Imbombo 22:5 - IBAYIBOLO 2024

⁵ Umuputi usongo na kabukatila kosi aka balongi aba Chiyuda bangasimikila ukuti nkunena ubwanaloli. Nkapokela abakalata abakufuma kukwabo nukubuka nabo kuba Yuda mu Damasika. Po nkabuka kulakula pakubalema abantu banaba nukwiza nabo bapinyiwe ni mpingu mu Yelusalemu ukuti bafundiwanje.

Ulufingo Ulupya

⁵ Umuputi Usongo na kabukatila kosi aka balongi aba Chiyuda bangasimikila ukuti nkunena ubwanaloli. Inkapokela abakalata abakufuma kukwabo nukubuka nabo kuba Yuda mu Damasika. Po inkabuka kulakula pakubalema abantu banaba nukwiza nabo bapinyiwe ni mpingu mu Yelusalemu ukuti bafundiwanje.

Imbombo 22:5 Iomraidhean Croise

Luka 22:66

Bo kwacha, abalongozi aba Chiyuda, na baputi abasongo, sona na bamanyisi aba Ndaghilo bakabungana poka, po bakiza nu Yesu pamaso pa balongi.

Imbombo 1:15

Bo ghachilapo amasiku manandi kukaba ulukomano ulwa bitiki. Palapala pakabapo abantu pipipipi 120 bosi poka, po u Pitala akimilila nukuti,

Imbombo 13:26

“Mwee bakamu bane, abaluko ulwa Abulahamu na bantu bosi babo bate ba Yuda babo bakumwiputa u Chala: Amazyu aghabupoki agha ghatumiwa kukwitu!

Imbombo 2:29

“Mwee bakamu bane, imbaghiye imbabuzye pabuzelu izya munyenya witu u Mwene u Devedi. Akafwa nukusyiliwa, po ipumpa lyache lili kuno naswe mupaka pisiku ili.

Imbombo 22:1

“Mwee bakamu na batata bane, ivwa kuno, bo nkunena amazyu ghane aghakwipokela nemwene!”

Imbombo 23:1

U Pabuli akenelezya abalongi bala nukuti, “Mwee bakamu bane, mupaka ilelo namubombela u Chala nu mabyebye wane umwiza.”

Imbombo 23:6

Loli bo u Pabuli ennya ukuti bamo aba mukabukatila kala bakaba ba Sadukayi, sona nukuti abanji bakaba ba Falisayi, akakolomoka nkani pamaso pa balongi akati, “Mwee bakamu bane, ane ne mu Falisayi umwana uwamu Falisayi. Indi pakulongiwa pano pachifukwa ichakuti nkusubila ukuti abafwe bakwiza pakuzyuka kubufwe.”

Imbombo 26:10

Zyo zizyo nkabomba na mu Yelusalemu. Nkapokela ubulaghili ubwa baputi abasongo nukubighalila abantu abazelu aba Chala mujele, sona bo bakughoghiwa, nane bulo nkitikizyanga.

Imbombo 26:11

Utubalilo utwinji nkabafundagha munyumba izyakwiputilamo nukuyezya pakubafyenga ukuti bamusamule u Yesu. Nkabakalalila nkani, umwakuti nkabuka na kutwaya bulo utwakuzi pakubavwima.

Imbombo 26:12

“Yikaba fundo yiniyi yiyo nkabukila mu Damasika nu bulaghili, sona ni ndaghilo izya baputi abasongo.

Imbombo 28:17

Bo ghachilapo amasiku matatu u Pabuli akabitizya abalongozi aba Chiyuda. Bo babungana, akababuzya akati, “Mwee bakamu bane, napapo intabanangiyepo nachimochimo abantu pamo inyiho izya banyenya bitu, loli nkalemiwa mukaya aka Yelusalemu nukubikiwa munyobe izya ba Loma.

Imbombo 28:21

Bakamula bakati, “Tutapokelitepo abakalata abakufuma muchigaba icha Yudeya abakunena nizya awe. Sona nayumo umuntu mu bakamu bitu yuyo akizapo kuno ukutulingannya pamo ukunena nizya bubibi bwako.

Imbombo 3:17

“Polelo bakamu bane, inzimenye ukuti zizyo amwe na balongozi binyu mukabomba kwa Yesu mukazibomba umwakusita kumanya.

Imbombo 4:5

Indabi yache abalongozi aba Chiyuda, abasongo na bamanyisi aba Ndaghilo bakabungana mu Yelusalemu.

Imbombo 5:21

Abatumiwa bakivwila, po pandabindabi nkani bakabuka nukwinjila mu Nyumba iya Chala nukwanda pakumanyisya. Umuputi usongo na bamanyani bache bakabitizya abalongozi aba Chiyuda ku lukomano ulwa balongi, po bakatuma abantu kujele ukuti bize nabo abatumiwa pamaso papabo.

Imbombo 9:14

Polelo iza muno mu Damasika nu bulaghili ubwa baputi abasongo ukuti abapinye bosi babo bakukwiputa awe.”

Aba Galatiya 1:13

Amwe mwivuye nizya nkalo yane bo inchili indi mu Chiyuda. Mwivuye namumo nkachivwimila ichipanga icha Chala ukusita ichisa nukuyezya pakuchinangannya.

Aba Filipi 3:6

Nkaba nu lweke nkani umwakuti nkachivwima ichipanga. Pakunena nizya muno umuntu akuneniwa pakuba mugholosu pakukonka Indaghilo, ane intakaba ni chilema nachimochimo.

1 Timoti 4:14

Utakachisulaye ichabupi chako ichabuzimu chicho, ukapeghiwa ukwendela mu mazyu agha basongo, bo abasongo aba chipanga babika inyobe papako.