Imbombo 3:13 - IBAYIBOLO 2024

¹³ U Chala uwa Abulahamu nuwa Yisaki sona nuwa Yakobo, u Chala uwa banyenya bitu weyuyo akamupa umubombi wache u Yesu ubuchindamu. Loli mukamubika munyobe izya balwani nukumukana pamaso pa Pilati, napapo u Pilati akalondagha pakumusatula.

Ulufingo Ulupya

¹³ U Chala uwa Abulahamu, uwa Yisaki nu Yakobo, u Chala uwa banyenya bitu we yuyo akamupa umubombi wache u Yesu ubuchindamu. Loli mukamubika munyobe izya balwani nukumukana pamaso pa Pilati, napapo u Pilati akalondagha pakumusatula.

Imbombo 3:13 Iomraidhean Croise

Ukufuma 3:13

U Mozesi akamula akati, “Buli nanti nabuka pakasi paba Izilayeli nukubabuzya ukuti u Chala uwa banyenya binyu antuma, po nanti bakundalusya ukuti, ‘Nkimba itabwa lyache wewenu?’ Imbabuzye ichoni?”

Ukufuma 3:15

U Chala akamubuzya sona u Mozesi akati, “Ubabuzye aba Izilayeli uti, ‘U Mwene, u Chala uwa banyenya binyu nu Chala uwa Abulahamu nu Chala uwa Yisaki sona nu Chala uwa Yakobo antuma pakasi papinyu.’ Ili lyo litabwa lyane bwila na bwila, sona inkulilo zyosi izya muntazi zikwiza pakulikumbukagha.

Ukufuma 3:6

Po akati, “Ane ne Chala uwa banyenya bako, u Chala uwa Abulahamu nu Chala uwa Yisaki sona nu Chala uwa Yakobo.” U Mozesi akavwinka icheni chache, pachifukwa ichakuti akanyilagha pakumwennya u Chala.

Matayi 11:27

“Utata wane ampiye ubulaghili ubwa vintu vyosi. Nayumo umuntu yuyo amumenye u Mwana, loli Uwise mwene, sona atalipo umuntu yuyo amumenye Uwise, loli u Mwana mwene, sona na bantu babo u Mwana akubasala ukuti abavumbulile Uwise.

Matayi 20:19

nukumubika munyobe izya bantu babo bate ba Yuda, babo bakwiza pakumobezya, ukumusyempa nukumukomela pachipinjika. Loli bo ghachilapo amasiku matatu, akwiza pakuzyuka kubufwe.”

Matayi 22:32

‘Ane ne Chala uwa Abulahamu nu Chala uwa Yisaki sona nu Chala uwa Yakobo.’ We Chala uwa bantu abumi, ate uwa bantu abafwe.”

Matayi 27:2

Bakamupinya ni mpingu nukubuka nawe nukumubika munyobe izya Pilati, umulaghili uwa Chiloma.

Matayi 28:18

U Yesu akapalamila nukubabuzya ukuti, “Napeghiwa ubulaghili bosi kumwanya na pasi pano.

Maliko 15:11

Loli abaputi abasongo bakasonjelezya abantu pakumulaba u Pilati ukuti amusatule u Balabasi, mubuzilo ubwa Yesu.

Luka 22:57

Loli u Pitala akakana akati, “Wee mukolo wee, umuntu uyu intamumenye nukumumanya.”

Luka 23:4

Po u Pilati akababuzya abaputi abasongo ni chilundilo icha bantu chila akati, “Intakumwaghapo ninongwa nayimoyimo umuntu uyu.”

Luka 6:37

“Mutakabalongaye abantu abanji, po namwe bulo mutakwiza pakulongiwa. Mutakabasusyanje abantu abanji, po namwe bulo mutakwiza pakususyiwa. Mubahobokelaye abantu abanji, po namwe bulo mukwiza pakuhobokeliwa.

Yohani 12:16

Pakwanda abamanyili bache batakazyivwisya zinizi, loli bo u Yesu azyuka nukupeghiwa ubuchindamu, bakakumbuka ukuti Amasimbo ghakanenela zila nizya yuyo nukuti weyuyo bakamubombela zinizi.

Yohani 18:40

Bakamula nukukolomoka ukuti, “Yunuyu awe! Tukulonda u Balabasi.” (U Balabasi akaba livyondongo.)

Yohani 19:11

U Yesu akamwamula akati, “Uli nu bulaghili papane pakuti we Chala yuyo akakupa ubulaghili bunubu. Po umuntu yuyo akambika munyobe zyinyu anangite nkani.”

Yohani 19:12

Bo u Pilati ivwa zinizi, akalondagha pakumusatula u Yesu, loli aba Yuda bakanda pakukolomoka ukuti, “Nanti ukumusatula kokuti ute we mumanyani uwa Kesale. Umuntu wesi yuyo akwinena mwene ukuti we Mwene, akumusambukila u Kesale.”

Yohani 19:15

Bakakolomoka nkani bakati, “Mughoghe! Mughoghe! Mukomele pachipinjika!” U Pilati akabalalusya akati, “Nkimba mukulonda ukuti ane imukomele u mwene winyu pachipinjika?” Abaputi abasongo bakamwamula bakati, “Tute nu mwene uyunji, loli u Kesale mwene.”

Yohani 7:39

U Yesu akanenagha nizya Muzimu Umuzelu, yuyo abantu babo bakamusubila bakizagha pakupokela. Pakabalilo kalakala u Muzimu Umuzelu akaba achili atapeghiwe pakuti u Yesu akaba achili pakupokela ubuchindamu.

Imbombo 22:14

Akati, ‘U Chala uwa banyenya bitu akusalite awe ukuti umanye ubwighane bwache, sona ukuti wennye Umubombi wache Umugholosu nukumwivwa yuyo akunena amazyu ghache kukwako.

Imbombo 24:14

Loli ichintu chene chicho nkwitika chakuti nkumwiputa u Chala uwa banyenya bitu pakukonka Izila, yiyo bakunena ukuti yabumyasi. Nkusubila muvyosi vivyo visimbiwe mu Ndaghilo izya Mozesi, sona na mu mabuku agha balaghuzi.

Imbombo 3:12

Bo u Pitala abennya abantu, akababuzya akati, “Mwee ba Izilayeli, nkimba choni chicho mukuswigha na zinizi, sona choni chicho mukutwenelezya? Nkimba mukwinong'ona ukuti sweswe twamwendezya umuntu uyu na maka ghitu pamo pachifukwa ichakuti tukumwiputa nkani u Chala?

Imbombo 3:26

Po u Chala akasala umubombi wache nukumutuma tasi kukwinyu, pakubasaya amwe ukuti umuntu wesi apinduke kuzila zyache izya bubibi.”

Imbombo 4:27

“Naloli, u Helodi nu Pontiyo Pilati bakakomana poka mukaya akakulu nkani kanaka na bantu babo bate ba Yuda, naba Izilayeli pakumusambukila u Yesu, umubombi wako umuzelu, Umupoki yuyo ukamupakazya pakuba we Mwene.

Imbombo 4:30

Gholosya inyobe yako nukupozya abantu, sona witikizye ukuti ivimanyilo ni viswigho vibombiwe ukwendela mwitabwa ilya Yesu, umubombi wako umuzelu.”

Imbombo 7:32

‘Ane ne Chala uwa banyenya binyu, u Chala uwa Abulahamu nuwa Yisaki sona nuwa Yakobo.’ U Mozesi akatetema nubogha, sona atakajimba ukwennyako.

Aba Loma 9:5

Abene bo baluko aba banyenya bitu abamanyikwe aba Chihebeli, po ukuyana nizya buntu ubwa Kilisitu, akafuma mu luko lwabo. U Chala yuyo ali nu bulaghili pavintu vyosi achindikiwanje bwila na bwila. Ameni.

Aba Hebeli 2:9

Loli tukumwennya u Yesu, yuyo pakabalilo akapimpa bulo akanduka munandi bulo pamaso pa bantumi aba kumwanya. Po ilelo avwalite impumpu iya buchindamu nu muchizi pachifukwa icha kuyimba kwache nu bufwe umwakuti ukwendela muchisa icha Chala, abafwile abantu bosi.

Ubuvumbuli 1:18

Ane ne mumi. Nkafwa, loli ilelo ne mumi bwila na bwila. Indi ni nyighulilo izya bufwe, sona ni nyighulilo izya buzilo ubwa bantu abafwe.

Ubuvumbuli 1:5

Ichisa chinichi chikufuma kwa Yesu Kilisitu, ukaboni umusubiliwa uwakwanda pakuzyuka kubufwe, sona yuyo we umulaghili uwa bamwene bosi aba muchisu ichapasi. U Mwene atughanite aswe, sona atwabuye kumbibi zyitu ni banda lyache.