Imbombo 6:7 - IBAYIBOLO 2024

⁷ Po amazyu agha Chala ghakafumuziwanga. Po akabukatila aka bamanyili mu Yelusalemu kakonjelelaghakonjelelagha, umwakuti na baputi abinji bakitika ulwitiko lwabo.

Ulufingo Ulupya

⁷ Po amazyu agha Chala ghakafumuziwanga. Po akabukatila aka bamanyili mu Yelusalemu kakonjelelagha-konjelelagha, umwakuti na baputi abinji bakitika ulwitiko lwabo.

Imbombo 6:7 Iomraidhean Croise

2 Imbili 29:34

Loli abaputi bakaba banandi, umwakuti bakapotwa pakukasa amakwela agha ivyakwiyipa ivyakocha vyosi vila. Po abakamu babo aba Levi bakabavwa mupaka imbombo yosi yikamala, sona mupaka abaputi abanji bosi bakipaghula, pakuti aba Levi bakazikonkagha nkani inyiho izya kwipaghula ukuchila abaputi.

2 Imbili 30:24

U mwene u Hezekiya uwamu Yuda akabapa abantu bala inkambaku 1,000 ni ng'ozi 7,000 sona ni mbuzi sona amakambala ghakabika inkambaku 1,000 ni ng'ozi 10,000 sona ni mbuzi. Pakabalilo kala abaputi abinji nkani bakipaghula bene.

Masalimo 132:16

Abaputi bache akwiza pakubavwika inkazo izya bupoki, po abantu bache abazelu, bakolomokaye nu lusekelo.

Masalimo 132:9

Abaputi bako bavwalaye ubugholosu, sona abantu bako abazelu bimbaye nu lusekelo.

Matayi 19:30

Loli abinji abakwanda bakwiza pakuba babumalilo, sona abinji aba bumalilo bakwiza pakuba bakwanda.”

Luka 2:34

U Simiyoni akabasaya nukunena kwa nyina, u Maliya ukuti, “Umwana uyu asaliwe nu Chala ukuti abanje chakubawisya, sona ni chakupoka abantu abinji aba Izilayeli. Akwiza pakuba chimanyilo ichakufuma kwa Chala, chicho abantu abinji bakwiza pakususannya nacho,

Yohani 12:42

Napapo abalaghili abinji aba Chiyuda bakamusubila u Yesu, loli batakitika pabuzelu pachifukwa ichakuti bakanyilagha aba Falisayi ukuti bangabepuzya munyumba iyakwiputilamo.

Imbombo 12:24

Loli amazyu agha Chala ghakendelela pakufumusiwa.

Imbombo 13:8

Loli uwamayele yuyo akaba we Elimasi (linili likaba itabwa lyache ilya mu Chigiliki) akabasusya pachifukwa ichakuti akanyila ukuti umulaghili uwa chisu yula angasubila mwa Mwene.

Imbombo 14:22

Bakabakazya abamanyili bala, sona bakababuzya ukuti bendelele pakuba nu lwitiko mwa Kilisitu. Bakamanyisya bakati, “Tubaghiye twende muntamyo inyinji ukuti twinjile mu Bumwene ubwa Chala.”

Imbombo 19:20

Pakubomba bunubu amazyu agha Mwene ghakendelela pakufumusiwa na maka.

Imbombo 2:47

pakumupalizya u Chala, sona abantu bosi bakahoboka nabo. Isiku ni siku u Mwene akonjelezyanga ku kabukatila kabo abantu babo bakapokiwanga.

Imbombo 21:20

Bo bivwa zinizi, bakamupala u Chala. Po bakanena kwa Pabuli bakati, “Mukamu Pabuli, ukwennya amasabuzani na masabuzani agha ba Yuda, babo baba bitiki, sona namumo biyipiye pakukonka Indaghilo izya Mozesi.

Imbombo 6:1

Pisinda pazinizi, bo akabukatila aka bamanyili kakonjelelakonjela, pakaba ivyongo pakasi paba Yuda babo bakanenagha Ichigiliki naba Yuda abene chisu. Aba Yuda babo bakanenagha Ichigiliki bakilumbusyanga ukuti abafwilwe babo batakabinong'onela pavintu vivyo vikagabiwanga isiku ni siku.

Aba Loma 1:5

Ukwendela mwa Kilisitu, u Chala akatupa ulusako ulwakuti tubanje batumiwa, umwakuti tubalongozye abantu aba inko zyosi pakumusubila nukumwivwila, ukuti bunubu itabwa lyache lichindikiwanje.

Aba Loma 16:26

Loli, ilelo vyavumbuliwa pabuzelu ukwendela mu masimbo agha balaghuzi; sona ukwendela mu malamulo agha Chala uwa bwila na bwila vyavumbuliwa ku bantu abaluko losi, umwakuti basubile nukwivwila.

Aba Galatiya 1:23

Bakivwanga bulo vivyo vikaneniwanga ukuti, “Umuntu yuyo pakwanda akatuvwimagha, ilelo akulumbilila nizya lwitiko, lulo akayezyapo pakulunangannya.”

Aba Galatiya 6:10

Polelo bo tuli nu lusako, zagha tubabombelaye ivintu ivyiza abantu bosi, nkaninkani abantu babo bali mukabukatila aka bitiki.

Aba Kolosi 1:6

Amazyu Amiza ghakwendelela pakwela ivikomwa nukusata muchisu chosi ichapasi ukuyana namumo zikabela mumwinyu, ukwandila pisiku lilyo mukaghivwa, sona nukwivwisya nizya chisa icha Chala.

2 Aba Tesalonika 1:8

Akwiza pakubafunda abantu babo bakumukana u Chala, sona na babo batakwivwila Amazyu Amiza aghakunena nizya Mwene witu u Yesu.

2 Timoti 2:9

Ichi cho chifukwa nkuyimba, sona impinyiwe ni mpingu ngati ne munanga Ndaghilo. Loli amazyu agha Chala ghatapinyiwe ni mpingu, awe.

Aba Hebeli 11:8

Lukaba lwitiko lulo lukamupela u Abulahamu ukwivwila, bo u Chala akumwitizya ukuti asamile kuchisu ichinji chicho akamulayizya pakuba mpyana yache, napapo u Abulahamu atakamanya kuko akabukagha.

Aba Hebeli 5:9

Bo aba wakufikapo, akaba mbwibwi iya bupoki ubwa bwila na bwila ubwa bantu bosi babo bakumwivwila.

Yuda 1:20

Loli bamanyani bane abaghaniwa, endelela pakuzengana mwebenebene palwalo ulwa lwitiko lwinyu ulupaghuliwa. Mwiputaye ukwendela mumaka agha Muzimu Umuzelu.

Yuda 1:3

Mwee bamanyani bane abaghaniwa, nkalondagha nkani pakubasimbila nizya bupoki bubo twebosi tuli nabo. Loli ilelo nadumula ukuti imbasimbile koka bulo pakubalaba ukuti mulwe nkani ubwite pakulwimila ulwitiko lulo u Chala abapiye abantu bache.