Ivyili 10:9 - IBAYIBOLO 2024

⁹ Umuntu umugholosu akwikalagha umwakufwasa, loli yuyo akwenda muzila inyonganu akulemiwa.

Ivyili 10:9 Iomraidhean Croise

Ubwandilo 17:1

Bo u Abulamu ali na maka 99, u Mwene akamubonekela nukumubuzya ukuti, “Ane ne Chala Uwamaka Ghosi. Unyivwilaye, sona bombagha chicho chigholosu.

Yobu 8:20

“Naloli u Chala atakumukana umuntu umusita akalema, loli abantu ababibi atakubavwa nalumo.”

Masalimo 23:4

Napapo nkwenda mwikombe ilya chisi icha bufwe, ntakwiza pakunyila ichintu ichibibi nachimochimo, pakuti uli nane. Intughu ni ndisa yako vikunsangalusya.

Masalimo 25:21

Ubwiza nu bugholosu vinvighililaye akiza, pakuti nkusubiye wewe.

Masalimo 84:11

Pakuti u Mwene u Chala lizuba sona ngulu, akutupa ivyiza vyosi sona akutuchindika. U Mwene akubapa ivintu ivyiza abantu babo bagholosu.

Ivyili 17:20

Umuntu uwa nyinong'ono inyonganu ivintu vitakumwendelagha akiza, umuntu yuyo muzimbuli akwinjila muntamyo.

Ivyili 26:26

Napapo angafisa ulubengo umwabuchevu. Loli ububibi bwache bukubonekela pabuzelu pakasi pabantu.

Ivyili 28:1

Umuntu umubibi akuchimbila mwene bo nayumoyumo akumuchimbizya, loli umugholosu akubanga mujivu ngati nkalamu.

Ivyili 28:18

Umuntu yuyo ate ni chilema nachimochimo akuba mumutende, loli yuyo imbombo zyache nyonganu akuwila muchiliba.

Ivyili 3:23

Ukwiza pakwenda muzila yako umwakufwasa, sona utakwiza pakwipunula.

Matayi 10:26

“Po mutabakanyilaye abantu. Ichintu chosi chicho chivwinkiwe chikwiza pakuvwinkuliwa, sona ichintu chosi chicho chakubusyefu chikwiza pakuboneka pabuzelu.

1 Aba Kolinti 4:5

Polelo mutakamulongaye nayumo umuntu, bo na kabalilo akiza katafikite. Mulindililaye mupaka u Mwene ize. Umwene akwiza pakuvumbula pabuzelu ivintu vivyo vifisiwe muchisi. Akwiza pakuvumbula sona inyinong'ono izya bantu. Pakabalilo kalakala umuntu wesi akwiza pakupokela amapalo agha Chala.

1 Timoti 5:25

Umwakuyana bulo, imbombo inyiza zikubonekela pabuzelu bulo, loli nayimoyimo yiyo yitangafisiwa.