Imbombo 8:1 - IBAYIBOLO 2024

¹ Po u Sabuli akaba palapala pakusimikizya nizya kughoghiwa ukwa Sitefani. Isiku lilalila ichipanga mu Yelusalemu chikanda pakuvwimiwa nkani. Abitiki bosi ukwefyako abatumiwa, bakanyampana muvigaba vyosi ivya Yudeya nu Samaliya.

Ulufingo Ulupya

¹ Po u Sabuli akaba palapala pakusimikizya nizya kughoghiwa kwa Sitefani. Isiku lilalila ichipanga mu Yelusalemu chikanda pakuvwimiwa nkani. Abitiki bosi ukwefyako abatumiwa, bakanyampana muvigaba vyosi ivya Yudeya nu Samaliya.

Imbombo 8:1 Iomraidhean Croise

Nehemiya 6:3

Po nkatuma intumi pakubabuzya ukuti, “Ane indi pakubomba imbombo inkulu nkani sona ntangabukako. Ane intangalekelezya imbombo ukuti nize pakukomana namwe?”

Daniyeli 6:10

Bo u Daniyeli azyaghannya ukuti ululaghilo lula lwabikiwa, akabwela nukwinjila muchipinda chache icha pamwanya, chicho amabwindo ghache ghakighuliwa umwakwenannya nakaya akakulu nkani aka Yelusalemu. Akafughamagha katatu pisiku pakwiputa, nukumupalizya u Chala ukuyana namumo akabombelagha pakwanda.

Daniyeli 6:23

U mwene yula akahoboka nkani umwakuti akalamula ukuti bamwefyemo u Daniyeli muchiliba icha nkalamu chila. Bo bamwefyamo u Daniyeli muchiliba mula, atakabapo ni chilonda nachimochimo, pachifukwa ichakuti akamusubila u Chala wache.

Matayi 22:6

abanji bakabalema abambombo bala, bakabakoma nukubaghogha.

Matayi 23:34

Po nkubabuzya ukuti nkwiza pakutuma abalaghuzi na bantu abamahala na bamanyisi. Bamo mukwiza pakubaghogha. Bamo ukubakomela pachipinjika nukubasyempa abamwabo munyumba izyakwiputilamo nukubachimbizyamo mukaya ukubuka mukaya akanji.

Matayi 5:13

“Amwe mwe mbeya pakasi pabantu aba muchisu ichapasi. Loli nanti imbeya yasupa, nkimba mungayipela bulibuli pakuba sona mbeya? Yite sona ni mbombo napo panandi, loli yikusumbiwa kuzi, po abantu bakuyikanyannya.

Yohani 15:20

Kumbuka zizyo nkababuzya ukuti, ‘Uwambombo ate wapamwanya ukumuchila u mwene wache, awe.’ Nanti abantu bakanvwima ane, bakwiza pakubavwima namwe bulo. Nanti bakivwila ubumanyisi bwane, bakwiza pakwivwila nu bumanyisi bwinyu bulo.

Yohani 16:2

Bakwiza pakubepusya munyumba izyakwiputilamo, sona akabalilo kakwiza kako umuntu wesi yuyo akubaghogha akwiza pakwinong'ona ukuti pakubomba bunubu, akumubombela u Chala.

Imbombo 1:8

Loli bo u Muzimu Umuzelu iza papinyu, mukwiza pakupokela amaka, po mukwiza pakuba mwe bakaboni bane mu Yelusalemu, na mu Yudeya mosi, sona na mu Samaliya, mupaka na kumpaka iya chisu ichapasi.”

Imbombo 13:1

Muchipanga icha mukaya aka Antiyokiya mukaba abalaghuzi bamo na bamanyisi: U Balanabasi, u Simiyoni (yuyo akwitiziwanga ukuti mufitu), u Lusiyasi (uwamu Kileni), u Manayeni (yuyo akakulilagha poka nu Helodi umulaghili uwa chisu) nu Sabuli.

Imbombo 13:36

Pakuti bo u Devedi abomba vivyo u Chala akabatika pakabalilo kache, akafwa nukusyiliwa poka na banyenya bache, po umuvimba wache ghukabolela mwipumpa.

Imbombo 2:47

pakumupalizya u Chala, sona abantu bosi bakahoboka nabo. Isiku ni siku u Mwene akonjelezyanga ku kabukatila kabo abantu babo bakapokiwanga.

Imbombo 22:20

Sona bo ukaboni wako u Sitefani akughoghiwa, ane nkaba palapala ukusimikila pakughoghiwa kwache, sona nene nkaba musungi uwa nkazo izya babo bakamughogha.’

Imbombo 26:10

Zyo zizyo nkabomba na mu Yelusalemu. Nkapokela ubulaghili ubwa baputi abasongo nukubighalila abantu abazelu aba Chala mujele, sona bo bakughoghiwa, nane bulo nkitikizyanga.

Imbombo 5:18

Bakabalema abatumiwa nukubighalila mujele.

Imbombo 5:20

“Bukagha mu Nyumba iya Chala nukubabuzya abantu zyosi nizya bumi ubupya ubu.”

Imbombo 5:33

Bo abalongi bivwa zinizi, bakakalala nkani mupaka nukulonda ukuti abatumiwa bala baghoghiwe.

Imbombo 5:40

Bakabitizya abatumiwa bala ukuti binjile sona mulamula, bakabasyempa nukubachinyintizya ukuti batakanenele sona mwitabwa ilya Yesu, po bakabasatula.

Imbombo 7:38

Weyuyo akabungana poka naba Izilayeli munkolongo. Akaba mulamula na banyenya bitu poka nu wantumi uwakumwanya, yuyo akamubuzya pighamba ilya Sinayi nukutupokelela amazyu agha bumi agha Chala.

Imbombo 7:54

Bo abalongi bakuteghelezya kwa Sitefani, bakakalala nukumumemenela amino.

Imbombo 7:58

bakamuwesela kuzi ukwa kaya kala nukumusumba na mabwe. Abakaboni bakasungisya amenda ghabo ku mulumendo yuyo bakatinji Sabuli.

Imbombo 8:14

Bo abatumiwa mukaya akakulu nkani aka Yelusalemu bivwa ukuti abantu aba mu Samaliya bakapokela amazyu agha Chala, bakabatumila u Pitala nu Yohani.

Imbombo 8:2

Abantu bamo aba Chala bakamusyila u Sitefani, nukumulila nkani ni chitima.

Imbombo 8:4

Abitiki babo bakanyampana posi na posi, bakalumbililagha Amazyu Amiza kosi kuko bakabukagha.

Imbombo 8:5

U Filipu akabuka mukaya akakulu nkani aka mu Samaliya nukulumbilila pakasi pabantu nizya Kilisitu, Umupoki umusaliwa nu Chala yula.

Imbombo 9:31

Po ichipanga icha mu Yudeya, mu Galileya, na mu Samaliya chikaba na kabalilo akamutende nukwendelela pakumwiputa u Mwene. U Muzimu Umuzelu akachikazya nukuchavwa pakukula, po chikaba ichakumunyila u Mwene.

Aba Loma 1:32

Abantu banaba bazimenye indaghilo izya Chala zizyo zikunena ukuti abantu babo bakubomba bunubu bafwanje. Loli bakwendelela pakubomba bunubu, mupaka nukwivwana na bantu babo bakuvibomba.

Aba Filipi 1:12

Mwee bakamu bane, nkulonda mumanye ukuti zizyo zikangwila zikavwa nkani pakufumusya Amazyu Amiza.

Aba Hebeli 11:27

Lukaba lwitiko lulo lukamupela u Mozesi ukwepamo mu Ijiputi ukusita ukunyila ubukali ubwa Mwene, pakuti akajimba nkani ngati muntu yuyo akamwennyanga u Chala umusita ukuboneka na maso.