Imbombo 2:42 - IBAYIBOLO 2024

⁴² Bakabika umoyo wabo pa vimanyisyo vivyo abatumiwa bakamanyisyanga, bakaba mubupoka nukumenyannya ichibama pakumukumbuka u Mwene, sona bakaba poka munyiputo.

Ulufingo Ulupya

⁴² Bakabika umoyo wabo pa vimanyisyo vivyo abatumiwa bakamanyizyanga, bakaba mubupoka nukumenyannya ichibama pakumukumbuka u Mwene, sona bakaba poka munyiputo.

Imbombo 2:42 Iomraidhean Croise

Luka 24:30

Akikala pasi nukulya nabo, sona akasenda ichibama nukupalizya kwa Chala. Po akachimenyannya nukubapa.

Luka 24:35

Po abanavuli babili bala bakalingannya vivyo vikababonekela muzila mulamula, sona namumo bakamumanyila u Mwene, bo amenyannya ichibama.

Imbombo 1:14

Bakabunganagha pipipipi pakwiputa ngati ko kabukatila, poka na bakolo nu Maliya unyina uwa Yesu, sona na bawamwabo.

Imbombo 11:23

Bo afika nukwennya mumo u Chala abasayila abantu, akahoboka nkani nukubalaba bosi ukuti bendelele pakusubila mwa Mwene na moyo ghabo ghosi.

Imbombo 14:22

Bakabakazya abamanyili bala, sona bakababuzya ukuti bendelele pakuba nu lwitiko mwa Kilisitu. Bakamanyisya bakati, “Tubaghiye twende muntamyo inyinji ukuti twinjile mu Bumwene ubwa Chala.”

Imbombo 2:46

Isiku ni siku bakakomanagha pakabukatila mu Nyumba iya Chala, nukumenyannya ichibama poka munyumba zyabo, bakalyanga mubuhobosu na moyo aghakwiyisya,

Imbombo 20:11

Po akakwela sona muchipinda chila, akamenyannya ichibama ukumukumbuka u Mwene nukulya. Bo anena nabo akabalilo akatali mupaka kubuche, akabuka.

Imbombo 20:7

Pa Chibelusi pachamabwila tukabungana pakumenyannya ichibama ukumukumba u Mwene. U Pabuli akanena na bantu mupaka pakasi pabusiku pakuti indabi yache akafumaghapo.

Imbombo 4:23

Bo u Pitala nu Yohani basatuliwa, bakanyokela ku kabukatila kabo nukubabuzya zizyo abaputi abasongo na balongozi aba Chiyuda banenite.

Imbombo 4:31

Bo bamala pakwiputa, ubuzilo bubo bakakomanaghapo bukayingana. Bosi bakizula nu Muzimu Umuzelu nukwanda pakulumbilila amazyu agha Chala nu bujivu nkani.

Imbombo 6:4

Po akabalilo kosi aswe tukwiza pakwiyula munyiputo na mumbombo iyakulumbilila amazyu agha Chala.”

Aba Loma 12:12

Muhobokaye nkani pachifukwa icha lusubilo lwinyu, mubanje bafisalyoyo muntamyo nukwiputa akabalilo kosi.

1 Aba Kolinti 10:21

Mutangang'welela mulubako ulwa Mwene, sona na mulubako ulwa mizimu imibibi; mutangalyela pitebulo ilya Mwene, sona na pitebulo ilya mizimu imibibi.

1 Aba Kolinti 11:2

Nkubapala amwe pakuti mukunkumbuka muvintu vyosi, sona mukukonka ivimanyisyo vivyo nkabalekela.

1 Aba Kolinti 14:6

Polelo bakamu bane, nanti nkwiza kukwinyu nukunenela mundimi injeni, mungakabapo choni? Awe, nachimochimo, pene papo nanti niza kukwinyu nu buvumbuli, pamo nu bumanyi, pamo nu bulaghuzi, pamo nu bumanyili?

Aba Galatiya 1:6

Nkubaswigha nkani pakuti mwamuleka umwalubilolubilo bulo, yuyo akabitizya amwe ni chisa icha Kilisitu nukupindukila ku mazyu amiza aghanji bulo,

Aba Efeso 2:20

Namwe bulo muzengiwe palwalo lulo lukaliwa na batumiwa na balaghuzi. U Kilisitu u Yesu umwenecho we libwe ilya pankuto.

Aba Efeso 6:18

Mubombaye zyosi zinizi munyiputo. Akabalilo kosi mwiputaye kwa Chala ukuti abavwe. Akabalilo kosi mwiputaye umwakulongoziwa nu Muzimu Umuzelu. Pachifukwa ichi mubanje maso, sona mutakanyokelaye mwisinda. Mubiputilaye bwila abantu bosi abazelu aba Chala.

Aba Filipi 1:5

Imbaghiye mbapalizye pachifukwa ichakuti mwanyavwanga pakulumbilila Amazyu Amiza ukwandila ko kubwandilo mupaka ilelo.

Aba Kolosi 1:23

Loli mubaghiye mwendelele pakwikalana nkani palwalo ulwa lwitiko lwinyu, ukusita ukuyingana mulusubilo lwinyu, lulo lukufuma ku Mazyu Amiza, ghagho mukivwa. Amazyu Amiza agha ghakalumbililiwa pakasi pabantu bosi aba muchisu ichapasi. Po u Chala weyuyo akampa ane ne Pabuli, imbombo iyakuti ingalumbilile.

Aba Kolosi 4:2

Mubanje balweke munyiputo, sona mubanje maso, bo mukwiputa ukumupalizya u Chala.

2 Timoti 3:14

Loli awe, endelela pakulemezya ubwanaloli bubo ukamanyisiwa, sona ubusubile nkani, pakuti ubamenye babo bakakumanyisya zinizi.

Aba Hebeli 10:25

Tutakanyokayenyokaye kunkomano zyitu ukuyana namumo abantu bamo bakizubilila, loli aswe tukazannyanje, nkaninkani bo tukwennya ukuti Isiku ilyakwiza kwa Mwene lili papipi.

Aba Hebeli 10:39

Aswe tute twe bantu babo bakunyokela kwisinda nukusobela, awe. Loli twe bantu aba lwitiko, sona tupokiwe.

1 Yohani 1:3

Tukulumbilila kukwinyu zizyo twazyennya nukuzyivwa, umwakuti namwe bulo mungaba mubupoka naswe, bubo tuli nabo nu Tata, sona nu Mwana wache u Yesu Kilisitu.

1 Yohani 1:7

Loli nanti tukwenda mu lukozyo, ukuyana namumo abeleye mu lukozyo, kokuti tuli mubupoka twebenebene, sona ibanda ilya Yesu u Mwana wache likutuswefya aswe imbibi zyosi.

1 Yohani 2:19

Naloli abantu banaba batakaba ba kabukatila kitu, cho chifukwa bakatuchimbila. Nanti bakabanga ba kabukatila kitu, ngali batakatuchimbila. Loli bakatuchimbila umwakuti chiboneke pabuzelu ukuti naloli atakabapo nayumo umuntu yuyo akaba wa kabukatila kitu.

Yuda 1:20

Loli bamanyani bane abaghaniwa, endelela pakuzengana mwebenebene palwalo ulwa lwitiko lwinyu ulupaghuliwa. Mwiputaye ukwendela mumaka agha Muzimu Umuzelu.