Imbombo 6:1 - IBAYIBOLO 2024

¹ Pisinda pazinizi, bo akabukatila aka bamanyili kakonjelelakonjela, pakaba ivyongo pakasi paba Yuda babo bakanenagha Ichigiliki naba Yuda abene chisu. Aba Yuda babo bakanenagha Ichigiliki bakilumbusyanga ukuti abafwilwe babo batakabinong'onela pavintu vivyo vikagabiwanga isiku ni siku.

Ulufingo Ulupya

¹ Pisinda pazinizi, bo akabukatila aka bamanyili kakonjelela-konjela, pakaba ivyongo pakasi pa ba Yuda babo bakanenagha Ichigiliki naba Yuda abene chisu. Aba Yuda babo bakanenagha Ichigiliki bakilumbusyanga ukuti abafwilwe babo batakabinong'onela pavintu vivyo vikagabiwanga isiku ni siku.

Imbombo 6:1 Iomraidhean Croise

Yobu 29:13

Umuntu yuyo akaba papipi pakafwa akansaya, po nkabasangalusya abafwilwe ni nyimbo izya lusekelo.

Yobu 31:16

Nanti nkabima abapina vivyo bakavilondagha pamo ukubaleka bulo abakolo abafwilwe muntamyo,

Masalimo 110:3

Abasilikali bako bakwiza pakwiyipa mubwighane bwabo, pisiku lilyo ukwiza pakulwa na balwani bako. Abalumendo bako bakwiza pakwiza kukwako mubwinji bwabo, ngati mumo inganda yikuwila pandabindabi.

Masalimo 72:16

Muchisu chosi mubanje ni vyakulya ivyinji nkani, sona na pamwanya patughamba bulo pope pabanje ivintu ivyinji nkani. Ivikomwa vyache vyelaye nkani ngati vikomwa ivya mu Lebanoni, sona abantu bache aba mukaya akakulu nkani banyamaye ngati lisote.

Yesaya 1:17

Mumanyilaye pakubomba imbombo ingolosu, mubombelaye mubwanaloli, sona mubakazyanje abantu babo bakuyivyiwa. Mubasungililaye abana abalanda sona mubimilaye abakolo abafwilwe pa nongwa zyabo.”

Yesaya 27:6

Mumasiku ghagho ghakwiza abaluko ulwa Yakobo bakwiza pakwisimika, u Izilayeli akwiza pakuba ni samba sona akwiza pakubazya, sona akwiza pakwizuzya ichisu chosi ichapasi ni vikomwa.

Yelemiya 30:19

Abantu babo bakwikala mulamula bakwiza pakwimba inyimbo izyakupalizikizya, bakwiza pakukolomoka nulusekelo. Nkwiza pakubabalizya, sona batakwiza pakuba banandi awe. Nkwiza pakubachindika sona abantu batakwiza pakubasamula.

Ezekiyeli 22:7

Pakasi papako abantu babasamula abapapi babo nukubayivya abayeni na balanda sona na bafwilwe.

Malaki 3:5

U Mwene Uwamaka Ghosi akuti, “Nkwiza pakupalamila kukwinyu umwakuti imbalongaye. Ntakwiza pakuzyelazyela pakuba ne kaboni kubamayele na bamalaya na babo bakulapa ichilapo icha bumyasi na babo bakubazimbula abambombo amalipilo ghabo, na babo bakubayivya abakolo abafwilwe na bana abalanda pamo batakubabombela ubwanaloli abayeni, pakuti abantu banaba batakunchindika.

Matayi 23:13

“Chighune nkani kukwinyu, amwe mwe bamanyisi aba Ndaghilo naba Falisayi! Mwe bazimbuli mwee! Mukwighalila umulyango uwa Bumwene ubwa Kumwanya pamaso pabantu, po amwe mwebene mutakwinjilamo, pamo ukwitikizya babo bakuyezya ukwinjilamo.

Imbombo 11:20

Loli abitiki abanji, babo bakafuma ku Sayipulasi na ku Kileni, bakabuka ku Antiyokiya nukunena na bantu babo bate ba Yuda pakulumbilila kukwabo Amazyu Amiza agha Mwene u Yesu.

Imbombo 11:26

Bo amwagha akabuka nawe ku Antiyokiya, po umwaka umupuma abantu babili bala bakakomana na bantu muchipanga nukumanyisya ichilundilo ichikulu icha bantu. Mukaba mo mu Antiyokiya mumo abitiki bakanda pakwitiziwa ukuti bo bakilisitu.

Imbombo 11:29

Abamanyili bakivwana ukuti umuntu wesi abatumile abitiki abamwabo ubwavwilizi bosi bubo angaba nabo, babo bakikalagha muchigaba icha Yudeya.

Imbombo 2:41

Po abantu abinji bakasubila amazyu ghache nukoziwa. Pisiku lilalila abantu abakukwana 3,000 bakonjeleziwako ku kabukatila kabo.

Imbombo 2:45

Bakaghulizyanga amaghunda ghabo na vivyo bakaba navyo nukugabana indalama ukuyana namumo umuntu wesi akasobeliwanga.

Imbombo 2:47

pakumupalizya u Chala, sona abantu bosi bakahoboka nabo. Isiku ni siku u Mwene akonjelezyanga ku kabukatila kabo abantu babo bakapokiwanga.

Imbombo 4:35

Po indalama zila bakagabila abatumiwa ukuyana namumo umuntu akasobeliwanga.

Imbombo 4:4

Loli abinji babo bakivwa amazyu bakasubila. Sona ubwinji ubwa bitiki bukonjelela pakufika pa 5,000.

Imbombo 5:14

Loli abantu abinji bakonjelelaghakonjelelagha ku kabukatila kabo—ichilundilo icha banavuli na bakolo babo bakasubilagha mwa Mwene.

Imbombo 5:28

“Tukabachinyintizya nkani ukuti mutakamanyisyanje mwitabwa ilya muntu uyu. Loli ennya zizyo mwabomba! Ubumanyisi bwinyu bwasata mu Yelusalemu mosi, po sona mukulonda ukuti ibanda ilya muntu uyu libanje papitu!”

Imbombo 6:2

Po abatumiwa 12 bakitizya akabukatila kosi aka bamanyili nukubabuzya ukuti, “Chite chiza ukuti tuleke pakulumbilila amazyu agha Chala, umwakuti twenelezyanje ukugabiwa ukwa vyakulya.

Imbombo 6:7

Po amazyu agha Chala ghakafumuziwanga. Po akabukatila aka bamanyili mu Yelusalemu kakonjelelaghakonjelelagha, umwakuti na baputi abinji bakitika ulwitiko lwabo.

Imbombo 9:29

Wepe akanenagha nukudalinkana naba Yuda babo bakanenagha Ichigiliki, loli bakayezya pakumughogha.

Imbombo 9:39

Po u Pitala akanyamuka nukubuka nabo. Bo afika, bakabuka nawe muchipinda chilachila mumo abafwilwe bosi bakamubunganila, ukulila nukumulanjizya inkazo na menda ghagho u Dolika akasona bo achili mumi.

Imbombo 9:41

U Pitala akamulema inyobe nukumwimika. Po akabitizya abitiki bosi, poka na bafwilwe nukubalanjizya u Tabita umumi.

Aba Loma 12:7

Nanti ichabupi chitu chakuti tubabombele abanji, tubaghiye pakubabombela. Nanti ichabupi chitu chakuti tumanyisye, tubaghiye pakumanyisya.

1 Aba Kolinti 10:10

Tutakilumbusyanje ukuyana namumo abantu bamo bakabombelagha, po bakaghoghiwa nu wantumi yuyo akughogha abantu.

2 Aba Kolinti 11:22

Nkimba abene Bahebeli? Po nane ne mu Hebeli. Nkimba abene ba Izilayeli? Po nane ne mu Izilayeli. Nkimba abene baluko ulwa Abulahamu? Po nane ne waluko ulwa Abulahamu.

Ukukumbusya Amalamulo 26:12

Umwaka ghosi uwabutatu, mubapanje aba Levi, na bayeni, na balanda, na bakolo abafwilwe ichagaba choka pavigaba vyosi 10 ivya nyinulo yinyu, umwakuti bangalya nukwikuta mutwaya twinyu.

Aba Filipi 3:5

Pakuti nkasilimuliwa pisiku ilya eyiti. Ane ne mu Izilayeli mukapapiliwe, uwaluko ulwa Benjamini, sona umu Hebeli umwenecho. Pakunena nizya ndaghilo izya Chiyuda, ane nkaba ne wa kabukatila aka ba Falisayi.

1 Timoti 5:3

Ubachindikaye nukubavwa abakolo abafwilwe babo bate na bakamu bamo babo bangamusunga.

1 Timoti 5:9

Utakonjelezyepo nayumo umukolo umufwilwe pakabukatila aka bakolo abafwilwe, pene papo nanti achilite amaka 60. Abanje mukolo uwakuti akasendwa nu mwanavuli weka,

Aba Hebeli 13:1

Endelela pakughanana pakuti mwe bakamu.

Yakobo 1:27

Ichiputo ichanaloli, chicho chite ni chilema pamaso pa Chala u Tata cho ichi: Ukubasungilila abana abalanda na bakolo abafwilwe muntamyo zyabo, sona nukwisungilila wemwene ukuti utakinyazyanje ni vintu ivya muchisu ichapasi.

Yakobo 4:5

Mutakinong'onaye ukuti butalimo ubwanaloli mu Masimbo ghagho ghakuti, “U Muzimu Umuzelu yuyo u Chala akabika mumwitu akutunyonywa aswe nu buzuba.”

Yakobo 5:9

Mwee bakamu bane, mutakalumbuzannyanje mwebenebene, umwakuti u Chala atakabalonge. Umulongi imiliye pamulyango.