Imbombo 21:5 - IBAYIBOLO 2024

⁵ Loli bo akabalilo akakwikalila nabo kamala, tukanyamuka nukwendelela nu bulendo bwitu. Abamanyili bosi poka na bachi na bana babo bakatusindikila mupaka kuzi ukwa kaya kalakala. Kulakula pa bwima tukafughama nukwiputa.

Ulufingo Ulupya

⁵ Loli bo akabalilo akakwikalila nabo kamala, tukanyamuka nukwendelela nu bulendo bwitu. Abamanyili bosi poka na bachi na bana babo bakatusindikila mupaka kuzi kwa kaya kalakala. Kulakula pa bwima tukafughama nukwiputa.

Imbombo 21:5 Iomraidhean Croise

1 Abamwene 8:54

Bo u Solomoni amala pakwiputa nukumulambilizya u Mwene, akimilila pantazi pachighemo icha Mwene, papo akafughama bo akwezizye inyobe zyache mumwanya.

2 Imbili 20:13

Abantu bosi aba mu Yuda, poka na bachi babo na bana sona na babonda babo, bakimilila pamaso pa Mwene.

Nehemiya 12:43

Pisiku lilalila abantu bakabika ivyakwiyipa ivyinji nkani, pachifukwa ichakuti u Chala weyuyo akabapela ukuti bahobokaye. Abakolo na bana bope bakahoboka nkani, umwakuti ichongo icha kusekela ukwa bantu mu Yelusalemu chikivwikagha kubutali nkani.

Masalimo 95:6

Zagha tumulambilaye nukumwiputa, zagha tumufughamililaye u Mwene Umupeli witu.

Matayi 14:21

Abantu babo bakalya bakabapo 5,000, ukusita ukubelengelako abakolo na bana.

Maliko 1:40

Umuntu yumo uwa mambombo akiza kwa Yesu, akamufughamilila nukwanda pakumulaba ukuti, “Nanti ukulonda, unswefye ane.”

Luka 22:41

Po akabuka pabutalipo papo ibwe lingafika bo akulisumba. Akafughama nukwiputa.

Imbombo 15:3

Bakatumiwa ni chipanga, po bo bakwenda muchigaba icha Fonike, na mu Samaliya, bakabalingannya abantu mumo bantu babo bate ba Yuda bakapindukila kwa Chala; amazyu agha ghakabapa ubuhobosu ubukulu abitiki bosi.

Imbombo 17:10

Bo kwila bulo, abitiki bakamutuma u Pabuli nu Sila ku Beleya. Bo bafika bakinjila munyumba iyakwiputilamo.

Imbombo 20:36

Bo u Pabuli amalizya, akafughama nukwiputa poka nabo.

Imbombo 20:38

Bakaba ni chitima nkani pachifukwa icha mazyu ghagho akanena ukuti bate bakachennye sona icheni chache. Po bakamusindikila ku bwato ubukulu nkani.

Imbombo 9:40

U Pitala akabafumya bosi kuzi, akafughama nukwiputa. Akaghalabukila ku muvimba nukuti, “Wee Tabita, nyamuka!” Po akighula amaso ghache, bo amwennya u Pitala, akanyamuka nukwikala.

Yoshwa 24:15

Nanti mutakulonda pakumubombela u Mwene, po ilelo musalepo yuyo mukwiza pakumubombelagha manyi abachala aba abanyenya binyu, babo bakabachindikagha mulubazu lwalusoko, pamo abachala aba ba Amoli, muchisu chicho mukwikalamo. Loli ane na bamunyumba yane tukwiza pakumubombela u Mwene.”

Yoshwa 8:35

U Yoshwa akabelenga amalamulo ghosi agha Mozesi pamaso pa chilundilo chosi icha ba Izilayeli. Palapala pakabapo abakolo na bana na bayeni babo bakikalagha pakasi papabo.