Ivyili 13:7 - IBAYIBOLO 2024

⁷ Umuntu yumo akwipimagha pakuba mukabi, napapo ate nako nakamokamo, bo uyunji akwipima pakuba mupina, loli ali nu bukabi nkani.

Ivyili 13:7 Iomraidhean Croise

Ivyili 11:24

Umuntu yumo akupa mubwabuke, po akuba muntu umukabi. Uyunji mumama, loli pope bulo akuba mupina.

Ivyili 12:9

Chizapo ukuba muntu bulo nukuba nu wambombo weka, ukuchila pakwipima pakuba ngati po we muntu uwapamwanya, loli bo ute ni chakulya.

Ivyili 13:11

Ubukabi ubwakubwaghila umwalubilolubilo bukumala panandipanandi, loli yuyo akubwaghila muntamyo bukukulilakulila.

Ivyili 13:8

Ubukabi ubwa muntu bungabutabula ubumi bwache, loli umupina atakunyilagha nachimochimo.

Luka 12:20

Loli u Chala akati, ‘Wee mupunganu awe! Ubusiku bunubu ubumi bwako bukwiza pakufyuliwa, po wewenu akwiza pakusunga ivintu vyako vyosi vinivi?’ ”

Luka 12:21

Pabumalilo u Yesu akati, “Momumo zibeleye na bantu babo bakwilundikila bene ivyuma, loli bate bakabi pamaso pa Chala.”

Luka 12:33

Ghulizya vyosi vivyo muli navyo nukubapa abapina indalama. Mubanje ni vikwama ivya ndalama vivyo vitakuzepuka nukwilundikila ubukabi kumwanya, bubo bute bukamale nalumo, pakuti abiba batangapankula nukwiba, sona impezu zitangabunangannya.

1 Aba Kolinti 4:8

Kokuti muli navyo kale vivyo mukuvilonda! Kokuti mwaba kale mwe bakabi! Kokuti mwipela mwebene pakuba bamwene, napapo aswe tute twe bamwene! Nalondagha nkani ukuti ngali mukaba mwe bamwene, umwakuti tungaba bamwene poka namwe.

2 Aba Kolinti 4:7

Loli aswe tuyanite bulo ni sonta izya kusungilamo ubukabi ubu, ukuti tulanjizye ukuti amaka amakulu agha ghakufuma kwa Chala, kute ko kukwitu, awe.

2 Aba Kolinti 6:10

Napapo bakutupela pakuba ni chitima bwila na bwila, loli tukuhoboka nkani. Napapo tuyanite bulo na bantu abapina, loli tukubapela abantu abinji pakuba bakabi. Napapo tuyanite bulo na bantu abapotwe, loli tuli navyo vyosi.

Yakobo 2:5

Mwee bakamu bane abaghaniwa, ivwa kuno! Nkimba u Chala atakabasala abantu abapina aba muchisu ichapasi ukuti babanje bakabi mulwitiko nukupyana ubumwene, bubo akabalayizya abantu babo bamughanite?

2 Pitala 2:19

Bakulayizya pakubapa abantu ubwabuke, bo abene bazya ba mbibi. Pakuti umuntu akuba muzya uwa chintu chosi chicho chamupota.

Ubuvumbuli 2:9

“Intamyo zyako inzimenye nu bupina bwako bope imbumenye, loli we mukabi. Ingumenye umusamu uwa bantu babo bakwinena bene ukuti ba Yuda, po bate ba Yuda, loli ba chipanga icha Satana.

Ubuvumbuli 3:17

Pakuti ukunena ukuti, ‘Ane ne mukabi, indi navyo vyosi, sona ntakusobelwapo nachimochimo.’ Loli utazimenye ukuti we wantamyo, we mupelachisa, we mupina, we mufwamaso, sona uli nkule.