Ivyili 1:7 - IBAYIBOLO 2024

⁷ Ukumunyila u Mwene bo bwandilo ubwa mahala, loli abapunganu bakughasulannya amahala na mafundwe.

Ivyili 1:7 Iomraidhean Croise

Yobu 28:28

Po akamubuzya umuntu akati, “Ukumunyila u Mwene gho mahala sona ukuzichimbila imbibi ko kwivwisya.”

Masalimo 111:10

Ukumunyila u Mwene bo bwandilo ubwa mahala, bosi babo bakughakonka amalamulo ghache bakuba nubumanyi ubwakufikapo. U Mwene apaliwanje bwila na bwila.

Ivyili 1:22

“Mwee bapunganu, nkimba mukwiza pakuba mwe bapunganu mupaka liyi?” Mwee balobezyo, nkimba mukwiza pakuhoboka nu lobezyo lwinyu mupaka liyi sona mwee bapunganu, nkimba mukwiza pakughabenga amahala mupaka liyi?

Ivyili 15:32

Umuntu yuyo akughasulannya amafundwe akwisamula mwene, loli wesi yuyo akwivwila nanti akuchemeliwa, akuba wakwivwisya ivintu.

Ivyili 15:33

Ukumunyila u Mwene kukumumanyisya amahala umuntu, sona umuchizi ghukwizagha nanti umuntu akwiyisya mwene.

Ivyili 15:5

Umupunganu akughasulannya amafundwe agha wise, loli umuntu uwamahala akwivwila nanti akuchemeliwa.

Ivyili 18:2

Umupunganu atakuhoboka nizya mahala, loli akulonda pakulanjizya ifundo zyache mpela.

Ivyili 2:5

Polelo ukwiza pakumanya pakumunyila u Mwene nukughaghannya amahala agha Chala.

Ivyili 23:9

Utakanenaye nu muntu umupunganu, pakuti akwiza pakughasulannya amazyu ghako aghamahala.

Ivyili 9:10

Ukumunyila u Mwene bo bwandilo ubwa mahala, sona amahala agha Chala Umuzelu ko kwivwisya ivintu.

Umulumbilili 12:13

Losi ulu vyosi vyivwika. Po ifundo iyenecho yo iyi: Umuchindikaye u Chala nukughakonka amalamulo ghache pakuti iyi yo mbombo inkulu iya muntu.

Aba Loma 1:28

Pachifukwa ichakuti abantu bala bakamusula u Chala, po akabaleka ukuti bakonke inyinong'ono zyabo imbibi ukuti babombaye ivintu vivyo batabaghiye pakuvibomba.

Ukukumbusya Amalamulo 4:6

Mughakonkaye na moyo ghinyu ghosi pakuti ichi chikwiza pakubalanjizya abantu aba inko izinji ukuti mwe bamahala na bakwivwisya. Bo bivwa nizya ndaghilo na malamulo ghanagha bakwiza pakunena ukuti, “Naloli uluko ulukulu ulu, lo luko ulwa mahala nu lwakwivwisya.”