Ivyili 11:4 - IBAYIBOLO 2024

⁴ Ubukabi butangamwavwa umuntu pisiku ilya bulongi, loli ubwanaloli bukumupoka umuntu kubufwe.

Ivyili 11:4 Iomraidhean Croise

Ubwandilo 7:1

Po u Mwene akamubuzya u Nowa akati, “Injila mubwato awe na bamunyumba yako bosi chifukwa nakwagha ukuti wewe wemwene we ukubomba zizyo ngolosu munkulilo iyi.

Yobu 20:28

Amizi aghakwizula ghakwiza pakuyinangannya inyumba yache, pisiku ilya bukali ubwa Chala.

Ivyili 10:2

Ubukabi ubwa buzimbuli butakumupela umuntu pakuba mukabi, loli ubwanaloli bukumupoka umuntu kubufwe.

Ivyili 12:28

Izila iyanaloli yikumulongozezya umuntu kubumi, loli izila imbibi yikumulongozezya kubufwe.

Ivyili 6:34

Pakuti ubuzuba bukumupa ubukali umulume wache, po atakuba ni chisa nanti akutanizya.

Yesaya 10:3

Nkimba mukwiza pakubomba ichoni pisiku ilya lufundo, bo ukunanganika kukwiza ukufuma kubutali? Nkimba mukwiza ukuchimbilila kwa wenu ukuti mubwaghe ubwavwilizi? Nkimba mukwiza pakumulekela uwenu ubukabi bwinyu?

Ezekiyeli 14:14

Napapo abantu batatu bala, u Nowa, u Daniyeli nu Yobu, bakikalagha mulamula, ngali bakapoka ubumi bwabo bwene nu bugholosu bwabo, u Mwene Uwamaka Ghosi anena.

Ezekiyeli 7:19

“Bakwiza pakusumba usiliva wabo mumisebo, sona u golide wabo akwiza pakuba munyazu. Usiliva nu golide wabo vitakwiza pakubapoka, pisiku ilya bukali ubwa Mwene. Batakwiza pakwikutizya izala zyabo, pamo pakwizuzya inyanda zyabo nu siliva nu golide, pakuti ubukabi bwabo, bwabapela ukuti banangaye.

Zefaniya 1:18

Usiliva pamo ugolide wabo vitakwiza pakubapoka pisiku ilya kukalala ukwa Mwene. Mumoto wache uwakabini ichisu chosi ichapasi chikwiza pakulungulila, pakuti akwiza pakubamala umwalubilolubilo abantu bosi babo bakwikala mulamula.

Matayi 16:26

Nkimba umuntu akukabapo chimo nanti akaba ichisu chosi ichapasi, loli abutaghe ubumi bwache? Awe! Chitalipo nachimo chicho angalipa ukuti asende sona ubumi bwache.

Luka 12:20

Loli u Chala akati, ‘Wee mupunganu awe! Ubusiku bunubu ubumi bwako bukwiza pakufyuliwa, po wewenu akwiza pakusunga ivintu vyako vyosi vinivi?’ ”

Aba Loma 5:17

Momumo ukuti pachifukwa icha kunanga muntu weka ubufwe bukanda pakuba nu bulaghili pachifukwa icha muntu weka yula. Loli umuntu weka, u Yesu Kilisitu akabomba ivintu ivikulu nkani, umwakuti abantu bosi babo bakapokela ichisa icha Chala nukuneniwa ukuti twe bagholosu pamaso papache, bakwiza pakuba nubumi, sona nu bulaghili ukwendela mwa Kilisitu.

1 Timoti 4:8

Ukwizubizya umubili kukumwavwa umuntu panandi, loli pakuba nubumi ubwakumuchindika u Chala kukumwavwa nkani umuntu muvintu vyosi, pakuti bukutupa aswe ilayizyo ilya bumi ubwilelo nubwa muntazi.