Imbombo 5:4 - IBAYIBOLO 2024

⁴ Bo utaghughulizizye, umughunda ghulaghula, nkimba ghutakaba wako? Sona bo waghulizya, nkimba indalama zitakaba zyako? Po choni chicho ukinong'ona pakubomba zinizi? Utakabazimbula abantu, loli wamuzimbula u Chala!”

Ulufingo Ulupya

⁴ Bo utaghughulizizye, umughunda ghulaghula, nkimba ghutakaba wako? Sona bo waghulizya, nkimba indalama zitakaba zyako? Po choni chicho ukinong'ona pakubomba zinizi? Utakabazimbula abantu, loli wamuzimbula u Chala!”

Imbombo 5:4 Iomraidhean Croise

1 Imbili 29:17

Wee Chala wane, inzimenye ukuti ukwennya mumoyo uwa muntu sona ukuhoboka na bantu aba bwanaloli. Niyipa nukubika nu moyo ghosi sona na mubwanaloli, sona nabennya abantu namumo biyipila na moyo ghabo ghosi sona nu mwakuhoboka nkani.

1 Imbili 29:3

Ukonjelezyapo pavintu vivyo nkavibika pa nyumba impaghuliwa iyi, indi nu golide nu siliva. Pachifukwa icha lweke lwane pa Nyumba iya Mwene wane, nkumupa u Chala ubukabi bwane.

1 Imbili 29:5

Imbombo yosi yiniyi yibombiwanje, ugolide abanje wakupangila ivya golide sona usiliva abanje wakupangila ivya siliva. Nkimba alipo ufundi yumo yuyo akulonda pakwiyipa kwa Mwene?”

1 Imbili 29:9

Po abantu bosi bakahoboka nkani pachifukwa ichakuti abalongozi babo bakabika kwa Mwene umwakwiyipa na moyo ghosi. Wepe u mwene u Devedi akahoboka nkani.

Yobu 15:35

Bakupesa intamyo nukwinula imbibi; amoyo ghabo ghakwinong'ona nizya bumyasi.”

Masalimo 139:4

Wee Mwene, bo inchili na pakufumya izyu, awe ulimenye kale.

Masalimo 7:14

Naloli umubibi akwinong'onagha bobibi, sona imbombo yache ko kupela intamyo nukubazimbula bulo abantu.

Ukufuma 16:8

U Mozesi akati, “We Mwene yuyo akwiza pakubapa inyama iyakuti mulye pachamabwila, sona nukubapa ivibama pandabindabi ichakuti mulye nukwikuta, pachifukwa ichakuti ivwa amilumbusyo ghinyu ghosi. Nkimba aswe twe bawenu? Mutakwilumbusya kukwitu, awe, loli kwa Mwene.”

Ukufuma 35:29

Aba Izilayeli bosi, abanavuli na bakolo, bakizagha nivyakwiyipa mubwighane bwabo ukuti vibombaye imbombo yiyo u Mwene akabalamula ukwendela mwa Mozesi.

Umulumbilili 5:5

Chizapo ukuti utakalapaye ukuchila ukuti ulape loli upotwe pakukwanilisya ichilapo chako.

Yesaya 59:4

Mukubuka pabuzilo ubwakulongelapo inongwa, loli mutakubwaghapo ubwanaloli. Musubiye ubumyasi, bakumela intamyo nukupapa ububibi.

Ezekiyeli 38:10

“ ‘U Mwene Uwamaka Ghosi akuti: Pisiku lila inyinong'ono zikwiza pakwiza mumoyo wako nukwanda pakuyannya pakubatika ububibi

Ukubelengiwa 16:11

Naloli pakubomba bunubu kokuti awe poka na bakonki bako mukumusambukila u Mwene. Nkimba u Aloni wewenu ukuti mwilumbuzye nawe?”

Luka 10:16

U Yesu akababuzya abamanyili bache akati, “Umuntu wesi yuyo akubateghelezya, akunteghelezya nane bulo. Umuntu wesi yuyo akubakana, akunkana nane bulo. Umuntu wesi yuyo akunkana, akumukana wepe yuyo akantuma.”

Imbombo 5:3

U Pitala akamubuzya akati, “Nkimba Ananiya choni chicho ukamwitikizya u Satana ukuti injile mumoyo wako nukumuzimbula u Muzimu Umuzelu pakusabulapo indalama zimo zizyo ukaghulizizya umughunda wako?

Imbombo 5:9

Po u Pitala akamubuzya akati, “Nkimba choni chicho awe nu mulume wako mukivwana pakumuyela u Muzimu uwa Mwene? Abanavuli babo bakamusyila umulume wako losi ulu bali pamulyango, sona bakwiza pakukunyamula nawe!”

1 Aba Kolinti 8:8

Loli ivyakulya vitakwiza pakutupalamizya kupipi nu Chala. Tutakutaghapo nachimochimo nanti tutakuvilya, sona tutakukabapo nachimochimo nanti tukuvilya.

1 Aba Tesalonika 4:8

Po umuntu wesi yuyo akukana ichimanyisyo chinichi, atakumukana umuntu, loli akumukana u Chala, yuyo akubapa u Muzimu wache Umuzelu.

Filimoni 1:14

Loli intakalondagha pakukufyenga bulo pakubomba ichi, loli ukuti uchibombaye bulo mubwighane ubwako nu bwako.

Yakobo 1:15

Po vyope ivinyonywa nanti vyakula mumuntu yula vikupapa imbibi, sona nanti imbibi yilayila yakula yikupapa ubufwe.

1 Samuweli 8:7

U Mwene akamwamula akati, “Bomba bulo zyosi zizyo abantu banaba bakulonda. Abantu banaba batakukukana awe, loli bakunkana ane ukuti imbanje ne mwene wabo.