Ivyili 1:23 - IBAYIBOLO 2024

²³ Nanti mwivwanga isoki zyane, ngali imbabuzizye inyinong'ono zyane, sona ngali imbamanyizizye amahala ghane.

Ivyili 1:23 Iomraidhean Croise

Masalimo 145:1

Wee Chala wane sona Mwene wane, nkwiza pakukupalagha. Nkwiza pakulipala itabwa lyako bwila na bwila.

Ivyili 1:25

pakuti mukazisulannya zizyo nkabalingannyanga sona mukakana ukuti imbape amafundwe.

Ivyili 1:30

pakuti bakakana ukuti imbamanyisye sona nukuti imbape amafundwe,

Ivyili 10:17

Umuntu wesi yuyo akwivwila amafundwe akwenda muzila iya kubumi, loli wesi yuyo akughasulannya amafundwe akubasovya abanji.

Ivyili 12:1

Umuntu yuyo aghaghanite amafundwe, kokuti aghaghanite amahala, loli umuntu yuyo aghabengite amafundwe, kokuti mupunganu.

Ivyili 29:1

Umuntu yuyo akuba nu moyo umukafu bo achemeliwa akinji bulo, naloli lubilolubilo akunanganika umwakusita kupola.

Ivyili 6:23

Pakuti amalamulo ghanagha ghali ngati yo nyale, sona ichimanyisyo ichi chili ngati lo lukozyo. Amafundwe ghanagha ghali ngati yo zila iya bumi.

Yesaya 32:15

mupaka papo Umuzimu ikila papitu ukufuma kumwanya, sona ninkolongo pakuba mughunda uwamuvundo, ghope umughunda uwamuvundo ghukuboneka ngati musitu.

Yesaya 45:8

Nkwiza pakutuma ubupoti ukufuma kumwanya, bukwiza pakutima ngati vula. Ichisu chikwiza pakwighuka, nukupokela ubupoki, umwakuti ubugholosu bukule, ne Mwene nkazipela izi.”

Yelemiya 3:14

U Mwene akuti, “Nyokela kukwane mwe bantu abasita kusubiliwa, pakuti ane ne mulume winyu. Nkwiza pakumusenda weka ukufuma mukaya koka sona babili ukufuma muluko loka ukubuka namwe ku Ziyoni.

Ezekiyeli 33:11

Ubabuzye ukuti, ‘U Mwene Uwamaka Ghosi ati: Naloliloli nkulapa, intakuhoboka nimfwa iya muntu umubibi, loli nkuhoboka nanti akuzileka imbibi nukuba nubumi. Mwee ba Izilayeli nyokako nukuzileka izila zyinyu imbibi! Nkimba mukufwilachi?’

Hoseya 14:1

Mwee ba Izilayeli, nyokela kwa Mwene u Chala winyu. Imbibi zyinyu zyabawisya!

Yoweli 2:27

Po mukwiza pakumanya ukuti indi mu Izilayeli, ukuti ane ne Mwene u Chala winyu, sona nukuti atalipo uyunji, awe. Abantu bane batakwiza pakukoziwa sona isoni.

Yoweli 2:28

“Pisinda pache nkwiza pakupungulila Umuzimu wane pabantu bosi. Abana binyu abalumendo na balindu bakwiza pakulaghula, abaghosi bakwiza pakulota ivilota, bope abalumendo bakwiza pakwennya ivisetuka.

Yoweli 3:1

U Mwene akuti, “Mumasiku ghalaghala, sona na pakabalilo kalakala, bo nkubanyosezya ubwiza abantu aba mu Yuda, na mu Yelusalemu,

Zekaliya 12:10

“Po nkwiza pakubapungulila umoyo uwa chisa nuwa nyiputo pabanyumba iya Devedi sona napa bantu babo bakwikala mu Yelusalemu. Bakwiza pakumwenelezya umuntu yuyo bakamulasa, bakwiza pakumulila, ngati mumo umuntu akumulilila umwana wache mwene na mwene, sona akuba ni chitima nkani ngati mumo umuntu akubela ni chitima numwana wache ukatote.

Luka 11:13

Nanti mwe bantu mwe babibi mumenye pakubapa ivintu ivyiza abana binyu, zili bulibuli nu Ghuso uwakumwanya? Nkimba angapotwa pakubapa u Muzimu Umuzelu abantu babo bakumulaba?”

Yohani 7:39

U Yesu akanenagha nizya Muzimu Umuzelu, yuyo abantu babo bakamusubila bakizagha pakupokela. Pakabalilo kalakala u Muzimu Umuzelu akaba achili atapeghiwe pakuti u Yesu akaba achili pakupokela ubuchindamu.

Imbombo 26:20

Pakwanda nkalumbilila mu Damasika, ukufuma mula nkalumbilila mu Yelusalemu, sona na mosi mu Yudeya, na pakasi pabantu babo bate ba Yuda ukuti bazileke imbibi zyabo nukupindukila kwa Chala nukubomba ivintu vivyo vingalanjizya ukuti bapindukite naloli.

Imbombo 3:19

Muzileke imbibi zyinyu nukupindukila kwa Chala, ukuti azimye imbibi zyinyu. Nanti mukubomba bunubu u Mwene akwiza pakubapa akabalilo akakutuzikizya,