Ivyili 14:2 - IBAYIBOLO 2024

² Umuntu yuyo akwenda muzila ingolosu akumuchindika u Mwene loli yuyo akwenda muzila inyonganu akumusamula u Mwene.

Ivyili 14:2 Iomraidhean Croise

2 Samuweli 12:9

Nkimba choni chicho waghasamula amazyu agha Mwene pakubomba ichintu ichibibi pamaso papache? Wamughogha nupanga u Uliya umu Hiti yula, nukumusenda umuchi wache pakuba muchi wako. Ukamughogha pakubombezya upanga uwa ba Amoni.

1 Abamwene 3:6

U Solomoni akamwamula akati, “Wee Mwene wane, ukamughana nkani u tata wane u Devedi pachifukwa ichakuti akaba muntu musubiliwa nu mugholosu, sona wanaloli. Umughanite nkani, sona wamupa umwana umulumendo ukuti ikalaye pachitengo icha bumwene mupaka nilelo bulo.

2 Abamwene 17:34

Bachili bakubomba bunubu mupaka nilelo bulo. Batakamwiputagha u Mwene, pamo ukuzikonka indaghilo zyache, na malamulo ghagho akabalamula abaluko ulwa Yakobo, yuyo akamwita ukuti we Izilayeli.

Yobu 1:1

Muchisu icha Uzi mukabamo umuntu yumo yuyo akaba we Yobu. Umuntu yunuyu atakaba nakalema nakamokamo sona akaba mugholosu, umwakuti akamwiputagha u Chala nukuzinyila imbibi.

Yobu 12:4

“Ane naba ne chabakusesya abamanyani bane. Nkamwitizya u Chala po akanyamula napapo ne chakusesya bulo, sona ne muntu mugholosu nu musita akalema nakamo!”

Yobu 28:28

Po akamubuzya umuntu akati, “Ukumunyila u Mwene gho mahala sona ukuzichimbila imbibi ko kwivwisya.”

Masalimo 112:1

Mumupalaye u Mwene. Musayiwa umuntu yuyo akumuchindika u Mwene, yuyo akuhoboka nkani pakughakonka amalamulo ghache.

Masalimo 25:21

Ubwiza nu bugholosu vinvighililaye akiza, pakuti nkusubiye wewe.

Ivyili 11:12

Umuntu yuyo akumusamula umupalamani wache ate na mahala, loli umuntu yuyo akwivwisya akuba bulo myee.

Ivyili 16:17

Izila iya muntu umugholosu yikuzileghuka imbibi, yuyo akwisungilila mukendele kache, akubusungilila ubumi bwache.

Ivyili 16:6

Pachifukwa icha kwiyiyipa nu busubiliwa, imbibi izya muntu zikuhobokeliwanga, sona pachifukwa ichakumuchindika u Mwene umuntu akuzileghukagha imbibi.

Ivyili 19:1

Chizapo pakuba mupina yuyo akwenda mubugholosu, nukuchila pakuba nu mupunganu yuyo akunena ivyamwalwemwalwe.

Ivyili 2:15

Izila zyabo zitagholokite, sona izila zyabo nchevu nkani.

Ivyili 28:6

Chizapo pakuba mupina yuyo ate ni chilema nachimochimo, nukuchila pakuba mukabi yuyo inkalo yache nyonganu.

Umulumbilili 12:13

Losi ulu vyosi vyivwika. Po ifundo iyenecho yo iyi: Umuchindikaye u Chala nukughakonka amalamulo ghache pakuti iyi yo mbombo inkulu iya muntu.

Luka 10:16

U Yesu akababuzya abamanyili bache akati, “Umuntu wesi yuyo akubateghelezya, akunteghelezya nane bulo. Umuntu wesi yuyo akubakana, akunkana nane bulo. Umuntu wesi yuyo akunkana, akumukana wepe yuyo akantuma.”

Luka 16:14

Bo aba Falisayi bivwa zyosi zinizi, bakamobezya u Yesu pakuti bakazighana nkani indalama.

Imbombo 10:22

Bakamula bakati, “Usongo u Kolineliya atutuma. Umwene muntu mugholosu, yuyo akumwiputa u Chala, sona achindikiwe nkani naba Yuda bosi. Uwantumi uwakumwanya uwa Chala akamubuzya ukuti akwitizye awe ukuti ubuke kunyumba yache, ukuti ivwe zizyo ukulonda pakunena.”

Imbombo 10:35

loli akumupokela umuntu wesi yuyo akumwiputa nukubomba chicho chigholosu ukusita pakwennya uluko lwache.

Imbombo 9:31

Po ichipanga icha mu Yudeya, mu Galileya, na mu Samaliya chikaba na kabalilo akamutende nukwendelela pakumwiputa u Mwene. U Muzimu Umuzelu akachikazya nukuchavwa pakukula, po chikaba ichakumunyila u Mwene.