Imbombo 5:9 - IBAYIBOLO 2024

⁹ Po u Pitala akamubuzya akati, “Nkimba choni chicho awe nu mulume wako mukivwana pakumuyela u Muzimu uwa Mwene? Abanavuli babo bakamusyila umulume wako losi ulu bali pamulyango, sona bakwiza pakukunyamula nawe!”

Ulufingo Ulupya

⁹ Po u Pitala akamubuzya akati, “Nkimba choni chicho awe nu mulume wako mukivwana pakumuyela u Muzimu uwa Mwene? Abanavuli babo bakamusyila umulume wako losi ulu bali pamulyango, sona bakwiza pakukunyamula nawe!”

Imbombo 5:9 Iomraidhean Croise

Ubwandilo 20:13

Bo u Chala anyefya munyumba iya tata wane nukunyembezya muchisu ichiyeni, nkamubuzya umuchi wane ukuti, ‘Umu momumo ningamanyila ukuti unganite, nanti wamubuzya umuntu wesi kosi kuko tukubuka ukuti ane ne muyemba wako.’ ”

2 Abamwene 6:32

Pakabalilo kalakala u Elisha akaba munyumba yache poka na basongosongo bamo babo kakiza pakwangala nawe. Po u mwene akatuma intumi yoka, loli bo intumi yila yitafikite, u Elisha akababuzya abasongo bala akati, “Umughoghi yula amutuma umuntu pakundumula umutu. Nanti intumi yila yafika, mwighalileko kumulyango, sona mutakamuleke ukuti afume. Nkimba mutakwivwa umulinto uwa mwene wache yuyo akwiza pisinda papache?”

Masalimo 50:18

Nanti wamwennya umwiba nawe ukumanyana nawe, sona ukwenda mukabukatila aka balowe.

Masalimo 78:56

Loli abantu bala bakamuyela u Chala Uwakumwanya Nkani bakamusambukila. Po batakaghakonka amalamulo ghache.

Ukufuma 17:2

Po abantu bala bakadalinkana nu Mozesi ukuti, “Tupe amizi aghakung'wela.” U Mozesi akabamula akati, “Nkimba choni chicho mukwilumbusya kukwane? Nkimba choni chicho mukumuyela u Mwene?”

Ukufuma 17:7

Ubuzilo bula akabwita ukuti Masa nu Meliba, pachifukwa ichakuti aba Izilayeli bakilumbusya kwa Mozesi nukumuyela u Mwene, bo bamulalusya ukuti, “Nkimba u Mwene ali naswe pamo awe?”

Ivyili 11:21

Naloli abantu ababibi batakupona ulufundo, loli abagholosu bakwiza pakupona.

Ivyili 16:5

U Mwene ababengite abantu abamituvyo, po naloli bakwiza pakufundiwa.

Mika 7:3

Inyobe zyabo zyosi zimenye nkani pakubomba ububibi, abalaghili bakulaba ivyabupi, abalongi bakwitika amabeko, abantu abamaka nkani bakunena ivintu ivibibi vivyo vyizuye mumoyo ghabo. Po bosi bakubatikila poka.

Ukubelengiwa 14:22

po nkulapa ukuti atalipo nayumo umuntu uwa bantu banaba akwiza pakwinjilamo muchisu chila. Abantu banaba bakabwennya ubuchindamu bwane ni viswigho vyane, vivyo nkabomba mu Ijiputi, sona na munkolongo, loli pope bulo bakanjela akabalilo akinji bulo, nukukana pakughivwila amazyu ghane.

Matayi 4:7

Loli u Yesu akati, “Amasimbo ghakuti, ‘Utakamuyelaye u Mwene u Chala wako.’ ”

Luka 16:2

Po akamwitizya nukumulalusya ukuti, ‘Nkimba choni chicho nkwivwa nizya awe? Zagha nu kalata uwakulingannya namumo wabombela, pachifukwa ichakuti utangaba we kapitawa sona.’

Imbombo 15:10

Po choni chicho mukulonda pakumuyela u Chala pakubapinyilila ikoli musingo abamanyili, lilyo abanyenya bitu pamo aswe twebene tukapotwa pakulinyamula?

Imbombo 5:6

Abalumendo bakiza nukughunnyembetelela umuvimba wache na menda, bakaghunyamula nukubuka nagho pakughusyila.

Aba Loma 10:15

Po amazyu ghangalumbililiwa bulibuli nanti abalumbilili batakutumiwa? Pakuti Amasimbo ghakuti, “Bo bwiza boni ubwa muntu yuyo akwiza na mazyu amiza.”

Aba Loma 3:19

Ilelo tuzimenye ukuti vyosi vivyo Indaghilo zikunena, zikunena nizya bantu babo bali pasi pa Ndaghilo, umwakuti patakabepo na pabulyeghelo napamopamo, sona nukuti bosi bakwiza pakulongiwa nu Chala.

1 Aba Kolinti 10:9

Tutakamuyelaye u Mwene ukuyana namumo abantu bamo bakabombelagha, po bakaghoghiwa ni njoka.