Imbombo 21:3 - IBAYIBOLO 2024

³ Tukafika pabuzilo bumo bubo tukennyanga akasungo aka Sayipulasi, po tukenda kuntende kwache ukwa kasungo kala nukufika mupaka mu Siliya. Tukenda pisila pakubuka ku Tile, kuko ubwato ubukulu nkani bukabukagha pakwisya ukatundu.

Ulufingo Ulupya

³ Tukafika pabuzilo bumo bubo tukennyanga akasungo aka Sayipulasi, po tukenda kuntende kwache kwa kasungo kala nukufika mupaka mu Siliya. Tukenda pisila pakubuka ku Tile, kuko ubwato ubukulu nkani bukabukagha pakwisya ukatundu.

Imbombo 21:3 Iomraidhean Croise

2 Samuweli 8:6

U Devedi akazenga ubuzilo ubwa bwite muchigaba icha Siliya mu Damasika, po aba Siliya bakaba pasi pabulaghili bwache nukusonka umusonko kukwache. U Mwene akamupa u Devedi ubupoti kosi kuko akabukagha.

Masalimo 45:12

Abantu aba mu Tile, bakwiza ni vyabupi, sona abakabi nkani bakwiza pakulonda ukuti ubapelelaye ichisa.

Masalimo 87:4

Pakasi pabantu babo bamenye ane, we Lahabu nu Babiloni, nu Filisiti, sona Tile, poka nu Etiyopiya, “Aba bo babo bakapapiwa mu Ziyoni.”

Yesaya 7:2

Bo abamunyumba iya Devedi bivwa ukuti ichisu icha Siliya bivwanite ni chisu icha Efulayimu, u mwene poka na bantu bache ubogha bukabalema sona bakatetemagha ngati mumo amakwi agha mumusitu ghakuyinganiziwa ni mpepo.

Matayi 11:21

“Chighune kukwako Kolazini! Chighune kukwako Betisayida! Nanti ivyika vivyo vibombiwe mumwinyu, vyabombiwe mutwaya utwa Tile nu Sidoni, ngali abantu mulamula bavwalite kale amasaka nukwikupulila itoyi mumubili ukulanjizya ukuti naloli bapinduka nukuzileka imbibi zyabo!

Matayi 4:24

Imbili iya Yesu yikasata muchisu chosi icha Siliya, umwakuti abantu bakiza kukwache na babine bosi babo bakaba nu bubine ubwakulekanalekana, na babo bakivwa ububavu mu mabili ghabo—abantu babo bakaba ni mizimu imibibi, abavizilisi na babo bafuye ivinama, po u Yesu akabapozya bosi.

Luka 10:13

“Chighune kukwako Kolazini! Chighune kukwako Betisayida! Nanti ivyika vivyo vibombiwe mumwinyu, vyabombiwe mutwaya utwa Tile nu Sidoni, ngali abantu mulamula bavwalite kale amasaka nukwikupulila itoyi mumubili ukulanjizya ukuti naloli bapinduka nukuzileka imbibi zyabo!

Luka 2:2

Ukubelenga kunuku kukaba kwakwanda pakubombiwa, bo u Kwiliniya mulaghili uwa chisu icha Siliya.

Imbombo 11:19

Abitiki bamo babo bakanyampana pachifukwa icha kuvwimiwa kuko kukabako pakabalilo kako u Sitefani akaghoghiwa, bakabuka mupaka mutwaya utwa Fonike, mu Sayipulasi, na mu Antiyokiya, pakulumbilila amazyu agha Chala pakasi paba Yuda bene.

Imbombo 12:20

U Helodi akakalala nkani na bantu aba mu Tile nu Sidoni. Po abantu bakabuka pakabukatila pakumulamuka. Ichakwanda bakamudeba u Bulasita, usongo uwa kunyumba iya bumwene, ukuti abavwe. Po bakabuka kwa Helodi pakulaba umutende pakuti ichakulya chabo chikafumagha kuchisu icha mwene yulayula.

Imbombo 13:4

Bo u Balanabasi nu Sabuli batumiwa nu Muzimu Umuzelu bakabuka mukaya aka Selebukiya nukuloboka nu bwato pakubuka pa kasungo aka Sayipulasi.

Imbombo 15:23

nukubatuma nu kalata uyu: “Aswe, twe batumiwa poka na basongo aba chipanga, abakamu binyu, tukubalamuka amwe mwe bakamu bitu, bantu babo bate ba Yuda mwebosi, babo bakwikala mu Antiyokiya, Siliya na mu Kilikiya.

Imbombo 15:39

Po bakadalinkana nkani, umwakuti bakapaghunkana: U Balanabasi nu Maliko bakakwela mubwato nukubuka ku Sayipulasi.

Imbombo 15:41

Akadumusannya mu Siliya na mu Kilikiya pakuvikazya ivipanga.

Imbombo 18:18

U Pabuli akendelela ukwikala na bitiki mu Kolinti amasiku aminji. Po akabalagha nukukwela mubwato nukubuka ku Siliya poka nu Pulisika nu Akwila. Mu Kenkeleya akamwa isisi kumutu wache pachifukwa icha chilapo chache.

Imbombo 21:16

Bope abamanyili bamo babo bakafuma mu Kesaliya bakabuka naswe nukutubika munyumba iya muntu yuyo akaba we Munasoni, kuko bakabatika ukuti twikalayeko. Umwene akaba uwamu Sayipulasi, sona akaba weka uwa bamanyili abakwanda.

Imbombo 21:2

Kulakula tukabwagha ubwato ubukulu nkani bubo bukabukagha ku Fonike, po tukakwela nukubuka.

Imbombo 21:7

Tukendelela nu bulendo bwitu ukufuma mu Tile nukufika mu Putolema. Kulakula tukabalamuka abitiki nukwikala nabo isiku lyoka.

Imbombo 27:4

Ukufuma kulakula tukakwela ubwato, tukenda kumitu ukwa kasungo aka Sayipulasi pakuti impepo yikakukilagha kumaso ghitu.

Imbombo 4:36

Ukuyana namumo u Yosefu uwaluko ulwa Levi uwamu Sayipulasi, yuyo abatumiwa bakamwitizya ukuti Balanabasi (chicho chikung'anamula ukuti, “Yuyo akubakazya abamwabo.”)

Abalongi 10:6

Aba Izilayeli bakamunangila sona u Mwene, pakamuchindika u Baala nu Ashitoleti na bachala aba ba Siliya na bachala aba ba Sidoni na bachala aba ba Mowabu na bachala aba ba Amoni sona na bachala aba ba Filisiti. Aba Izilayeli bakamukana u Mwene nukuleka pakumubombela.