Ivyili 1:5 - IBAYIBOLO 2024

⁵ Nanti umuntu uwamahala aghivwa, onjelezyepo ubumanyi bwache, sona abantu abakwivwisya baghaghilepo amahala.

Ivyili 1:5 Iomraidhean Croise

2 Imbili 25:16

Bo umulaghuzi yula achili ali pakunena, u mwene akamulalusya akati, “Nkimba sweswe tukakusala ukuti ubanje we wakumanyisya u mwene amahala? Utakandizye sona! Nkimba choni chicho ukulonda pakufwa?” Umulaghuzi yula akaleka loli akati, “Inzimenye ukuti u Chala akulonda pakukughogha, pachifukwa ichakuti wabomba zinizi sona nukuti ukazisulannya zizyo nkakubuzya.”

Yobu 34:10

Po ivwa kuno mwe bantu abakwivwisya ivintu. Naloli u Chala atangabomba ichintu ichibibi, sona Uwamaka Ghosi atangananga napo panandi.

Yobu 34:16

Nanti mwe bakwivwisya ivintu, ivwa kuno; teghelezya vivyo nkunena.

Yobu 34:2

Mwee bantu abamahala, ivwa amazyu ghane; tegha amakutu, amwe mwe bamanyi.

Yobu 34:34

Abantu abakwivwisya ivintu bakwiza pakwitinkana, abantu abamahala babo bakunyivwa bakwiza pakumbuzya ukuti,

Ivyili 12:1

Umuntu yuyo aghaghanite amafundwe, kokuti aghaghanite amahala, loli umuntu yuyo aghabengite amafundwe, kokuti mupunganu.

Ivyili 14:6

Umuntu uwalobezyo akulonda amahala loli atakughagha, amahala ghakwizagha ku muntu uwakwivwisya ivintu.

Ivyili 18:15

Umuntu uwakwivwisya ivintu akughagha amahala, amakutu agha muntu uwamahala ghakulondelazya ubumanyi.

Ivyili 19:25

Nanti wamukoma umuntu uwalobezyo kokuti akumanyilapo amahala, umuchemelaye umuntu yuyo ate na mahala po akwiza pakumanyilapo zimo.

Ivyili 21:11

Nanti umuntu uwalobezyo akufundiwa, umupunganu akumanyilako amahala. Nanti umuntu uwamahala bakumumanyisya inkalo inyiza, akuba muntu uwakwivwisya ivintu.

Ivyili 8:33

Ivwila ichimanyisyo chane ukuti mubanje na mahala, sona mutakavisulaye.

Ivyili 9:8

Utakamuchemelaye umuntu uwalobezyo, lumo angakubenga, loli umuchemelaye umuntu uwamahala, po akwiza pakukughana.

Ivyili 9:9

Umumanyisyanje amahala umuntu uwamahala, po akwiza pakuba muntu uwamahala naloli. Umumanyisyanje amahala umugholosu, po akwiza pakumanyilapo ivyinji nkani.

Umulumbilili 9:11

Nachennya sona ichintu chimo pachisu ichapasi ichakuti: Te muntu uwalwengo akupota pakuchimbila, pamo umuntu umujivu akupota pabwite. Pamo abantu abamahala bene bo babo bakuchagha ichakulya pamo abantu abamahala bene bo babo bakuba nu bukabi. Te bamanyi bene babo abantu bakubapelela ichisa, loli ulusako ni chighune vikubawila bosi banaba.

1 Aba Kolinti 10:15

Nkunena namwe pakuba mwe bantu abamahala, mwidumulile mwebene zizyo nkunena.

Ukukumbusya Amalamulo 4:6

Mughakonkaye na moyo ghinyu ghosi pakuti ichi chikwiza pakubalanjizya abantu aba inko izinji ukuti mwe bamahala na bakwivwisya. Bo bivwa nizya ndaghilo na malamulo ghanagha bakwiza pakunena ukuti, “Naloli uluko ulukulu ulu, lo luko ulwa mahala nu lwakwivwisya.”