Imbombo 3:23 - IBAYIBOLO 2024

²³ Nanti umuntu yumo atakumwivwila umulaghuzi yulayula akwiza pakusabuliwako pakasi pabantu aba Chala nukumuzimizya.’

Ulufingo Ulupya

²³ Umuntu wesi yuyo atakumwivwila umulaghuzi yulayula akwiza pakusabuliwako pakasi pa bantu aba Chala nukumuzimizya.’

Imbombo 3:23 Iomraidhean Croise

Aba Levi 23:29

Nanti umuntu yumo atakutuzya pakulya pisiku linili, epusiwanjepo pakasi pabantu bache.

Maliko 16:16

Umuntu wesi yuyo akusubila nukoziwa akwiza pakupokiwa; sona umuntu wesi yuyo atakusubila akwiza pakufundiwa.

Yohani 12:48

Umuntu wesi yuyo akunkana, sona atakupokela amazyu ghane, alipo weka yuyo akwiza pakumulonga. Amazyu ghagho nanena gho ghagho ghakwiza pakumulonga pisiku ilyabumalilo.

Yohani 8:24

Ichi cho chifukwa nkababuzya ukuti mukwiza pakufwa pachifukwa icha mbibi zyinyu. Mukwiza pakufwa pachifukwa icha mbibi zyinyu nanti mutakusubila ukuti, ‘Ane Nene.’ ”

Imbombo 2:41

Po abantu abinji bakasubila amazyu ghache nukoziwa. Pisiku lilalila abantu abakukwana 3,000 bakonjeleziwako ku kabukatila kabo.

Ukukumbusya Amalamulo 18:19

Nanti umuntu yumo atakughivwila amazyu ghane ghagho umulaghuzi yunuyu akunenela mwitabwa lyane, ane nkwiza pakumufunda umuntu yulayula.

Aba Hebeli 10:39

Aswe tute twe bantu babo bakunyokela kwisinda nukusobela, awe. Loli twe bantu aba lwitiko, sona tupokiwe.

Aba Hebeli 12:25

Po mubanje maso ukuti mutakamukanaye yuyo akunena namwe. Nanti abantu babo bakakana pakumwivwila yuyo akabasoka, bataponite ulufundo, po nkimba aswe tukwiza pakupona bulibuli nanti tutakumuteghelezya uwakumwanya yuyo akutusoka?

Aba Hebeli 2:3

Nkimba aswe tungapona bulibuli nanti tutakulemezya ubupoki ubukulu nkani bunubu? Akaba we Mwene yuyo akafumusya tasi ubupoki bunubu, bubo bukasimikiziwa kukwitu na bantu babo bakamwivwa.

Ubuvumbuli 13:8

Abantu abakwikala muchisu ichapasi bakwiza pakuchiputa ichinyamana chila, abantu bosi babo amatabwa ghabo ghatasimbiwe mwibuku ilya bumi ilya Mwana uwa ng'ozi, yuyo akaboliwa yula.

Ubuvumbuli 20:15

Umuntu wesi yuyo itabwa lyache litakasimbiwamo mwibuku ilya bumi, akasumbiwanga munyanja iya moto.