Imbombo 2:23 - IBAYIBOLO 2024

²³ U Yesu akapeghiwa kukwinyu ukuyana namumo u Chala akabatikila nukwinong'onela zila. Amwe mukamughogha pakumubika munyobe izya bambibi ukuti akomeliwe pachipinjika.

Ulufingo Ulupya

²³ U Yesu akapeghiwa kukwinyu ukuyana na mumo u Chala akabatikila nu kwinong'onela zila. Amwe mukamughogha pakumubika munyobe izya bambibi ukuti akomeliwe pachipinjika.

Imbombo 2:23 Iomraidhean Croise

Ubwandilo 50:20

Mukabatika ukuti mumbombele ububibi, loli u Chala akabatika ubwiza, ukuti bupoke ubumi ubwa bantu abinji, babo bumi ilelo pachifukwa icha zizyo zikaboneka.

Masalimo 76:10

Naloli ubukali bwako pabantu bukukupanga amapalo, po abantu babo bapona ku bukali bwako bakwiza pakukuchindika.

Yesaya 37:26

“Nkimba utivuyepo? Kale nkavyimika, mumasiku aghakale nkavyinong'onagha, ilelo navikwanilisya ukuti watupela utwaya utukulu nkani, pakuba malinga muvibunga ivya mabwe.

Daniyeli 4:35

Abantu bosi aba muchisu ichapasi, bantu bulo pamaso papache. Akubomba vivyo vikumuhobosya, na maka agha kumwanya, sona nagha bantu aba pachisu ichapasi. Atalipo nayumoyumo yuyo angayikanizya inyobe yache, pamo pakumulalusya ukuti, “Nkimba ukubomba ichoni?”

Matayi 20:19

nukumubika munyobe izya bantu babo bate ba Yuda, babo bakwiza pakumobezya, ukumusyempa nukumukomela pachipinjika. Loli bo ghachilapo amasiku matatu, akwiza pakuzyuka kubufwe.”

Matayi 26:24

U Mwana uwa Muntu akwiza pakufwa ukuyana na Masimbo. Loli chighune nkani nu muntu yuyo akumubika u Mwana uwa Muntu munyobe izya balwani! Chikaba chizapo ukuti umuntu yula ngali atakapapiwanga!”

Matayi 27:35

Bakamukomela pachipinjika nukugabana amenda ghache pakupanga amayele.

Maliko 15:24

Po bakamukomela pachipinjika nukugabana amenda ghache pakupanga amayele ukuti bennye chicho umuntu wesi asende.

Luka 22:22

U Mwana uwa Muntu akwiza pakufwa ukuyana namumo u Chala akabatikila. Loli chighune nkani nu muntu yuyo akumubika munyobe izya balwani.”

Luka 22:37

Pakuti nkukubuzya ukuti zizyo Amasimbo ghakuti, ‘Bakamongannya poka na bambibi’ zibaghiye zikwanilisiwe.”

Luka 23:33

Bo bafika pabuzilo bubo bukwitiziwa ukuti, “Ifupa ilya kumutu.” Bakamukomela u Yesu pachipinjika palapala poka na mavyondongo mabili ghala, lyoka kunyobe indilo, sona ilinji iya kumongo.

Luka 24:20

Abaputi abasongo na balaghili bitu bakamubika munyobe izya balongi, umwakuti abalongi badumule ukuti aghoghiwe, po akakomeliwa pachipinjika.

Yohani 19:18

Kulakula bakamukomela pachipinjika. Bakakomela poka sona na bantu abanji babili, weka kunyobe indilo, uyunji iya kumongo, u Yesu pakasi.

Yohani 19:24

Abasilikali ababwite bakanenezannya benebene bakati, “Tutakaghuzepule, loli tubombe amayele, umwakuti tumwaghe yuyo akwiza pakughusenda.” Zinizi zikabombiwa ukuti Amasimbo ghakwanilisiwe aghakuti, “Bakagabana amenda ghane, pankazo yane bakabikilapo ubulaghuzi.” Po izi zyo zizyo bakabomba abasilikali ababwite.

Imbombo 13:27

Pakuti abantu babo bakwikala mu Yelusalemu na balongozi babo batakamanyagha ukuti we Mupoki, pamo ukughivwisya amazyu agha balaghuzi, ghagho ghakabelengiwanga Isiku ni siku Ilyakutuzya. Loli pope bulo bakaghakwanilisya amazyu agha balaghuzi pakumughogha u Yesu.

Imbombo 15:18

Po u Mwene akunena bunubu, yuyo akavumbula ivintu vinivi kale.’

Imbombo 2:36

“Ilelo aba Izilayeli bosi naloli bamanyaghe ukuti u Yesu uyu, yuyo mukumukomela pachipinjika, weyuyo u Chala amubika pakuba we Mwene, sona we Kilisitu!”

Imbombo 3:18

U Chala akafumusya kale nkani ukwendela mu balaghuzi bosi ukuti u Kilisitu wache abaghiye pakuyimba; sona zikakwanilisiwa bunubu.

Imbombo 4:28

Bakabungana poka pakubomba vyosi vivyo awe na maka ghako, sona nu bwighane bwako ukabatika ukuti vikwiza pakubombiwa.

Imbombo 5:28

“Tukabachinyintizya nkani ukuti mutakamanyisyanje mwitabwa ilya muntu uyu. Loli ennya zizyo mwabomba! Ubumanyisi bwinyu bwasata mu Yelusalemu mosi, po sona mukulonda ukuti ibanda ilya muntu uyu libanje papitu!”

Imbombo 5:30

Amwe mukamughogha u Yesu pakumukomela pachipinjika, loli u Chala uwa banyenya bitu akamuzyusya kubufwe.

Imbombo 7:52

Nkimba kukabako umulaghuzi yumo yuyo abanyenya binyu batakamuvwimapo? Bakaghogha abantumi aba Chala, babo kale bakafumusya izya kwiza ukwa Mubombi wache Umugholosu. Po losi ulu mwamubika munyobe izya balwani nukumughogha.

Aba Loma 2:12

Abantu bosi babo banangite ukusita kumanya Indaghilo, bakwiza pakuzimila napapo batazimenye Indaghilo. Sona bosi babo banangite bo bazimenye Indaghilo, bakwiza pakulongiwa ukuyana ni Ndaghilo.

Aba Loma 4:17

Pakuti Amasimbo ghakuti, “Nakupela awe pakuba munyenya uwa inko inyinji.” U Abulahamu akapokela ilayizyo ili kwa Chala yuyo akamusubila—u Chala yuyo akuzyusya abafwe, sona nukuvipa ivintu ubumi vivyo vite nubumi.

1 Aba Tesalonika 2:15

Aba Yuda balabala bakamughogha u Mwene u Yesu, poka na balaghuzi, sona nukutuvwima aswe. Abene batakumuhobosya u Chala, sona balwani aba bantu bosi.

1 Pitala 1:2

U Tata u Chala akabasalila zila ukuyana ni mbatiko zyache. Akabapaghula pakuba bantu abazelu mwa Muzimu Umuzelu, umwakuti mumwivwile u Yesu Kilisitu, sona nukuswefyiwa ni banda lyache. U Chala abizuzye ni chisa nu mutende.

1 Pitala 1:20

Umwene akasaliwa nu Chala, bo ni chisu ichapasi chitapeliwe, loli avumbuliwa mumasiku aghabumalilo agha pachifukwa icha mwemwe.

1 Pitala 2:8

Amasimbo aghanji ghakuti, “Ibwe lilyo likwiza pakubapela abantu ukwipunula, ilyalabwe lilyo likwiza pakubawisya abantu.” Abene bakipunula pachifukwa ichakuti batakaghasubila amazyu agha Chala, ichi chikabombiwa kukwabo ukuyana namumo u Chala akabatikila.

Yuda 1:4

Pakuti abantu bamo babo batakumunyila u Chala bakinjila pakasi papinyu umwakusita ukumanyikwa, abantu babo bakunyongannya ichisa icha Chala witu, ngati po chintu chimo chicho chikubapa ubusatuke ubwakubombela ivintu ivinyazu. Abantu banaba bakumukana u Yesu Kilisitu u Mwene witu Uwamaka mwene. Kale Amasimbo ghakalaghula nizya lufundo lulo bapokela.

Ubuvumbuli 13:8

Abantu abakwikala muchisu ichapasi bakwiza pakuchiputa ichinyamana chila, abantu bosi babo amatabwa ghabo ghatasimbiwe mwibuku ilya bumi ilya Mwana uwa ng'ozi, yuyo akaboliwa yula.