Imbombo 2:2 - IBAYIBOLO 2024

² Umwakuchenusya bulo ichongo chikivwika ngati yo mpepo iyamaka iyakukuka ukufuma kumwanya nukwizula munyumba yosi mumo bakikalagha.

Ulufingo Ulupya

² Umwakuchenusya bulo ichongo chikivwika ngati yo mpepo iyamaka iyakukuka ukufuma kumwanya nukwizula munyumba yosi mumo bakikalagha.

Imbombo 2:2 Iomraidhean Croise

1 Abamwene 19:11

U Mwene akati, “Epamo muno, po bukagha wimilile pamaso papane pighamba, pakuti nkulonda pakudumusannya.” Po impepo iyakoghofya ni yamaka yikazepulannya amaghamba nukughanyampannya amabwe pamaso pa Mwene. Loli u Mwene atakaba mumpepo yilayila. Bo impepo yila yaleka, kukaba akasenyenta. Pope bulo u Mwene atakaba mukasenyenta kalakala.

Masalimo 18:10

Akakwela pa bakelubi nukubuluka sona akaba mwengo nkani bo ali pavipapande ivya mpepo.

Inyimbo izya Solomoni 4:16

Vundumuka, wee mpepo iyakumitu, wee mpepo iyakuntende, zagha. Putilagha mumughunda wane, umwakuti umunusi wache umwiza ghufikaye posi na posi. Leka umughaniwa wane izaghe mumughunda wache, umwakuti alyanje ivikomwa ivyiza.

Yesaya 65:24

Bo bachili pakunyitizya nkwiza pakubamula, bo bachili pakunena ikwiza pakubivwa.

Malaki 3:1

U Mwene Uwamaka Ghosi akuti, “Ennya, nkwiza pakuyituma intumi yane kuntazi kukwane ukuti yinjanizizye izila. Po umwakuchenusya bulo u Mwene yuyo mukumulonda akwiza mu Nyumba yache. Intumi iya lufingo yiyo muyisambite yikwiza.” U Mwene Uwamaka Ghosi anena.

Luka 2:13

Umwalubilolubilo akabukatila akakulu aka bantumi aba kumwanya poka nu wantumi yula kakaboneka kakwimba nukumupala u Chala ukuti,

Yohani 3:8

Impepo yikuputa kosi kuko yikulonda, ukwivwa bulo ichongo chicho yikupanga, loli utakumanya na kuko yikufuma pamo kuko yikubuka. Momumo zibeleye sona nu muntu wesi yuyo apapiwe nu Muzimu Umuzelu.”

Imbombo 2:3

Po bakennya vimo vivyo vikaba ngati zyo ndimi izya moto zizyo zikanyampana nukumupalamasya umuntu wesi yuyo akaba mulamula.

Imbombo 2:6

Bo bivwa ichongo chila, ichilundilo ichikulu chikabungana. Bosi bakaswigha pakuti umuntu wesi mumwabo akivwa abitiki bakunenela muneno iyabo ni yabo.

Imbombo 4:31

Bo bamala pakwiputa, ubuzilo bubo bakakomanaghapo bukayingana. Bosi bakizula nu Muzimu Umuzelu nukwanda pakulumbilila amazyu agha Chala nu bujivu nkani.

1 Pitala 1:12

U Chala akabavumbulila abalaghuzi bala ukuti batakibombelagha bo babo bene, loli bakababombelagha amwe. Abene bakanena nizya vintu vivyo vikalumbililiwa kukwinyu na balumbilili babo bakafumusyanga Amazyu Amiza ukwendela mwa Muzimu Umuzelu yuyo akafuma kumwanya. Na bantumi bulo aba kumwanya bakunyonywa nkani pakuvyennya ivintu vinivi.