Imbombo 8:9 - IBAYIBOLO 2024

⁹ Loli mukaya mulamula mukikalagha umuntu yumo yuyo akaba we Simoni, yuyo kale akabaswighisya nkani abantu aba mu Samaliya na mayele ghache. Umwene akituvyanga ngati we muntu yumo umukulu nkani.

Ulufingo Ulupya

⁹ Loli mukaya mulamula mukikalagha umuntu yumo yuyo akaba we Simoni, yuyo kale akabaswighizya nkani abantu aba mu Samaliya na mayele ghache. Umwene akituvyanga ngati we muntu yumo umukulu nkani.

Imbombo 8:9 Iomraidhean Croise

Ukufuma 7:11

Bunubo u Falabo akabitizya abantu bache abamahala na bamayele, umwakuti bope bakabomba bulabula.

Ukufuma 7:22

Loli abamayele aba mu Ijiputi bakabomba bunubu pakubombezya amayele ghabo. Pope bulo umoyo uwa Falabo ghukaba mukafu nkani, ukuyana namumo u Mwene akanenela, umwakuti atakamuteghelezya u Mozesi nu Aloni.

Ukufuma 9:11

Abamayele bala bakapotwa pakwimilila pamaso pa Mozesi pachifukwa ichakuti bope bakaba na mapumba ngati ba Ijiputi abanji bosi.

Aba Levi 20:6

“ ‘Nanti umuntu akubuzikizya abantu babo bakunenezannya ni mizimu iya bantu abafwe, ane nkwiza pakumusulannya umuntu yula, nukumwepusyapo pakasi pabantu bache.

Yohani 7:18

Umuntu yuyo akunena nu bulaghili ubwache nu bwache, akwilondela mwene ubuchindamu bwache. Loli umuntu yuyo akumulondela ubuchindamu yuyo akantuma, wanaloli, po ubuzimbuli butalimo mumwache.

Imbombo 13:6

Bakenda mupaka pa kasungo aka Pafosi, kuko bakakomana nu wamayele yumo yuyo akaba we Bala Yesu, umu Yuda yuyo akatinji ne mulaghuzi.

Imbombo 13:8

Loli uwamayele yuyo akaba we Elimasi (linili likaba itabwa lyache ilya mu Chigiliki) akabasusya pachifukwa ichakuti akanyila ukuti umulaghili uwa chisu yula angasubila mwa Mwene.

Imbombo 5:36

Mukukumbuka ukuti kale u Teyuda akaboneka, akalondagha ukuti abanje muntu mumanyikwe, umwakuti abantu papipi 400 bakamukonka. Loli akaghoghiwa, sona abakonki bache bosi bakanyampana, po akabukatila kache kakamalila palapala.

Imbombo 8:11

Bakamuteghelezya pachifukwa ichakuti, ukwa kabalilo akatali nkani akabaswighisya abantu na mayele ghache.

2 Aba Tesalonika 2:4

Akwiza pakususya nukwikwezya mwene pamwanya pa bachala bosi sona na pamwanya pa vintu vyosi vivyo abantu bakuvyiputa. Akwiza pakwinjila nukwikala mu Nyumba iya Chala nukwiyitizya mwene ukuti we Chala.

2 Timoti 3:2

Abantu bakwiza pakuba bakwiyighana bene, na baghana ndalama, na bakwitutumula, na bamituvyo, na bantuko, na basita kwivwila abapapi babo, na basita kupalizya, sona na basita ukumwiputa u Chala.

2 Timoti 3:5

napapo bakuboneka ngati po bakumwiputa u Chala, loli bakughakana amaka ghache. Ubaleghuke abantu banaba.

2 Pitala 2:18

Abene bakunena amazyu aghamituvyo, na ghabupunganu, sona ni vinyonywa vyabo ivibibi ivya mubili bakubategha abantu babo bapona bulo pakasi pabantu aba nkalo imbibi.

Ubuvumbuli 22:15

Loli kuzi ukwa kaya akakulu nkani kuli imbwa na bamayele na bamalaya na baghoghi na bakwiputa ivifwani sona na babo babughanite ubumyasi.