Ivyili 1:4 - IBAYIBOLO 2024

⁴ pakuti babo batamanyiye bapokelaye amahala, sona abalumendo bakwiza pakukaba ubumanyi ubwiza.

Ivyili 1:4 Iomraidhean Croise

Masalimo 116:6

U Mwene akubavighilila abantu abakwiyisya, sona akampoka bo indi muntamyo impalapala nkani.

Masalimo 119:130

polelo nkuzikonka. Ukuvumbuliwa ukwa mazyu kukupa ulukozyo, sona kukupa amahala abantu babo bate na amahala.

Masalimo 119:9

Nkimba abachilumendo bangisungilila bulibuli, umwakuti babanje ni nkalo izelu? Pene papo nanti akulyivwila izyu lyako.

Masalimo 19:7

Ululaghilo ulwa Mwene lwakufikapo, lukutupa sona ubumi ubupya. Amalamulo agha Mwene masubiliwa, ghagho ghakubapa amahala abantu babo bate nagho.

Masalimo 34:11

Mwee bana bane, zagha munteghelezyanje, po nkwiza pakubamanyisya pakumunyila u Mwene.

Ivyili 3:21

Wee mwana wane, sungilila amahala nu bumanyi bubo uli nabo, vitakatyelemukaye munyobe zyako.

Ivyili 8:12

Amahala ghakuti, “Ane ne mahala, nkwikala poka nu buchevu, sona indi na mahala nukwivwisya ivintu.”

Ivyili 8:17

Imbaghanite babo banganite, sona babo bakundondelezya nu moyo ghosi bakunyagha.

Ivyili 8:32

“Polelo mwee bana bane, munteghelezyanje, basayiwa babo bakwivwila zizyo nkubabuzya.

Ivyili 8:5

Mwee mute na mahala, manyila pakuba mwe bamahala, sona mwe bapunganu, manyila pakuba bakwivwisya ivintu.

Umulumbilili 11:9

Wee mulumendo, uhobokaye bo uchili we mulumendo. Bombagha zizyo umoyo wako ghukulonda sona vivyo amaso ghako ghakuvyennya. Loli ukumbukaye ukuti u Chala akwiza pakukulonga pa zyosi zizyo ukubomba.

Yesaya 35:8

Kulakula kukwiza pakubako umusebo, ghugho ghukwiza pakwitiziwa ukuti, “Umusebo Umuzelu.” Ababomba mbibi batakwiza pakwendamo, abapunganu batakwiza pakupulumpilamo.

Ukukumbusya Amalamulo 4:6

Mughakonkaye na moyo ghinyu ghosi pakuti ichi chikwiza pakubalanjizya abantu aba inko izinji ukuti mwe bamahala na bakwivwisya. Bo bivwa nizya ndaghilo na malamulo ghanagha bakwiza pakunena ukuti, “Naloli uluko ulukulu ulu, lo luko ulwa mahala nu lwakwivwisya.”

2 Timoti 2:22

Leghukako kuvinyonywa ivya chilumendo, sona ubukonkaye ubugholosu nu lwitiko nu lughano nu mutende, poka na bantu babo bakumuchindika u Mwene nu moyo umuzelu.

Titi 2:6

Umwakuyana bulo, bope abachilumendo ubakazyanje ukuti bilemaye.