Imbombo 26:16 - IBAYIBOLO 2024

¹⁶ Loli nyamuka nukwimilila. Nakubonekela ukuti nkubike pakuba mubombi wane nu kaboni uwa zizyo wazyennya nizya ane, sona na zizyo nkwiza pakukulanjizya muntazi.

Ulufingo Ulupya

¹⁶ Loli nyamuka nukwimilila. Nakubonekela ukuti inkubike pakuba mubombi wane nu kaboni uwa zizyo wazyennya nizya ane, sona na zizyo inkwiza pakukulanjizya muntazi.

Imbombo 26:16 Iomraidhean Croise

Ezekiyeli 2:1

“Wee mwana uwa muntu, imilila inene nawe.”

Daniyeli 10:11

Akati, “Wee Daniyeli, we mughaniwa nkani, inong'onapo akiza nkani nizya mazyu ghagho nkulonda pakukubuzya, sona imilila, pakuti natumiwa kukwako.” Bo anena zinizi nkimilila bo nkutetema.

Luka 1:2

Bakasimba vivyo tubuziwe na babo bakavyennya na maso ukwandila ko kubwandilo, sona na babo bakalumbilila Amazyu Amiza.

Imbombo 1:17

U Yudasi akaba yumo uwa kabukatila kitu, yuyo akasaliwa pakubomba poka naswe.

Imbombo 1:25

umwakuti apyane pambombo iya butumiwa mubuzilo ubwa Yudasi, yuyo akayileka nukubuka kubuzilo bubo bukamuyana.”

Imbombo 20:24

Loli intakupasyapo nizya bumi bwane ukuti bwapamwanya kukwane. Pakuti chicho nkulonda chakuti imalizye imbombo yane, sona nu butumiwa bubo u Mwene u Yesu akampa ubwakulumbilila Amazyu Amiza aghakunena nizya chisa icha Chala.

Imbombo 21:19

U Pabuli akabalamuka nukubabuzya zyosi zizyo u Chala akabomba mubantu babo bate ba Yuda ukwendela mu butumiwa bwache.

Imbombo 22:10

Nkalalusya nkati, ‘Mwene, nkimba imbombe choni?’ Po u Mwene akambuzya akati, ‘Nyamuka bukagha mu Damasika. Mulamula ukwiza pakubuziwa zyosi zizyo u Chala akubatikiye ukuti ubombe.’

Imbombo 23:11

Ubusiku bulabula u Mwene akimilila papipi nu Pabuli nukumubuzya ukuti, “Utakanyilaye! Ukaba we kaboni wane mu Yelusalemu muno, po ubaghiye pakuba we kaboni wane sona na mu Loma bulo.”

Imbombo 26:15

Nkalalusya nkati, ‘Nkimba wewenu awe, Mwene?’ Po u Mwene akamula akati, ‘Nene Yesu, yuyo ukumuvwima.

Imbombo 6:4

Po akabalilo kosi aswe tukwiza pakwiyula munyiputo na mumbombo iyakulumbilila amazyu agha Chala.”

Aba Loma 1:5

Ukwendela mwa Kilisitu, u Chala akatupa ulusako ulwakuti tubanje batumiwa, umwakuti tubalongozye abantu aba inko zyosi pakumusubila nukumwivwila, ukuti bunubu itabwa lyache lichindikiwanje.

Aba Loma 15:16

pakunsala ukuti imbanje ne mubombi uwa Kilisitu u Yesu pakasi pabantu babo bate ba Yuda. Ampiye imbombo iyakulumbilila Amazyu Amiza agha Chala ngati ne muputi, umwakuti abantu babo bate ba Yuda babanje chakwiyipa ichakumuhobosya u Chala, sona ni chakupaghuliliwa kukwache nu Muzimu Umuzelu.

2 Aba Kolinti 4:1

U Chala muchisa chache atupiye imbombo iyi, po tutakunyokela mwisinda.

2 Aba Kolinti 5:18

Zyosi zinizi zikabombiwa nu Chala, yuyo akatusayannya nawe ukwendela mwa Yesu Kilisitu nukutupa imbombo iyakulumbilila nizya kusayana,

Aba Galatiya 1:12

Pakuti intakaghapokelapo ku muntu yumo pamo ukumanyisiwa, awe. Loli nkaghapokela ukwendela mu buvumbuli, bubo u Yesu Kilisitu umwenecho akanvumbulila.

Aba Galatiya 2:2

Nkabuka kulakula pachifukwa ichakuti u Chala akanvumbulila ukuti imbuke. Nkabalingannya abalongozi Amazyu Amiza ghagho nkalumbilila pakasi pabantu babo bate ba Yuda. Loli nkabomba ichi kubusyefu pakuti nkanyilagha ukuti lumo imbombo yiyo nkubomba, sona yiyo nabomba kale yingaba yabulo.

Aba Efeso 3:3

U Chala akanvumbulila izya kubusyefu ukuyana namumo nasimbila kale mubupimpa.

Aba Kolosi 1:23

Loli mubaghiye mwendelele pakwikalana nkani palwalo ulwa lwitiko lwinyu, ukusita ukuyingana mulusubilo lwinyu, lulo lukufuma ku Mazyu Amiza, ghagho mukivwa. Amazyu Amiza agha ghakalumbililiwa pakasi pabantu bosi aba muchisu ichapasi. Po u Chala weyuyo akampa ane ne Pabuli, imbombo iyakuti ingalumbilile.

Aba Kolosi 1:25

Po ane ne mubombi uwa chipanga, pakuti we Chala yuyo akampa imbombo yiniyi iyakuti imbalumbilile amazyu ghache umwakufikapo.

Aba Kolosi 1:7

Mukamanyila nizya chisa icha Chala kwa Epafula, umubombi uwamwitu umughaniwa, yuyo mubombi umusubiliwa uwa Kilisitu mubuzilo bwitu.

1 Aba Tesalonika 3:2

Tukamutuma u Timoti, yuyo we mukamu witu, sona mubombi uwamwitu mumbombo iya Chala iyakulumbilila Amazyu Amiza agha Kilisitu pakubapa amaka nukubakazya mulwitiko lwinyu,

1 Timoti 1:12

Nkumupalizya u Kilisitu u Yesu u Mwene witu, yuyo ampiye amaka pambombo iyi. Nkumupalizya pakumpima pakuba ne musubiliwa nukunsala ukuti imbombe imbombo yache,

1 Timoti 4:6

Nanti ukubalingannya abakamu bako ivintu ivi, ukwiza pakuba we mubombi umwiza uwa Kilisitu u Yesu, uwakukulila mulwitiko na mubumanyisi ubwanaloli bubo wakonkagha.

2 Timoti 4:5

Loli awe, wilemaye wemwene muvintu vyosi, nukujimba mumayimba. Bombagha imbombo iya bulumbilili, sona bombagha imbombo yako yosi ngati we mubombi uwa Chala.