Imbombo 21:11 - IBAYIBOLO 2024

¹¹ Akiza kukwitu nukusenda ulamba uwa Pabuli, akipinya ivinama ni nyobe zyache nukuti, “U Muzimu Umuzelu akuti, ‘Umwenecho uwa lamba yunuyu akwiza pakupinyiwa bunubu naba Yuda aba mu Yelusalemu, po bakwiza pakumubika munyobe izya bantu babo bate ba Yuda.’ ”

Ulufingo Ulupya

¹¹ Akiza kukwitu nukusenda ulamba uwa Pabuli, akipinya ivinama ni nyobe zyache nukuti, “U Muzimu Umuzelu akuti, ‘Umwenecho uwa lamba yunuyu akwiza pakupinyiwa bunubu naba Yuda aba mu Yelusalemu, po bakwiza pakumubika munyobe izya bantu babo bate ba Yuda.’ ”

Imbombo 21:11 Iomraidhean Croise

1 Abamwene 22:11

Umulaghuzi weka, u Zedekiya umwana uwa Kenana akapanga impembe izya chela nukuti, “U Mwene ati, ‘Ni mpembe izi ukwiza pakubavulazya nazyo aba Siliya nukubapota.’ ”

Yesaya 20:2

Pakabalilo kalakala u Mwene akamubuzya u Yesaya umwana uwa Amozi akati, “Vula amasaka ni nkwato.” Po akabomba bunubu bo akwenda nkule sona ni nyayo zyene.

Yelemiya 19:1

U Mwene akambuzya akati, “Buka ughule isonta kumumata isonta. Ubasende abasongo bamo pakasi pabantu sona na baputi bamo,

Hoseya 12:10

Nkanena na balaghuzi, nkabavumbulila ivisetuka nukubabuzya ivyili ukwendela mumwabo.

Yohani 18:1

Bo u Yesu amala pakwiputa ulwiputo ulu, akanyamuka na bamanyili bache nukuloboka ulusoko ulwa Kidiloni. Kulakula kukabako umughunda, po u Yesu na bamanyili bache bakinjilamo.

Imbombo 13:2

Bo bakumwiputa u Mwene nukutuzya pakulya, u Muzimu Umuzelu akababuzya akati, “Munsabulile u Balanabasi nu Sabuli ukuti babombe imbombo yiyo nkabitizizya.”

Imbombo 16:6

U Pabuli na bamanyani bache bakadumusannya muchigaba icha Filigiya na muchigaba icha Galatiya pachifukwa ichakuti u Muzimu Umuzelu atakabitikizya ukuti balumbilile amazyu muchigaba icha Asiya.

Imbombo 20:23

Chene chicho inchimenye ichakuti mukaya akakulu nkani kosi u Muzimu Umuzelu akunsoka ukuti ijelo nintamyo vikundindilila.

Imbombo 21:33

Usongo uwa basilikali yula akafika palapala nukumulema u Pabuli, akalamula ukuti apinyiwe ni mpingu zibili nukulalusya ukuti, “Nkimba wewenu umuntu yunuyu, sona abomba cho choni?”

Imbombo 21:4

Kulakula tukabagha abamanyili bamo nukwikala nabo usabata weka. Pakulongoziwa nu Muzimu Umuzelu bakamubuzya u Pabuli ukuti atakabukemo mu Yelusalemu.

Imbombo 22:25

Loli bo bamupinya ukuti bamusyempe, u Pabuli akamulalusya usongo uwa basilikali yuyo akimilila palapala akati, “Nkimba indaghilo zyinyu zikwitikizya pakumusyempa umwenekaya uwa Chiloma, bo mutalongite inongwa yache?”

Imbombo 24:27

Bo ghachilapo amaka mabili, u Polokiyo Fesita akapyana pa Felikisi ngati we mulaghili uwa chisu. U Felikisi akalondagha pakubahobosya aba Yuda, po akamuleka u Pabuli mujele.

Imbombo 26:29

U Pabuli akamula akati, “Napapo kabalilo kapimpa pamo katali, nkwiputa kwa Chala ukuti awe na bosi babo bakunteghelezya ilelo mubanje ngati nene, loli ukwefyako zyene impingu.”

Imbombo 28:17

Bo ghachilapo amasiku matatu u Pabuli akabitizya abalongozi aba Chiyuda. Bo babungana, akababuzya akati, “Mwee bakamu bane, napapo intabanangiyepo nachimochimo abantu pamo inyiho izya banyenya bitu, loli nkalemiwa mukaya aka Yelusalemu nukubikiwa munyobe izya ba Loma.

Imbombo 28:20

Ichi cho chifukwa nkalaba ukuti nkomane nawe ukuti tunenezannye. Naloli, impinyiwe ni mpingu pachifukwa icha kusubila zizyo aba Izilayeli bakulindilila.”

Imbombo 28:25

Pakuti bakasusannya benebene, bakasata bulo. Loli bo batasatanite, u Pabuli akonjelezyapo pakunena ichintu choka ichi ukuti, “U Muzimu Umuzelu akanena ubwanaloli na banyenya binyu bo akunena ukwendela mu mulaghuzi u Yesaya ukuti:

Imbombo 8:29

U Muzimu Umuzelu akamubuzya u Filipu akati, “Bukagha wendaye papipi ni ngolo yache.”

Imbombo 9:16

Ane nemwene nkwiza pakumulanjizya amayimba ghosi ghagho akwiza pakukomana nagho pachifukwa icha nene.”

Aba Efeso 3:1

Pachifukwa chinichi nkubiputila amwe kwa Chala. Ane ne Pabuli indi mujele pachifukwa icha Kilisitu u Yesu, sona pachifukwa icha mwemwe mwe bantu babo bate ba Yuda.

Aba Efeso 4:1

Ane indi mujele pachifukwa icha mbombo iya Mwene, nkubalaba ukuti mwikalaye nubumi bubo u Chala akalondagha ukuti mubanje nabo, bo akubitizya.

Aba Efeso 6:20

Napapo indi mujele, ane ne mwimilili pachifukwa icha Mazyu Amiza ghanagha. Mwiputaye ukuti inene nu bujivu nkani ukuyana namumo imbaghiye pakunenela.

1 Timoti 4:1

U Muzimu Umuzelu akunena umwakwivwika nkani ukuti mumasiku aghabumalilo abantu bamo bakwiza pakutagha ulwitiko lwabo. Abene bakwiza pakwivwila imizimu iya bumyasi nukukonka ivimanyisyo ivya imizimu imibibi.

2 Timoti 2:9

Ichi cho chifukwa nkuyimba, sona impinyiwe ni mpingu ngati ne munanga Ndaghilo. Loli amazyu agha Chala ghatapinyiwe ni mpingu, awe.

Aba Hebeli 10:34

Pakuti mukabapasikizyanga abantu babo bakaba mujele. Bo bafyula ivintu vyinyu, amwe mukitikizya nu buhobosu, pachifukwa ichakuti amwe mwebene mumenye ukuti muli navyo ivyizapo nkani vivyo vikwiza pakubangako bwila na bwila.

Aba Hebeli 3:7

Ichi cho chifukwa u Muzimu Umuzelu akuti, “Ilelo nanti mukwivwa izyu ilya Chala,

1 Pitala 1:12

U Chala akabavumbulila abalaghuzi bala ukuti batakibombelagha bo babo bene, loli bakababombelagha amwe. Abene bakanena nizya vintu vivyo vikalumbililiwa kukwinyu na balumbilili babo bakafumusyanga Amazyu Amiza ukwendela mwa Muzimu Umuzelu yuyo akafuma kumwanya. Na bantumi bulo aba kumwanya bakunyonywa nkani pakuvyennya ivintu vinivi.