Ivyili 19:2 - IBAYIBOLO 2024

² Te chiza ukuti umuntu abanje nu lweke bo ate na mahala, pamo ukwenda lubilolubilo nukupulumpa.

Ivyili 19:2 Iomraidhean Croise

2 Abamwene 4:39

Umulaghuzi weka akabuka kumughunda pakuyaba inyanyi izya mani. Kulakula akagha ulutabo lulo lukayana na mayengala nukuyabamo ivikomwa vyache ivyinji nkani, po akavipinya mumwenda wache. Bo abwela, akavidumulannya nukuvibika musonta mula, napapo atakazimanya ukuti vikaba vikomwa vyoni.

Yobu 31:5

Nanti natamanta pamo ichinama chane chachimbilila pakubazimbula abantu,

Ivyili 1:16

Pakuti ivinama vyabo vikuchimbilila kumbibi, sona bengo nkani pakubaghogha abantu.

Ivyili 10:21

Amazyu agha muntu umugholosu ghakubavwa abinji, loli abapunganu bakufwa pachifukwa ichakuti bate na mahala.

Ivyili 14:29

Umuntu umufisalyoyo weyuyo akwivwisya ivintu, loli yuyo akukalala mwalwemwalwe akulanjizya pabuzelu ubupunganu bwache.

Ivyili 21:5

Imbatiko izya muntu uwakwiyula zikumwavwa pakuvyagha ivyinji, loli yuyo akubomba umwalubilolubilo akwinjila bulo mubupina.

Ivyili 25:8

utakachimbililaye nazyo pamaso pa balongi, po ukwiza pakubomba choni pabumalilo nanti umupalamani wako akukozya isoni?

Ivyili 28:20

Umuntu umusubiliwa akusayiwanga, loli yuyo akuchimbilila pakuba mukabi naloli akufundiwanga.

Ivyili 28:22

Umumama akubunyonnywa nkani ubukabi, sona atakuzyaghannya ukuti ubupina bukumulindilila.

Ivyili 29:20

Nkimba ukumwennya umuntu yuyo akunena mwalwemwalwe? Umupunganu ali nu lusubilo ukumuchila umuntu yulayula.

Umulumbilili 12:9

Pamwanya apakuba na mahala, umulumbilili yula, akabamanyisya abantu. Akinong'onagha nukubuzikizya akiza nkani, po akavibika ivyili mulubatiko lwache.

Umulumbilili 7:9

Utakakalalaye lubilolubilo, pakuti ukukalala kwa bapunganu.

Yesaya 27:11

Nanti isamba zyache zyumila zikupyoka, sona abakolo bakuzitenya nukuzipela pakuba nkwi. Pakuti banaba bo bantu babo batakwivwa, po Umupeli wabo ate ni chililizi nabo, Umupeli wabo atakubapelela ichisa.

Yesaya 28:16

U Mwene Uwamaka Ghosi akuti, “Ennya, nkwala ibwe mu Ziyoni, ibwe ilya mutengo ilya pankuto palwalo ulwanaloli, umuntu wesi yuyo akusubila mumwache, atakwiza pakukoziwa isoni.

Hoseya 4:6

Abantu bane bakunanganika pachifukwa ichakuti bate na mahala. “Pachifukwa ichakuti mwabusulannya ubumanyi, nane bulo nkubakana pakuba mwe baputi bane. “Pachifukwa ichakuti mwazikana indaghilo izya Chala winyu, nane bulo nkwiza pakubakana abana binyu.

Yohani 16:3

Abantu bakwiza pakubabombela zinizi pakuti batamumenye Utata, sona nane bulo batamenye.

Aba Loma 10:2

Nkubasimikizizya ukuti bipiye nkani pavintu ivya Chala, loli ukwiyipa kwabo kute kwa mahala.

Aba Filipi 1:9

Nkwiputa ukuti ulughano lwinyu lwendelelaye pakukulilakulila mukivwisizye akakufikapo, sona na muchililizi,