Ivyili 14:8 - IBAYIBOLO 2024

⁸ Amahala agha muntu umuchevu ghakumwighula umuntu amaso, loli ubupunganu bukumuzimbula umuntu umupunganu.

Ivyili 14:8 Iomraidhean Croise

Masalimo 111:10

Ukumunyila u Mwene bo bwandilo ubwa mahala, bosi babo bakughakonka amalamulo ghache bakuba nubumanyi ubwakufikapo. U Mwene apaliwanje bwila na bwila.

Masalimo 119:5

Nalondagha nkani ukuti ngali inkalo yane yabanga nyiza, pakughakonka amalamulo ghako.

Masalimo 119:73

Inyobe zyako zinkampela nukumata, po mpanga amahala aghakivwisizye aka malamulo ghako.

Masalimo 143:8

Pandabindabi posi unkumbusyanje nizya lughano lwako, lulo lutakupotwapo nalumolumo, pakuti nkusubiye wewe. Undanjizyanje izila iyakuti nendayemo, pakuti nkwiputa kukwako.

Ivyili 11:18

Umuntu umubibi akuzimbuliwanga bwila na bwila, loli yuyo akupesa ubugholosu akupokelagha umuvwalo uwenecho.

Ivyili 12:5

Inyinong'ono izya muntu umugholosu zyanaloli, loli amahala agha muntu umubibi mazimbuli.

Ivyili 15:21

Umupunganu akuhobokagha nu bupunganu bwache, loli umuntu uwakwivwisya ivintu akwenda muzila ingolosu.

Ivyili 2:9

Po ukwiza pakubumanya ubugholosu nu bwanaloli, nu bwiza, sona ni zila zyosi inyiza.

Ivyili 8:20

Ane nkwenda muzila iya bugholosu, sona muzila iya bwanaloli.

Umulumbilili 2:13

Po nkennya ukuti amahala mizapo ukuchila ubupunganu, ngati mumo ulukozyo lwiza ukuchila ichisi.

Umulumbilili 2:16

Pakuti umupunganu nu wamahala bosi banaba batakukumbukiwa ukwa kabalilo akatali, sona abantu bakubaluvya bosi babili banaba. Ngati mumo akufwila umupunganu, momumo nu muntu uwamahala akufwila.

Yelemiya 13:20

“Mwee ba mu Yelusalemu, ennya, mubennye abalwani binyu aba kumitu. Nkimba umudimo ghugho ghukapeghiwa kukwinyu ghuli kwiyi, ing'ozi zizyo mukituvyikilamo zili ko kwiyi?

1 Aba Kolinti 3:19

Pakuti amahala agha bantu aba muchisu ichapasi, bo bupunganu pamaso pa Chala. Pakuti Amasimbo ghakuti, “U chala akubategha abamahala mubuchevu bwabo.”

Aba Efeso 4:22

Polelo mubuvule ubuntu bwinyu ubwakale bubo bukayana nubumi bwinyu ubukali bula, sona bubo bwananganika pachifukwa icha vinyonywa vyache ivyabumyasi.

Aba Efeso 5:17

Polelo mutakabanje bapunganu, loli mubwivwisyanje ubwighane ubwa Mwene.

2 Timoti 3:13

Loli abantu ababibi na bazimbuli bakwiza pakonjelelakonjela akuba babibi nukubazimbula abantu abanji, loli bope bakwiza pakuzimbuliwa.

Yakobo 3:13

Nkimba wewenu wamahala nu wakwivwisya mumwinyu? Muleke aghalanjizye ni nkalo yache inyiza, sona ni mbombo zyache izyakwiyisya zizyo zikufuma mumahala.