Ivyili 15:3 - IBAYIBOLO 2024

³ Amaso agha Mwene ghakwennya posi na posi, ghakubenelezya ababibi na biza bulo.

Ivyili 15:3 Iomraidhean Croise

2 Imbili 16:9

Pakuti amaso agha Mwene ghakwennya posi na posi pachisu ichapasi umwakuti abakazyanje abantu babo bakumwivwila na moyo ghabo ghosi. Awe wabomba ichintu ichabupunganu nkani, po ukwanda ilelo ukwiza pakulwa ubwite.”

Yobu 24:23

Angabitikizya abantu ababibi ukuti batuzyanje umwakufwasa, loli amaso ghache ghakwennya akendele kabo.

Yobu 28:24

Pakuti umwene akwennya ubumalilo ubwa chisu, sona akuvyennya vyosi vivyo vili kusi ukwa mumwanya.

Yobu 31:4

Nkimba atakuzyennya izila zyane nukughabelenga amatamba ghane ghosi?

Masalimo 33:13

U Mwene akwennya pasi, bo ali kumwanya, po akubennya abantu bosi.

Ivyili 15:4

Akanenele akiza kakuba ngati lyo likwi ilya bumi, loli amazyu amazimbuli ghakughuvulazya umoyo uwa muntu.

Ivyili 5:21

Pakuti u Mwene akuzyennya imbombo izya muntu, sona amaso ghache ghakwennya akendele kache kosi.

Yelemiya 16:17

Pakuti amaso ghane ghakuzyennya inkalo zyabo zyosi imbibi, batavwamite kukwane napo panandi, sona yitalipo nayimoyimo imbibi yiyo intayimenye

Yelemiya 23:24

Nkimba umuntu angavwama kubusyefu umwakuti intangamwennya? Nkimba ane intalipo posi na posi kumwanya na pachisu ichapasi? Ane ne Mwene nanena.

Yelemiya 32:19

imbatiko zyako mpalapala nkani sona imbombo zyako zyamaka nkani. Amaso ghako ghakwenelezya. Amaso ghako ghakuzyennya namumo inkalo izya bantu zibeleye. Ukumupa umuntu wesi umuvwalo ukuyana ni nkalo yache ni mbombo zyache.

Aba Hebeli 4:13

Pantazi pa Chala katalipo nakamo kako kafisiwe. Ivintu vyosi vili pabuzelu bulo, sona vili pa bwazi pantazi papache yuyo tubaghiye tumulingannye vyosi vivyo twabomba.