Imbombo 3:6 - IBAYIBOLO 2024

⁶ Loli u Pitala akamubuzya akati, “Inte ni ndalama nazimo, loli nkukupa chicho indi nacho: Mwitabwa ilya Yesu Kilisitu uwamu Nazaleti nkukulamula ukuti endagha!”

Ulufingo Ulupya

⁶ Loli u Pitala akamubuzya akati, “Inte ni ndalama nazimo, loli inkukupa chicho indi nacho: Mwitabwa ilya Yesu Kilisitu uwa mu Nazaleti nkukulamula ukuti endagha!”

Imbombo 3:6 Iomraidhean Croise

Matayi 10:9

Mutakasende indalama izya golide pamo izya siliva pamo izya mukuba munyambi zyinyu,

Matayi 7:22

Bo isiku lilyo u Chala akwiza pakubalonga abantu lyafika, abinji bakwiza pakunena ukuti, ‘Wee Mwene, Mwene tukalumbililagha amazyu agha Chala mwitabwa lyako, tukefyanga imizimu imibibi nukubomba ivyika ivyinji mwitabwa lyako.’

Maliko 14:8

Umukolo uyu abomba chicho abaghiye pakuchibomba; apungulila amafuta pamubili wane pakughuyannya zila bo akabalilo akakusyiliwa kwane katakwanite.

Maliko 16:17

Abantu babo bakunsubila bakwiza pakupeghiwa amaka aghakupelela ivyika. Bakwiza pakwefya imizimu imibibi pakubombezya itabwa lyane nukunenela muneno injeni.

Yohani 19:19

U Pilati akasimba ubusimbe nukubika pamwanya pachipinjika icha Yesu ubwakuti, “U Yesu uwamu Nazaleti, u Mwene uwa ba Yuda.”

Imbombo 10:38

Muzimenye izya Yesu uwamu Nazaleti, sona namumo u Chala akamupakazya nu Muzimu Umuzelu na maka. Akabuka kosi na kosi, akabomba inyiza nukupozya abantu bosi babo bakaba pasi pabulaghili ubwa Satana, pakuti u Chala akaba nawe.

Imbombo 16:18

Akabomba zinizi amasiku aminji, mupaka u Pabuli akakalala nkani, umwakuti akaghalabuka nukughubuzya umuzimu umubibi ghula ukuti, “Mwitabwa ilya Yesu Kilisitu nkukulamula ukuti ufumemo mumwache!” Panapo na panapo umuzimu umubibi ghula ghukepamo mumwache.

Imbombo 2:22

“Mwee ba Izilayeli, ivwa kuno! U Yesu uwamu Nazaleti akaba muntu yuyo imbombo zyache izyamaka zikalanjiziwa nukusimikiziwa nu Chala kukwinyu muvyika vyosi ni viswigho vivyo u Chala akabombelagha mumwache. Amwe mwebene muzimenye zinizi pakuti zikabombiwa pakasi papinyu.

Imbombo 2:36

“Ilelo aba Izilayeli bosi naloli bamanyaghe ukuti u Yesu uyu, yuyo mukumukomela pachipinjika, weyuyo u Chala amubika pakuba we Mwene, sona we Kilisitu!”

Imbombo 3:16

Umuntu uyu mukumwennya nukumumanya akapola pachifukwa icha lwitiko lwache mwa Yesu. Ivinama vyache vyaba na maka mwitabwa ilya Yesu ukuyana namumo mwebosi mukwenezya.

Imbombo 3:5

Po akabennya nukusubila ukuti pamo akwiza pakupokela chimo kukwabo.

Imbombo 3:7

Po akamulema ni nyobe yache indilo nukumwavwa ukuti anyamuke. Panapo na panapo inyayo nu tupulung'unyu vikaba na maka;

Imbombo 4:10

po mwebosi, sona naba Izilayeli bosi mumanyaye ukuti umuntu uyu imiliye pamaso papinyu apola ukwendela mumaka agha itabwa ilya Yesu Kilisitu uwamu Nazaleti yuyo mukamukomela pachipinjika, loli u Chala akamuzyusya kubufwe.

Imbombo 4:7

Bakabimika abatumiwa pamaso papabo nukubalalusya ukuti, “Nkimba mukabomba bulibuli chinichi? Nkimba muli na maka ghoni, pamo mukabombelagha mwitabwa ilya wenu?”

Imbombo 9:34

U Pitala akamubuzya akati, “Eneya, u Yesu Kilisitu akukupozya. Nyamuka nukutenga pachitala chako.” Panapo na panapo u Eneya akanyamuka.

1 Aba Kolinti 4:11

Ukufika nilelo tuli nizala, sona ni nyota. Aswe tuvwalite ivisepe. Abantu bakutukoma, sona tukwendakwenda bulo.

2 Aba Kolinti 6:10

Napapo bakutupela pakuba ni chitima bwila na bwila, loli tukuhoboka nkani. Napapo tuyanite bulo na bantu abapina, loli tukubapela abantu abinji pakuba bakabi. Napapo tuyanite bulo na bantu abapotwe, loli tuli navyo vyosi.

2 Aba Kolinti 8:12

Pakuti nanti umuntu akulonda pakupa chimo, u Chala akupokela ichabupi chilachila ukuyana na vivyo umuntu ali navyo, sona atakumubuzya pakupa ichintu chicho ate nacho, awe.

2 Aba Kolinti 8:9

Pakuti muchimenye ichisa icha Mwene witu u Yesu Kilisitu. Napapo akaba mukabi, loli akaba mupina pachifukwa icha mwemwe, umwakuti ukwendela mu bupina bwache, amwe mubanje bakabi.

Yakobo 2:5

Mwee bakamu bane abaghaniwa, ivwa kuno! Nkimba u Chala atakabasala abantu abapina aba muchisu ichapasi ukuti babanje bakabi mulwitiko nukupyana ubumwene, bubo akabalayizya abantu babo bamughanite?

1 Pitala 4:10

Umuntu wesi abombezye ichabupi chicho apokelite, umwakuti chibavwanje abantu abanji. Mubanje bakapitawa abiza pakabombezekezye akiza aka vyabupi ivyakulekanalekana vivyo mwapokela kwa Chala.