Imbombo 3:18 - IBAYIBOLO 2024

¹⁸ U Chala akafumusya kale nkani ukwendela mu balaghuzi bosi ukuti u Kilisitu wache abaghiye pakuyimba; sona zikakwanilisiwa bunubu.

Ulufingo Ulupya

¹⁸ U Chala akafumusya kale nkani ukwendela mu balaghuzi bosi ukuti u Kilisitu wache abaghiye pakuyimba; sona zikakwanilisiwa bunubu.

Imbombo 3:18 Iomraidhean Croise

Ubwandilo 3:15

Nkwiza pakubika ubulwani pakasi papako nu mukolo; pakasi pa bana bache na bana bako. Abana bache bakwiza pakutizannya umutu wako, sona nawe ukwiza pakuluma ichitende icha mwana wache.”

Yesaya 50:6

Nkabapa inyuma yane babo bakankomagha, sona na masaya ghane, ku babo bakunyunkula indevu zyane, intakafisa icheni ku bantu, babo bakansamulagha nukunfwinila amati.

Daniyeli 9:26

Bo ghachilapo amaka 7 aghatubalilo aka 62, umupakiwa yula akwiza pakughoghiwa sona atakwiza pakusenda ichintu nachimochimo. Umulongozi poka na basilikali ababwite bakwiza pakukanangannya akaya akakulu nkani kala poka nu Buzilo Ubuzelu. Ubumalilo bwache bukwiza pakuba ngati ko kwizula ukwa mizi. Ubwite bukwiza pakubangako mupaka bo bumalilo bwache. Vinivi u Chala aviyanizizye zila.

Zekaliya 12:10

“Po nkwiza pakubapungulila umoyo uwa chisa nuwa nyiputo pabanyumba iya Devedi sona napa bantu babo bakwikala mu Yelusalemu. Bakwiza pakumwenelezya umuntu yuyo bakamulasa, bakwiza pakumulila, ngati mumo umuntu akumulilila umwana wache mwene na mwene, sona akuba ni chitima nkani ngati mumo umuntu akubela ni chitima numwana wache ukatote.

Zekaliya 13:7

U Mwene Uwamaka Ghosi akuti, “Wee panga, nyamuka! Lwanga nu mudimi wane! Lwanga nu muntu yuyo ali papipi nane! Ghogha umudimi, po ing'ozi zikwiza pakunyampana. Nkwiza pakulwa ubwite na bantu bane.”

Luka 24:44

Po akababuzya akati, “Ivi vyo vivyo nkababuzya, bo indi poka namwe. Vyosi vivyo vikasimbiwa nizya ane mu Ndaghilo izya Mozesi, ubusimbe ubwa balaghuzi na mu Masalimo bukwanilisiwe.”

Imbombo 10:43

Abalaghuzi bosi bakasimikizya nizya yuyo, ukunena ukuti umuntu wesi yuyo akusubila mumwache, u Chala akwiza pakumuhobokela imbibi zyache ukwendela mwitabwa lyache.”

Imbombo 2:23

U Yesu akapeghiwa kukwinyu ukuyana namumo u Chala akabatikila nukwinong'onela zila. Amwe mukamughogha pakumubika munyobe izya bambibi ukuti akomeliwe pachipinjika.

Imbombo 28:23

Po bakivwana nawe isiku ilyakuti bakomane, po ichilundilo icha bantu chikiza pisiku lilalila kunyumba kuko u Pabuli akikalagha. Akabalingannya nukunena nabo nizya Bumwene ubwa Chala ukwandila pandabindabi mupaka pabusiku nukuyezya pakubadeba nizya Yesu ukufuma mu mabuku agha Ndaghilo izya Mozesi na mu mabuku agha balaghuzi.

2 Pitala 1:21

Pakuti butalipo ubulaghuzi nabumobumo bubo bukiza nu bwighane ubwa muntu. Loli abantu bakalaghula ukwendela mwa Muzimu Umuzelu amazyu agha Chala.

Ubuvumbuli 19:10

Panapa nkawa munyayo zyache ukuti imwipute. Loli akambuzya akati, “Utakazibombaye zinizi! Ane ne wambombo bulo ngati wewe, sona ngati bo bawamwinyu babo bakaboni aba Yesu. Mumwiputaye u Chala! Pakuti ubwanaloli ubwa bulaghuzi lo lusimikizyo nizya Yesu.”