Ivyili 1:12 - IBAYIBOLO 2024

¹² zagha tumuzimizye bulo umumi ngati muntu yuyo asyiliwa, azimile chimyemye ngati muntu yuyo ali mwipumpa.

Ivyili 1:12 Iomraidhean Croise

Masalimo 124:3

bo ubukali bwabo bukwaka papitu, ngali batumilite twe bumi bulo,

Masalimo 143:7

Wee Mwene, unyamule lubilolubilo, pakuti umuzimu wane wadedebala. Utakanfisilaye icheni chako, lumo ningayana na bantu babo bali mwipumpa.

Masalimo 28:1

Wee Mwene nkulila kukwako we lyalabwe lyane, utakabanje ngati we mapuli. Pakuti nanti wabanga bulo myee, nkwiza pakuyana bulo na babo bali mumapumpa.

Masalimo 35:25

Batakinong'onaye ukuti, “Eee twavyagha vivyo twavilondagha” Pamo ukunena ukuti, “Twamumila bulo.”

Masalimo 5:9

Pakuti amazyu ghabo ghate masubiliwa napo panandi, sona amoyo ghabo ghizuye ni vintu ivyakunangannya bulo. Amamilo ghabo mighuke ngati gho mapumpa, sona indimi zyabo zikunena bo bumyasi bwene.

Masalimo 57:3

Akutuma ubwavwilizi bwache kumwanya nukumpoka, po akwiza pakubakozya isoni babo bakanjivya. U Chala akwiza pakungana pachifukwa ichakuti musubiliwa.

Ivyili 1:13

Po tukwiza pakuvyagha ivintu ivyakulekanalekana ivyamutengo nukwizuzya inyumba zyitu ni vintu ivyakufyula.

Yelemiya 51:34

U Yelusalemu akuti, “U mwene Nebukadineza uwamu Babiloni atulya, atufwantannya, nukutupela ngati sonta yiyo mutalimo nakamokamo. Atumila ngati nyivwila, sona izuzya ulwanda lwache ni vyakulya ivinonu, pisinda pache akutufwina.”

Nkuto 2:16

Abalwani bako bosi bakwasamiye umulomo, bakukobezya nukukumemenela amino, sona bakuti, “Twamumila. Isiku lilyo twalindililagha lyakwana, sona tuli nubumi ukuti tulyennyanje isiku linili.”

Nkuto 2:5

U Mwene aba ngati mulwani, po amumilite u Izilayeli. Azimongolannya inyumba zyache zyosi izya bumwene, sona aghanangannya amalinga ghache. Po abalizya inkuta ni chililo muchisu icha Yuda.

Ukubelengiwa 26:10

Po ichisu chikasama nukubamila bosi poka nu Kola, yuyo abakonki bache bakafwa numoto ghugho ghukabalunguzya abantu 250 bala pakuba chimanyilo ichakubasoka abantu abanji bosi.

Aba Loma 3:13

Amamilo ghabo ghasamite ngati gho mapumpa, indimi zyabo zyizuye nu buzimbuli. Amazyu aghakoghofya ghagho ghakufuma mumalomo ghabo ghayanite bulo nubwanga ubwa bachipili.