Ivyili 10:4 - IBAYIBOLO 2024

⁴ Umuntu umukata akwiyitizizya mwene ubupina, loli inyobe izyakwiyula zikumupela umuntu pakuba mukabi.

Ivyili 10:4 Iomraidhean Croise

Ubwandilo 26:32

Isiku lilalila abambombo aba Yisaki bakiza nukumubuzya nizya chiziba chicho bakakumba. Bakati, “Twaghagha amizi!”

Ivyili 10:5

Umwana yuyo akwinula pachisanya wamahala, loli yuyo akulinda pakughona pakabalilo aka kwinula akukozya isoni.

Ivyili 11:24

Umuntu yumo akupa mubwabuke, po akuba muntu umukabi. Uyunji mumama, loli pope bulo akuba mupina.

Ivyili 12:24

Umuntu walweke akwiza pakulaghilagha, loli umukata akuba muzya.

Ivyili 12:27

Abantu abakata batakuvyaghamo vivyo bakuvilonda, loli abantu abalweke bakubwagha ubukabi.

Ivyili 13:4

Umukata akunyonywanga bulo ivintu, napapo atakuvyagha, loli vivyo umuntu uwalweke akuvinyonywa, akuvyagha vyosi.

Ivyili 18:9

Umuntu umukata bo akubomba imbombo, we mukamu uwakunangannya.

Ivyili 19:15

Ubukata bukumughoneka umuntu utulo utwa bufwe sona umukata akutamiwanga nizala.

Ivyili 19:24

Nanti umuntu umukata injizya inyobe mumbale, akupotwa pakuyifisya kumulomu wache.

Ivyili 20:13

Utakatughanaye utulo, lumo ungaba we mupina, banga maso po ukwiza pakuba ni chakulya nkani.

Ivyili 20:4

Umukata atakulima pakabalilo kache, po pakabalilo akakwinula akuvilondelezya, loli atakuvyagha.

Ivyili 21:5

Imbatiko izya muntu uwakwiyula zikumwavwa pakuvyagha ivyinji, loli yuyo akubomba umwalubilolubilo akwinjila bulo mubupina.

Umulumbilili 10:18

Ichisonje icha nyumba chikumongonkana nanti umwenecho mukata, sona inyumba yila yikutonyagha, nanti umwenecho mudedebazu.

Yohani 6:27

Mutakabombaye imbombo ukuti mubanje ni chakulya chicho chikunanganika, loli bombela ichakulya chicho chikupa ubumi ubwa bwila na bwila. Ichi chakulya chicho u Mwana uwa Muntu akwiza pakubapa pakuti u Chala Uwise weyuyo abikitepo papache ichimanyilo ichakusimikizya.”

1 Aba Kolinti 15:58

Polelo bakamu bane baghaniwa mwimaye nkani, sona mutakayinganaye. Akabalilo kosi mwikolezannyanje nkani pakumubombela u Mwene pakuti muzimenye ukuti imbombo zizyo mukumubombela u Mwene zite izya bulo, awe.