Ivyili 18:3 - IBAYIBOLO 2024

³ Nanti ububibi bukwiza, umusamu ghope ghukwizagha, nanti umuntu atagha umuchizi po kope ukukoziwa isoni ghukwizagha.

Ivyili 18:3 Iomraidhean Croise

Nehemiya 4:4

Po nkiputa nkati, “Wee Chala witu, ivwa namumo abantu aba bakutusamulila. Po ubatanizye nu musamu wabo sona bafyuliwanje ukatundu wabo wesi nukulemiwa pakuba bakayidi kuchisu ichiyeni.

Masalimo 69:20

Umusamu ghunughu wanvulazya nkani mumoyo, sona na maka ghope ghangwiliye. Nkalondagha nkani ngali umuntu yumo ampelele ichisa, loli intakamwaghapo nayumoyumo. Nkalondagha nkani ngali abantu bansangalusya, loli atakabapo umuntu nayumoyumo.

Masalimo 69:9

Pakuti ulweke lwane pa Nyumba yako lukwaka mumwane ngati moto, umusamu ghugho bakakusamula nagho, ghukangwila.

Ivyili 11:2

Nanti umuntu anda pakwikwezya, kokuti akwiza pakukoziwa isoni. Loli nanti umuntu akwiyisya, kokuti ali na mahala.

Ivyili 13:5

Umuntu umugholosu abubengite ubumyasi, loli imbombo izya muntu umubibi, zyakukozya isoni.

Ivyili 18:2

Umupunganu atakuhoboka nizya mahala, loli akulonda pakulanjizya ifundo zyache mpela.

Ivyili 18:4

Amazyu agha mumulomo uwa muntu ghayanite bulo ni chiziba ichibizu icha mizi, loli ichiziba icha mahala chili ngati lusoko lulo lukwenda.

Ivyili 22:10

Nanti wamuchimbizya umuntu uwalobezyo, kokuti wamazya ivyongo, naloli ukudalinkana nu musamu vikumala.

Ivyili 29:16

Nanti umuntu umubibi akulaghila, imbibi zyope zikubala, loli abagholosu bakwiza pakubennya bo bakunanganika.

1 Pitala 4:14

Mwe basayiwa nanti abantu bakubasamula pachifukwa ichakuti mwe bakonki aba Kilisitu. Ichi chikung'anamula ukuti u Muzimu uwa buchindamu, yuyo we Muzimu uwa Chala ali papinyu.

1 Pitala 4:4

Polelo abantu abakuzi bakuswigha bulo, bo bakwennya ukuti mutakuba poka nabo mumbombo imbibi zizyo bakubomba. Ichi cho chifukwa bakubasamula.

1 Samuweli 20:30

Po u Sabuli akamukalalila nkani u Yonatani, umwakuti akamubuzya akati, “Wee mwana umupunganu nu wakunsambukila! Fwandi ukwennya ngati ntakuzimanya ukuti uli kulubazu ulwa mwana uwa Yese, pakwikozya wemwene isoni, poka nu nyoko?