Imbombo 3:25 - IBAYIBOLO 2024

²⁵ Zizyo u Chala akalayizya ukwendela mu balaghuzi bache, zyinyu. Mwebenecho aba lufingo lulo u Chala akafinga na banyenya binyu ukuyana namumo akanenela kwa Abulahamu ukuti, ‘Ukwendela mu baluko lwako nkwiza pakubasaya abantu aba inko zyosi muchisu ichapasi.’

Ulufingo Ulupya

²⁵ Zizyo u Chala akalayizya ukwendela mu balaghuzi bache, zyinyu. Mwe benecho aba lufingo lulo u Chala akafinga na banyenya binyu ukuyana na mumo akanenela kwa Abulahamu ukuti, ‘Ukwendela mu baluko lwako inkwiza pakubasaya abantu aba inko zyosi muchisu ichapasi.’

Imbombo 3:25 Iomraidhean Croise

Ubwandilo 12:3

Nkwiza pakubasaya bosi babo bakukusaya. Loli bosi babo bakukughuna nane nkwiza pakubaghuna. Inko zyosi pachisu ichapasi nkwiza pakuzisaya ukwendela mumwako.”

Ubwandilo 17:19

Loli u Chala akamwamula akati, “Awe, umuchi wako u Sala weyuyo akwiza pakukupapila umwana umulumendo, po ukwiza pakumwita ukuti we Yisaki. Nkwiza pakusunga ulufingo lwane nawe, sona na baluko lwache. Ulufingo lunulu ulwa bwila na bwila.

Ubwandilo 18:18

Abaluko lwache bakwiza pakuba luko ulukulu nkani, sona ulwamaka. Inko zyosi pachisu ichapasi nkwiza pakuzisaya ukwendela mumwache.

Ubwandilo 20:7

Loli ilelo kamunyosekezye umwanavuli yula umuchi wache. Umulume wache we mulaghuzi, po akwiza pakukwiputila, umwakuti utakafwe. Loli nanti utakumunyosekezya umwanavuli yula umuchi, nkukusoka ukuti awe poka na bantu bako bosi mukwiza pakufwa.”

Ubwandilo 22:18

Inko zyosi pachisu ichapasi nkwiza pakuzisaya ukwendela mubaluko lwako, pachifukwa ichakuti awe wanyivwila.’ ”

Ubwandilo 26:4

Nkwiza pakukupa abaluko abinji nkani ngati zyo ntondwa, sona nkwiza pakubapa ichisu chosi chinichi. Abantu aba inko zyosi bakwiza pakundaba ukuti imbasaye ukuyana namumo nkabasayila abaluko lwako.

Ubwandilo 28:14

Abaluko lwako bakwiza pakuba binji nkani ngati lufumbi ulwa pachisu ichapasi. Impaka zyabo zikwiza pakufika kunkuto zyosi. Ukwendela mumwako na baluko lwako nkwiza pakubasaya abantu aba inko zyosi.

1 Imbili 16:16

Akwiza pakulukumbukagha ulufingo lulo akafingana nu Abulahamu, sona ni chilapo chicho akalapa kwa Yisaki.

1 Imbili 16:17

Akulisimikizya ilayizyo kwa Yakobo, kwa Izilayeli ulufingo lwa bwila na bwila.

Nehemiya 9:8

U Abulahamu akaba muntu umusubiliwa pamaso papako, umwakuti ukafingana nawe pakubapa abaluko lwache ichisu icha ba Kenani nicha ba Hiti nicha ba Amoli nicha ba Pelezi nicha ba Yebusi sona nicha ba Giligashi. Awe ukabomba zizyo ukabalayizya pachifukwa ichakuti we mugholosu.

Masalimo 22:27

Abantu aba inko zyosi pachisu ichapasi bakwiza pakukumbuka, sona bakwiza pakunyokela kukwache. Po abantu aba inko izinji bakwiza pakufughama pamaso papako.

Masalimo 96:7

Mwee inko izya pachisu ichapasi, mumupalaye u Mwene, mubupalaye ubuchindamu na maka ghache.

Luka 1:72

Akanena ukuti akwiza pakubapelela ichisa abanyenya bitu nukukumbuka ulufingo lwache uluzelu.

Imbombo 13:26

“Mwee bakamu bane, abaluko ulwa Abulahamu na bantu bosi babo bate ba Yuda babo bakumwiputa u Chala: Amazyu aghabupoki agha ghatumiwa kukwitu!

Imbombo 2:39

Pakuti u Chala akabalayizya ichi amwe poka na bana binyu, sona na bantu bosi babo bali kubutali—abantu bosi babo u Mwene u Chala witu akwiza pakubitizizya kukwache.”

Aba Loma 15:8

Pakuti nkubabuzya ukuti u Kilisitu akaba mubombi pakasi paba Yuda ukulanjizya ukuti u Chala musubiliwa, umwakuti asimikizye ilayizyo lyache, lilyo akabalayizya abanyenya babo,

Aba Loma 4:13

Bo u Chala akumulayizya u Abulahamu na baluko lwache ukuti ichisu ichapasi chikwiza pakuba chabo, akabomba bunubu, pate pachifukwa ichakukonka Indaghilo, loli pachifukwa ichakuti akasubila nukuneniwa ukuti mugholosu pamaso pa Chala.

Aba Galatiya 3:16

U Chala akamulayizya u Abulahamu nu waluko lwache. Amasimbo ghatakunena ukuti, “Abaluko lwako,” chicho chitakung'anamula ukuti abantu abinji, awe. Loli ghakuti, “Sona nu waluko lwako,” chicho chikung'anamula ukuti umuntu weka yuyo we Kilisitu.

Aba Galatiya 3:29

Nanti mwe bantu aba Kilisitu, kokuti mwe baluko ulwa Abulahamu, sona mubaghiye pakupokela ichilingo chicho u Chala akalayizya.

Aba Galatiya 3:8

Amasimbo ghakenezya zila ukuti u Chala akwiza pakubanena abantu babo bate ba Yuda pakuba bagholosu pantazi papache ukwendela mu lwitiko nukufumusizya zila Amazyu Amiza kwa Abulahamu ukuti, “Inko zyosi pachisu ichapasi nkwiza pakuzisaya ukwendela mumwako.”

Ubuvumbuli 14:6

Pisinda pache nkennya uwantumi uyunji akubuluka mumwanyamwanya nkani, bo anyamuye Amazyu Amiza agha bwila na bwila aghakuti alumbilile pakasi pabantu bosi aba muchisu ichapasi. Banaba bo bantu abaluko losi, na bantu abavikolo vyosi, na bantu abaneno zyosi.

Ubuvumbuli 5:9

Bakimbagha ulwimbo ulupya bakatinji, “Awe ubaghiye pakusenda ibuku ilyakunnyengiwa nukumamatula ivimatilo vyache. Pakuti ukaboliwa, sona ni banda lyako, ukamughulila u Chala abantu abaluko losi, na baneno zyosi, sona ninko zyosi izya bantu.

Ubuvumbuli 7:9

Pisinda pazinizi nkenelezya, po nkennya ichilundilo ichikulu icha bantu ichakuti nayumo umuntu yuyo angabelenga. Bakaba bantu aba muchisu chosi, na bantu abaluko losi, na bantu abaneno zyosi nukwimilila pantazi pachitengo icha bumwene, sona na pamaso pa Mwana uwa ng'ozi. Bakavwala inkazo inswepu nukulema isamba izya mabale munyobe zyabo.