisitu.

Yakobo 3:14

Loli nanti mumoyo ghinyu muli na kabini nu bukali, sona nukwiyighana, mutakitutumulaye pachifukwa icha mahala ghinyu. Pakubomba bunubu kokuti mukubusula ubwanaloli.

Yakobo 4:1

Nkimba ubulwe nukudalinkana vivyo vili mumwinyu vikufuma kwiyi? Nkimba vitakufuma ku vinyonywa vyinyu ivibibi, vivyo vikulwana mumwinyu?