Ivyili 17:3 - IBAYIBOLO 2024

³ Umoto gho ghugho ghukusunguluzya usiliva nu golide, loli u Mwene weyuyo akughupima umoyo uwa muntu.

Ivyili 17:3 Iomraidhean Croise

1 Imbili 29:17

Wee Chala wane, inzimenye ukuti ukwennya mumoyo uwa muntu sona ukuhoboka na bantu aba bwanaloli. Niyipa nukubika nu moyo ghosi sona na mubwanaloli, sona nabennya abantu namumo biyipila na moyo ghabo ghosi sona nu mwakuhoboka nkani.

Yobu 23:10

Loli u Chala akamenye akendele kane kosi; nanti anjela, nkwiza pakuswepagha.

Yobu 28:1

Naloliloli kuli umugodi uwa siliva sona nu buzilo bubo ugolide akusungunuliliwangako.

Masalimo 139:23

Wee Chala, undondelezye umwakuti ughumanye umoyo wane, umpime umwakuti uzimanye inyinong'ono zyane.

Masalimo 26:2

Wee Mwene, njezya nukumpima. Sona ughupime umoyo wane ni nyinong'ono zyane zyope.

Masalimo 66:10

Wee Chala, watuyezya ngati mumo bakuswefyezezya usiliva pamoto.

Ivyili 15:11

Nanti ubufwe nukunanganika vili pabuzelu bulo pamaso pa Mwene, po zingaba bulibuli nu moyo uwa muntu?

Ivyili 16:2

Inkalo zyosi izya muntu zikuboneka nyiza kukwache, loli u Mwene weyuyo akuzipima inyinong'ono izya muntu.

Ivyili 17:2

Umuzya uwamahala akumulaghila umwana uwa mwene yuyo mukozya soni, sona akupyana ichilingo pakasi pa bawamwabo.

Ivyili 21:2

Inkalo iya muntu yikuboneka nyiza kukwache, loli u Mwene weyuyo azimenye inyinong'ono zyache.

Ivyili 27:21

Usiliva nu golide vikusungunuliwa mumuvuno uwa moto, loli umuntu akupimiwa na mapalo ghagho akupokela.

Yesaya 48:10

Ennya, mumo nabaswefezya, loli ate ngati we siliva awe, nabayezya mumuvuno uwa mayimba.

Yelemiya 17:10

“Ane ne Mwene nkwenelezya inyinong'ono, nukughupima umoyo, nkumupa umuntu umuvwalo ukuyana ni nkalo yache, sona ukuyana ni mbombo zyache.”

Ezekiyeli 22:18

“Wee mwana uwa muntu, aba Izilayeli bate ni mbombo nayimoyimo kukwane, baba ngati mukuba nu mutovu, ni chela nu waya vivyo vyasyala mu muvuno. Vinivi vyaba bulo vinyazu ivya siliva.

Daniyeli 11:35

Abantu bamo abamahala bakwiza pakwipunula umwakuti baswefiwanje, pakuti ukuswefiwa kukubapela ukuti batakabe ni chilema nachimochimo mupaka pakabalilo akabumalilo, pakuti kakwiza pakukwana akabalilo kako u Chala akasala.

Zekaliya 13:9

Ichigaba ichabutatu nkwiza pakuchisumbila mumoto. Nkwiza pakubaswefya ngati we siliva, sona nukubayela ngati we golide. Bakwiza pakulyiputa itabwa lyane, nkwiza pakubamula po nkwiza pakunena ukuti, ‘Bantu bane.’ Abene bakwiza pakwamula ukuti, ‘U Mwene we Chala witu.’ ”

Ukukumbusya Amalamulo 8:16

Akabapa umana ukuti mulyanje, ichakulya chicho bope na banyenya binyu batakachighonjapo nalumolumo. Akabatumila intamyo pakubayela amwe, umwakuti pabumalilo bwache abasaye nukubabombela ivintu ivyiza.

Ukukumbusya Amalamulo 8:2

Mukumbukaye namumo u Mwene u Chala winyu akabalongolela munkolongo amaka 40 pakubawisizya amayimba ukuti abayelaye umwakuti aghamanye amoyo ghinyu nanti mungaghakonka amalamulo ghache.

1 Pitala 1:7

Injelo zinizi zyizite, umwakuti zisimikizye nanti ulwitiko lwinyu lwenecho. Ngati we golide yuyo angananganika, akuswefyiwa numoto, umwakuyana bulo, ulwitiko lwinyu lulo lwapamwanya ukuchila ugolide, lubaghiye luswefyiwe. Po mukwiza pakupokela amapalo nu buchindamu nu muchizi, pisiku lilyo u Yesu Kilisitu akwiza pakuvumbuliwa.

Ubuvumbuli 2:23

Nkwiza pakubaghogha abantu babo bakendagha nawe, po ivipanga vyosi vikwiza pakumanya ukuti ane nene nkughamanya amoyo ghabo, sona ni nyinong'ono zyabo. Nkwiza pakumulipila umuntu wesi ukuyana ni mbombo zyache.