Ivyili 15:2 - IBAYIBOLO 2024

² Amazyu agha muntu uwamahala ghakumupanga umuntu amahala, loli umulomo uwa mupunganu ghukunenagha zyo ntuko.

Ivyili 15:2 Iomraidhean Croise

Masalimo 45:1

Umoyo wane wizuye ni pangwi ilyiza, bo indi pakumwimbila u mwene ulwimbo lwane. Ululimi lwane luli ngati chakusimbila icha musimbi yuyo amenye nkani pakusimba.

Masalimo 59:7

Ivwa intuko zizyo zikufuma pamilomo yabo. Indimi zyabo zili ngati bo bapanga, po bakuti, “Nkimba wewenu yuyo angatwivwa?”

Ivyili 12:23

Umuntu uwamahala akufisagha amahala ghache, loli umupunganu akwilanjizya pabuzelu ubupunganu bwache.

Ivyili 13:16

Umuntu uwamahala akubombagha ivintu umwamahala, loli umupunganu akwilanjizya pabuzelu ubupunganu bwache.

Ivyili 15:23

Umuntu akuhobokagha nanti wamwamula akiza, amazyu ghagho ghakuneniwanga pakabalilo kache ghakunona nkani.

Ivyili 15:28

Umuntu umwiza akwinong'ona tasi namumo angamulila, loli umuntu umubibi akunenagha bulo mwalwemwalwe.

Ivyili 15:7

Umulomo uwa muntu uwamahala ghukufumusyanga amahala, loli te momumo zibeleye nu mupunganu.

Ivyili 16:23

Umuntu uwamahala akuchebagha na kanenele kache, sona akanenele kache kakufumusyanga ivintu ivya mahala.

Ivyili 5:2

umwakuti ubanje ni nkalo inyiza, nukuti amazyu ghako ghabanje ghamahala.

Umulumbilili 10:14

Umupunganu akunenagha bulo gho mazyu aminjiminji bulo. Atalipo nayumoyumo yuyo akumanya chicho chikwiza muntazi. Nkimba wewenu angamulingannya umuntu, chicho chikwiza pakubombiwa muntazi, bo afuye?

Umulumbilili 5:3

Nanti intamyo nyinji, kokuti vyope ivilota vikuba vyinji, po momumo kabeleye akanenele aka mupunganu.

Yesaya 50:4

U Mwene Uwamaka Ghosi amanyisya izya kunena, umwakuti imbasangalusye babo balitite. Indabi yili yosi akunyamusya, akwighula amakutu ghane, ukuti nivwanje zizyo akulonda pakumanyisya.