Imbombo 3:12 - IBAYIBOLO 2024

¹² Bo u Pitala abennya abantu, akababuzya akati, “Mwee ba Izilayeli, nkimba choni chicho mukuswigha na zinizi, sona choni chicho mukutwenelezya? Nkimba mukwinong'ona ukuti sweswe twamwendezya umuntu uyu na maka ghitu pamo pachifukwa ichakuti tukumwiputa nkani u Chala?

Ulufingo Ulupya

¹² Bo u Pitala abennya abantu, akababuzya akati, “Mwee ba Izilayeli, nkimba choni chicho mukuswigha na zinizi, sona choni chicho mukutwenelezya? Nkimba mukwinong'ona ukuti sweswe twamwendezya umuntu uyu na maka ghitu pamo pachifukwa chakuti tukumwiputa nkani u Chala?

Imbombo 3:12 Iomraidhean Croise

Ubwandilo 40:8

Bakamwamula bakati, “Twebosi tulotite ivilota, loli atalipo nayumo yuyo angaving'anamula ivilota vila.” Po u Yosefu akababuzya akati, “We Chala mwene yuyo angaving'anamula ivilota.”

Ubwandilo 41:16

U Yosefu akamwamula akati, “Awe te nene, loli u Chala weyuyo angamupa u Falabo ilyamulo lilyo akulilonda.”

Yohani 7:18

Umuntu yuyo akunena nu bulaghili ubwache nu bwache, akwilondela mwene ubuchindamu bwache. Loli umuntu yuyo akumulondela ubuchindamu yuyo akantuma, wanaloli, po ubuzimbuli butalimo mumwache.

Imbombo 13:26

“Mwee bakamu bane, abaluko ulwa Abulahamu na bantu bosi babo bate ba Yuda babo bakumwiputa u Chala: Amazyu aghabupoki agha ghatumiwa kukwitu!

Imbombo 2:22

“Mwee ba Izilayeli, ivwa kuno! U Yesu uwamu Nazaleti akaba muntu yuyo imbombo zyache izyamaka zikalanjiziwa nukusimikiziwa nu Chala kukwinyu muvyika vyosi ni viswigho vivyo u Chala akabombelagha mumwache. Amwe mwebene muzimenye zinizi pakuti zikabombiwa pakasi papinyu.

Imbombo 3:11

Bo umuntu yula achili amumiliye u Pitala nu Yohani muntanda yiyo bakayitizyanga ukuti Intanda iya Solomoni, abantu bakaswigha nkani nukubachimbilila.

Imbombo 3:13

U Chala uwa Abulahamu nuwa Yisaki sona nuwa Yakobo, u Chala uwa banyenya bitu weyuyo akamupa umubombi wache u Yesu ubuchindamu. Loli mukamubika munyobe izya balwani nukumukana pamaso pa Pilati, napapo u Pilati akalondagha pakumusatula.

Aba Loma 11:1

Po imbalalusye, nkimba u Chala akabakana abantu bache? Awe, napo panandi. Ane nemwene ne mu Izilayeli, uwaluko ulwa Abulahamu, uwa mbumba iya Benjamini.

Aba Loma 9:4

Abene bo ba Izilayeli babo u Chala akabasala ukuti babanje bana bache nukubavumbulila ubuchindamu bwache. U Chala akafingana nabo nukubapa Indaghilo. Bali ni chiputo ichanaloli, sona bapokela vivyo u Chala akabalayizya.

2 Aba Kolinti 3:5

Chitalipo nachimo mumwitu ichakuti tunginong'ona patwebene ukuti tuli na maka aghakubombela imbombo iyi, loli amaka ghitu ghakufuma kwa Chala.

Ubuvumbuli 7:13

Weka uwa basongo bala akandalusya akati, “Nkimba bantu boni banaba, babo bavwalite inkazo inswepu, sona bafuma kwiyi?”