Imbombo 20:7 - IBAYIBOLO 2024

⁷ Pa Chibelusi pachamabwila tukabungana pakumenyannya ichibama ukumukumba u Mwene. U Pabuli akanena na bantu mupaka pakasi pabusiku pakuti indabi yache akafumaghapo.

Ulufingo Ulupya

⁷ Pa Chibelusi pachamabwila tukabungana pakumenyannya ichibama ukumukumba u Mwene. U Pabuli akanena na bantu mupaka pakasi pabusiku pakuti indabi yache akafumaghapo.

Imbombo 20:7 Iomraidhean Croise

Nehemiya 8:3

Akabelenga Ibuku ilya Ndaghilo lila umwakwivwika nkani pamaso pa banavuli na bakolo, na bantu abanji babo bangivwisya, babo bakabungana palubinjilo kuntazi ukwa Mulyango uwa Mizi ukwanda pandabindabi mupaka pamusanya. Abantu bosi bakateghelezyanga nkani bo Ibuku ilya Ndaghilo likubelengiwa.

Nehemiya 9:3

Abantu bakimilila papo bakaba, po ama awala matatu bakateghelezyanga bo Ibuku ilya Ndaghilo izya Mwene likubelengiwa. Ama awala aghanji matatu abantu bala bakilatagha imbimbi zyabo nukumwiputa u Mwene u Chala wabo.

Maliko 16:9

Bo u Yesu azyuka pandabindabi pisiku ilinji bo lyachila Isiku Ilyakutuzya, akamubonekela tasi u Maliya Magadalena, yuyo mumwache akefyamo imizimu imibibi seveni.

Luka 22:19

Po u Yesu akasenda ichibama, akamupalizya u Chala nukuchimenyannya. Akabapa abamanyili bache nukuti, “Ughu gho mubili wane, ghugho wapeghiwa pachifukwa icha mwemwe. Mubombaye zinizi ukuti munkumbukilayepo.”

Luka 24:35

Po abanavuli babili bala bakalingannya vivyo vikababonekela muzila mulamula, sona namumo bakamumanyila u Mwene, bo amenyannya ichibama.

Yohani 20:1

Pandabindabi nkani, bo lyachila Isiku Ilyakutuzya, bo kuchili nukucha, u Maliya Magadalena akabuka kwipumpa nukwagha ukuti ibwe lyefeziwepo pamulyango wipumpa.

Yohani 20:19

Pisiku ilinji, bo lyachila Isiku Ilyakutuzya, pakabalilo aka pachamabwila, abamanyili bakakomana poka munyumba. Inyiyi zikaba nyighalile nkani, pachifukwa ichakuti bakabanyilagha abalaghili aba Chiyuda. Po u Yesu akiza nukwimilila pakasi papabo nukuti, “Umutende ghubanje namwe!”

Yohani 20:26

Bo pachilapo usabata weka abamanyili bakakomana sona munyumba, u Tomasi akaba poka nabo. Inyiyi zikaba nyighalile nkani, loli u Yesu akiza, akimilila pakasi papabo nukuti, “Umutende ghubanje namwe.”

Imbombo 16:10

Bo u Pabuli achennya bulo ichisetuka chila, panapo na panapo tukiyannya pakubuka ku Makedoniya pakuti tukinong'ona ukuti u Chala atwitizya ukuti tulumbilile Amazyu Amiza pakasi pabantu kulakula.

Imbombo 2:42

Bakabika umoyo wabo pa vimanyisyo vivyo abatumiwa bakamanyisyanga, bakaba mubupoka nukumenyannya ichibama pakumukumbuka u Mwene, sona bakaba poka munyiputo.

Imbombo 2:46

Isiku ni siku bakakomanagha pakabukatila mu Nyumba iya Chala, nukumenyannya ichibama poka munyumba zyabo, bakalyanga mubuhobosu na moyo aghakwiyisya,

Imbombo 20:11

Po akakwela sona muchipinda chila, akamenyannya ichibama ukumukumbuka u Mwene nukulya. Bo anena nabo akabalilo akatali mupaka kubuche, akabuka.

Imbombo 20:31

Po mubanje maso! Mukumbukaye ukuti pamaka matatu, umusanya nu busiku intakalekapo nalumolumo pakubamanyisya mwebosi na masozi.

Imbombo 20:5

Bakalongolela nukutulindilila aswe mu Tulowa.

Imbombo 20:9

Bo u Pabuli achili pakunena, umulumendo yumo yuyo akaba we Yutika akikalagha pibwindo. Po akanda pakusyupila nukughona utulo utukulu, akawa pasi ukufuma muchipinda ichabutatu pamwanya. Bo bakumuseba, bakagha afuye.

Imbombo 28:23

Po bakivwana nawe isiku ilyakuti bakomane, po ichilundilo icha bantu chikiza pisiku lilalila kunyumba kuko u Pabuli akikalagha. Akabalingannya nukunena nabo nizya Bumwene ubwa Chala ukwandila pandabindabi mupaka pabusiku nukuyezya pakubadeba nizya Yesu ukufuma mu mabuku agha Ndaghilo izya Mozesi na mu mabuku agha balaghuzi.

1 Aba Kolinti 10:16

Ulubako lulo tukubombezya bo tukumupalizya u Chala, nkimba tutakugabana poka mwibanda ilya Kilisitu? Sona ichibama chicho tukuchimenya bo tukulya, nkimba tutakugabana poka umubili uwa Kilisitu?

1 Aba Kolinti 15:10

Loli muchisa icha Chala indi mumo imbeleye, sona ichisa chache papane chitakaba chabulo, awe. Loli nkiyula nkani ukuchila abatumiwa abanji bosi, napapo intakaba nene, loli chisa icha Chala chicho chili nane.

1 Aba Kolinti 16:2

Isiku ilyakwanda ilya sabata, umuntu wesi asabulepo indalama zimo, ukuyana namumo akabila, nukuzisunga, umwakuti kutakabeko nakumo ukusanguzya bo nafika.

2 Timoti 4:2

ulumbililaye amazyu agha Chala. Wiyannye pakughalumbilila pakabalilo kako abantu bakughalonda, sona na pakabalilo kako abantu batakughalonda. Ubasoke nukubachemela, sona nukubakazya, bo ukubamanyisya nu bololo.

Ubuvumbuli 1:10

Pisiku ilya Mwene u Muzimu Umuzelu akanyizila, po nkivwa izyu ilyamaka kwisinda kukwane, lilyo likaba ngati kulila ukwa lipati.