Imbombo 9:2 - IBAYIBOLO 2024

² nukulaba abakalata ukuti abuke nabo munyumba izyakwiputilamo mu Damasika, umwakuti nanti angabagha bamo abakonki aba Zila iya Mwene, abapinye, bosi abanavuli na bakolo nukwiza nabo mu Yelusalemu.

Ulufingo Ulupya

² nukulaba abakalata ukuti abuke nabo munyumba izyakwiputilamo mu Damasika, umwakuti nanti angabagha bamo abakonki aba Zila iya Mwene, abapinye, bosi abanavuli na bakolo nukwiza nabo mu Yelusalemu.

Imbombo 9:2 Iomraidhean Croise

Ubwandilo 14:15

Bo bafika kula, u Abulamu akabagabannya abantu bache bala mutubukatila, po bakalwa nabo ubwite nubusiku mupaka nukubapotela zila. Akabachimbizya mupaka mukaya aka Hoba, kumitu ukwa Damasika.

Yesaya 17:1

Agha gho mazyu aghabulaghuzi ghagho ghakunena nizya Damasika: “Ennya, u Damasika atakwiza pakuba kaya akakulu nkani, loli akwiza pakuba chibunga icha visami.

Yelemiya 49:23

Pakunena nizya Damasika akati, “Abantu aba Hamati naba Alipadi bali nubogha nkani, pachifukwa ichakuti bivwa amazyu amabibi. Amoyo ghabo ghali mumwanya bulo, ngati nyanja sona bate nu mutende naghumoghumo.

Matayi 10:17

Muchebaye na bantu pakuti bakwiza pakubalema nukubabika pamaso pa balongi, po bakwiza pakubasyempa munyumba izyakwiputilamo.

Yohani 14:6

U Yesu akamula akati, “Ane ne Zila, ne Bwanaloli, sona ne Bumi. Nayumo umuntu yuyo akubuka kwa Tata ukusita ukwendela mumwane.”

Imbombo 18:25

Akamanyisiwa akiza nkani nizya Zila iya Mwene, po nu lweke ulukulu nkani akalumbilila nukumanyisya ubwanaloli nizya Yesu. Loli pope bulo akamanya bulo ulozyo ulwa Yohani lwene.

Imbombo 19:23

Pakabalilo kalakala mukaba ivyongo ivikulu nkani mu Efeso pachifukwa icha Zila iya Mwene.

Imbombo 19:9

Loli bamo bakaba na moyo amakafu, sona batakasubila nukuyisamula Izila iya Mwene pamaso pa chilundilo chosi. U Pabuli akabaleka nukubasenda abamanyili nukubuka nabo, po isiku ni siku pa 11 koloko pandabindabi mupaka pa folo koloko pachamabwila bakanenezannyanga munyumba iyakumanyililamo iya Tilana.

Imbombo 24:14

Loli ichintu chene chicho nkwitika chakuti nkumwiputa u Chala uwa banyenya bitu pakukonka Izila, yiyo bakunena ukuti yabumyasi. Nkusubila muvyosi vivyo visimbiwe mu Ndaghilo izya Mozesi, sona na mu mabuku agha balaghuzi.

Imbombo 24:22

Po u Felikisi, yuyo akazimanya akiza nkani izya Zila iya Mwene, akayimika inongwa nukuti, “Bo u Lisiyasi, usongo uwa basilikali afika, nkwiza pakudumula inongwa yako.”

Imbombo 26:10

Zyo zizyo nkabomba na mu Yelusalemu. Nkapokela ubulaghili ubwa baputi abasongo nukubighalila abantu abazelu aba Chala mujele, sona bo bakughoghiwa, nane bulo nkitikizyanga.

Imbombo 26:12

“Yikaba fundo yiniyi yiyo nkabukila mu Damasika nu bulaghili, sona ni ndaghilo izya baputi abasongo.

Imbombo 6:9

Loli abantu bamo bakamususya babo bakaba abamunyumba iyakwiputilamo iya bantu ababuke (ngati mumo bakitiziwanga) naba Yuda aba mu Kileni, sona naba mu Alekizandiliya. Abene poka naba Yuda aba muvigaba ivya Kilikiya nu Asiya bakanda pakudalinkana nu Sitefani.

Imbombo 7:19

Akabenda pasi abanyenya bitu nukubayivya pakubafyenga ukuti babaleke ababonda babo kuzi kutwaya twabo, ukuti tufwile kulakula.

Imbombo 9:14

Polelo iza muno mu Damasika nu bulaghili ubwa baputi abasongo ukuti abapinye bosi babo bakukwiputa awe.”

Imbombo 9:21

Bosi babo bakamwivwa bakaswigha nukulalusya ukuti, “Nkimba ate weyuyo akaghoghagha abantu mu Yelusalemu, babo bakamwiputagha umuntu yuyo tukatinji Yesu? Nkimba atiziye kuno imbombo yilayila iyakubapinya abantu nukubabika munyobe izya baputi abasongo?”

2 Aba Kolinti 11:32

Bo indi mu Damasika, umwimilili uwa chigaba chila, yuyo akaba pasi pabulaghili ubwa Mwene u Aleta akabika abalindilili pamilyango iya kaya akakulu nkani ukuti bandeme.

Aba Galatiya 1:17

Intakabukako nako ku Yelusalemu ku bantu babo bakaba batumiwa, bo ane inchili pakuba mutumiwa. Loli umwakusita ukuzyela nkabuka ku Alebiya, sona pisinda pache nkanyokela ku Damasika.