Imbombo 9:3 - IBAYIBOLO 2024

³ Bo u Sabuli apalamila kukaya akakulu nkani aka Damasika, umwakuchenusya bulo ulukozyo ulwakufuma kumwanya lukamulamila.

Ulufingo Ulupya

³ Bo u Sabuli apalamila kukaya akakulu nkani aka Damasika, umwakuchenusya bulo ulukozyo ulwakufuma kumwanya lukamulamila.

Imbombo 9:3 Iomraidhean Croise

Masalimo 104:2

Ukwivwinka wemwene nulukozyo ngati mwenda, sona akuzuye kumwanya ngati mwenda uwa chisakasa.

Imbombo 22:6

“Bo napalamila kukaya akakulu nkani aka Damasika pamusanya, umwakuchenusya bulo ulukozyo ulwakulama nkani ulwakufuma kumwanya lukandamila.

Imbombo 9:17

Po u Ananiya akabuka, nukwinjila munyumba mumo mukaba u Sabuli nukubika inyobe papache. Akati, “Mukamu Sabuli, u Mwene u Yesu, yuyo akakubonekela pazila bo ukwiza kuno, antuma ukuti wennye sona, nukwizula nu Muzimu Umuzelu.”

Imbombo 9:27

Po u Balanabasi akamusenda nukubuka nawe ku batumiwa. Akabalingannya mumo u Sabuli akamwenezezya u Mwene pazila, sona nukuti u Mwene akanena nawe. Akababuzya sona mumo u Sabuli akalumbilila nu bujivu nkani mwitabwa ilya Yesu mu Damasika.

1 Aba Kolinti 15:8

Pabumalilo ubwa bosi, akambonekela ane napapo injanite bulo na yumo yuyo akapapiwa bo amezi ghatakwanite.

1 Aba Kolinti 9:1

Nkimba ane inte ne musatuke? Fwandi, ane inte ne mutumiwa? Nkimba intamwenizyepo u Yesu, u Mwene witu? Nkimba amwe mute mwe seke izya mbombo yiyo nkamubombela u Mwene?

1 Timoti 6:16

U Chala mwene bulo atakufwapo nalumo, sona akwikala mu lukozyo lulo nayumo umuntu angapalamilako. Nayumo umuntu yuyo amwenizyepo pamo angamwennya. Kukwache kubanje umuchizi na maka bwila na bwila. Ameni.

Ubuvumbuli 21:23

Izuba pamo umwezi vitakulondiwa nukuti vilamaye mukaya akakulu nkani kanaka pakuti ubuchindamu ubwa Chala bukulamilamo, sona ulukozyo lwache we Mwana uwa ng'ozi.

Ubuvumbuli 22:5

Kulakula kutakwiza pakubako sona ubusiku. Ukulama ukwa nyale pamo izuba kutakwiza pakulondiwapo nalumo, pakuti u Mwene u Chala akwiza pakuba lukozyo lwabo, sona bakwiza pakuba bamwene bwila na bwila.